ယခုလအတွင်း ဟိုအကြောင်း၊ ဒီအကြောင်း၊ သူတို့အကြောင်း

**ရုပ်ရှင်မင်းသမီး ဒေမီမိုးရုပ်ရှင်ကားသစ်များရိုက်ကူးရန်စီစဉ်နေ**


(လော့စ်အိန်ဂျလိစ်)
အမေရိကန်ရုပ်ရှင်မင်းသမီး ဒေမီမိုးသည် လေဖြတ်ခြင်း ဝေဒနာခံစားခဲ့ရပြီးနောက် လော့စ်အိန်ဂျလိစ်မြို့ရှိ ဆေးရုံတွင် ဆေးကုသမှုခံယူနေခဲ့ရာမှ ယခုအခါ သက်သာလာခဲ့ပြီး ဆေးရုံမှပြန်လည် ဆင်းခဲ့ပြီဖြစ်ရာ ဇာတ်ကားသစ်များ၌ ပါဝင်သရုပ်ဆောင်ရန် စီစဉ်နေပြီဖြစ်ကြောင်း မတ် ၁၈ ရက်၌ သတင်းထုတ်ပြန်သည်။ အသက် ၄၉ နှစ်အရွယ်ရှိ ဒေမီမိုးသည် Ghost ဇာတ်ကား၊ Mirgin Call ဇာတ်ကားများဖြင့် ကမ္ဘာကျော်ရုပ်ရှင်မင်းသမီးတစ်ဦးဖြစ်ခဲ့သည်။ ပြီးခဲ့သည့်နှစ် ဇန်န၀ါရီလက ပါတီတစ်ခုတွင် ရုတ်တရက်လေဖြတ်သည့်ဝေဒနာ ခံစားခဲ့ရပြီးနောက် ဆေးရုံသို့ တက်ရောက်ကာ ဆေးကုသမှုခံယူခဲ့ရခြင်းဖြစ်သည်။ ယခုအခါ ကျန်းမာရေးကောင်းပြီဖြစ်၍ ယူနီဗာဆယ်ကုမ္ပဏီနှင့် ရုပ်ရှင်ကားသစ်ရိုက်ကူးရန် စီစဉ်နေသည်။ ရုပ်ရှင်ကားများဆက်လက်ရိုက်ကူးမည့်ဖြစ်ပြီး ရုပ်ရှင်မင်းသားအက်ရှတန်ကတ်ချာနှင့် ဇာတ်ကားသစ်၌ တွဲဖက်သရုပ်ဆောင်မည်ဖြစ်သည်။ ဒေမီမိုးတွင် ယခင်ကွာရှင်းခဲ့သော ရုပ်ရှင်မင်းသားဘရုစ်ဝီလ်လီနှင့် သမီးသုံးဦးရရှိကာ သူမသည် သမီးဦးနှင့်အတူ နေထိုင်လျက်ရှိသည်။ (အင်တာနက်)

**ဂျက်လီနဲ့ ပူးတွဲသရုပ်ဆောင်မယ့် တရုတ်ရုပ်ရှင်မင်းသမီး စီဆွီ**
(ပေကျင်း၊ မတ် ၁၈)
တရုတ်ရုပ်ရုင်မင်းသမီး စီဆွီဟာ မကြာခင်မှာ ရုပ်ရှင်မင်းသားဂျက်လီနဲ့ ရုပ်ရှင်ကားသစ်တစ်ကားရိုက်ကူးဖို့စီစဉ်နေပြီး အဲဒီဇာတ်ကားဟာ ဒရာမာရုပ်ရှင်ကားဖြစ်ကြောင်း ဂျက်လီနဲ့ ပထမဆုံးတွဲဖက်သရုပ်ဆောင်မယ့် ဇာတ်ကားဖြစ်ကြောင်း မတ် ၁၇ ရက်မှာ သတင်းထုတ်ပြန်လိုက်ပါတယ်။ အသက် ၂၅ နှစ်အရွယ်ရှိတဲ့ ရုပ်ရှင်မင်းသမီး စီဆွီဟာ ၂၀၀၅ ခုနှစ်က Jiang Shan Feng Yu Qing as Princess Le An အမည်ရှိတဲ့ ရှင်မြင်သံကြားဇာတ်လမ်းတွဲနဲ့ ရုပ်ရှင်လောကကို စတင်ရောက်ရှိခဲ့သူဖြစ်ပါတယ်။

တရုတ်နိုင်ငံ ဟူဘေးပြည်နယ် စင်ယန်မြို့သူဖြစ်ပြီး ပေကျင်းတက္ကသိုလ်က အနုပညာဘာသာရပ်နဲ့ ဘွဲ့ရရှိထားသူဖြစ်ပါတယ်။ အနုပညာလောကကိုမ၀င်ခင်က ရှီကျီဆန်ယူ အနုပညာအေဂျင်စီမှာ အလုပ်လုပ်ကိုင်ခဲ့ပြီးနောက်ပိုင်း ရုပ်မြင်သံကြားဇာတ်လမ်းတွဲတွေမှာ သရုပ်ဆောင်ခဲ့ရာက နာမည်ရရှိလာသူဖြစ်ပါတယ်။ ၂၀၁၁ ခုနှစ်က Ming Men Xi Fu/ Xun Dao Tian Ya အမည်ရှိတဲ့ ရုပ်မြင်သံကြားဇာတ်လမ်းတွဲတွေရိုက်ကူးခဲ့ပြီး အခု ၂၀၁၂ ခုနှစ်မှာတော့ ကမ္ဘာကျော်ဟောင်ကောင်ရုပ်ရှင်မင်းသား ဂျက်လီနဲ့ ဇာတ်ကားရိုက်ကူးဖို့ စီစဉ်နေခြင်းဖြစ်ပါတယ်။ တရုတ်နိုင်ငံရဲ့ အသက် ၃၀ အောက် ရုပ်ရှင်မင်းသမီးတွေထဲမှာ အောင်မြင်မှုအရှိဆုံးဖြစ်တဲ့ ရုပ်ရှင်မင်းသမီး စီဆွီဟာ ကမ္ဘာကျော်တရုတ်ရုပ်ရှင်မင်းသမီး ဂေါင်လီကိုအားကျနေပြီး နိုင်ငံတကာကို ထိုးဖောက်အောင်မြင်နိုင်မယ့် အနုပညာရှင်တစ်ဦးအဖြစ် ရောက်ရှိအောင် ကြိုးစားမယ်လို့ဆိုပါတယ်။ (အင်တာနက်)


**လီယိုနာဒိုနဲ့ ဇာတ်ကားရိုက်မယ့် ရုပ်ရှင်မင်သမီး ဗစ်တိုးရီးယားဂျက်စ်တစ်**
(လော့စ်အိန်ဂျလိစ်၊ မတ် ၁၈)
ဟောလိဝုဒ်ရုပ်ရှင်မင်းသမီးဗစ်တိုးရီးယားဂျက်စ်တစ်နဲ့ ရုပ်ရှင်မင်းသားလီယိုနာဒိုတို့ဟာ The Love ဆိုတဲ့ ဇာတ်ကားသစ်မှာအတူသရုပ်ဆောင်ဖို့အတွက် ယူနီဗာဆယ်ရုပ်ရှင်ကုမ္ပဏီက စီစဉ်နေပြီဖြစ်တယ်လို့ မတ် ၁၈ ရက်မှာ သတင်းထုတ်ပြန်ပါတယ်။ ဒီဇာတ်ကားမှာ ရုပ်ရှင်မင်းသားလီယိုနာဒိုဟာ အချစ်စစ်အချစ်မှန်ကို ရှာဖွေနေတဲ့ ငွေကြေးပြည့်စုံသူတစ်ဦးအဖြစ် သရုပ်ဆောင်ရမှာဖြစ်ပါတယ်။ ရုပ်ရှင်မင်းသမီး ဗစ်တိုးရီးယားကတော့ ငယ်ရွယ်နုပျိုပြီး သွက်လက်တဲ့ သာမန်ဝန်ထမ်း မိန်းကလေးတစ်ဦးအဖြစ် သရုပ်ဆောင်မှာဖြစ်တာမို့ သူတို့နှစ်ဦးဟာ အလိုက်ဖက်ဆုံး ရုပ်ရှင်မင်းသားမင်းသမီးအတွဲဖြစ်လာမယ်လို့ ယူနီဗာဆယ်ကုမ္ပဏီက ပြောကြားပါတယ်။ ရုပ်ရှင်မင်းသမီး ဗစ်တိုးရီးယားဂျက်စ်တစ်ဟာ အသက် ၁၉ နှစ်အရွယ်သာရှိပြီး သရုပ်ဆောင်၊ အဆိုတော်နဲ့ သီချင်းရေးဖွဲ့သူအဖြစ်လည်းအနုပညာလုပ်ငန်းတွေကို တက်တက်ကြွကြွလုပ်ကိုင်နေသူ ဖြစ်ပါတယ်။ အခုရုပ်ရှင်ကားမှာ ရုပ်ရှင်မင်းသာလီယိုနာဒိုနဲ့ တွဲဖက်သရုပ်ဆောင်ရမှာဟာ သူ့ဘ၀အတွက် အကောင်းဆုံးအခွင့်အရေးတစ်ရပ်အဖြစ်မှတ်ယူပြီး ကြိုးစားသွားမယ်လို့ ဆိုပါတယ်။
(အင်တာနက်)


**အက်ဖ်အေဖလား ကွာတားဖိုင်နယ်ပွဲစဉ်တွင် ဘော်လ်တန်ကစားသမား မူအမ်ဘီ လဲကျသတိလစ်ခဲ့**
(လန်ဒန်၊ မတ် ၁၈)
အက်ဖ်အေဖလားဘောလုံးပြိုင်ပွဲ ကွာတားဖိုင်နယ်ပွဲစဉ်အဖြစ် မတ် ၁၈ ရက် နံနက်က စပါးနှင့် ဘော်လ်တန်အသင်းတို့ ယှဉ်ပြိုင်ကစားသောပွဲတွင် ပွဲကစားချိန် ၄၁ မိနစ်မှာ ဘော်လ်တန်ကွင်းလယ်ကစားသမား၊ ဖာဘရစ်မူအမ်ဘီဟာ ကစားရင်းလဲကျပြီး သတိလစ်ခဲ့တာမို့ ကျန်းမာရေး ၀န်ထမ်းတွေရောက်ရှိလာပြီး စစ်ဆေးခဲ့ပြီးနောက် လန်ဒန်မြို့ ချက်ဆေးရုံကို အမြန်တင်ပို့ခဲ့ရပြီး ဘောလုံးပွဲကိုလည်း ဖျက်သိမ်းခဲ့ရပါတယ်။ အသက် ၂၃ နှစ်အရွယ်ရှိ မူအမ်ဘီဟာ အင်္ဂလန်ယူ-၂၁ ဘောလုံးသမားဟောင်းတစ်ဦးဖြစ်ပြီး ဘော်လ်တန်အသင်းရဲ့ အဓိကကွင်းလယ်ကစားသမားတစ်ဦးအဖြစ်ကစားနေသူဖြစ်ပါတယ်။ ဆရာဝန်တွေစစ်ဆေးချက်အရ နှလုံးရောဂါကြောင့်လို့ တိတိကျကျမပြောခဲ့ပေမယ့် အန္တရာယ်များတဲ့ ဝေဒနာတစ်မျိုးခံစားနေရတယ်လို့ ဆိုပါတယ်။ မူအမ်ဘီဟာ လောလောဆယ်မှာတော့ အခြေအနေပုံမှန်အတိုင်း ရှိနေပါတယ်လို့ ဆရာဝန်တွေက ပြောကြားပါတယ်။ အဲဒီပွဲမှာ တစ်ဖက်တစ်ဂိုးစီ သရေပွဲဖြစ်နေတဲ့ အချိန် အခုလို ဖြစ်ပျက်ခဲ့တာမို့ စပါးနဲ့ ဘော်လ်တန်ပွဲကို ရပ်ဆိုင်းခဲ့ခြင်းဖြစ်ပါတယ်။ (အင်တာနက်)

စုစည်းဘာသာပြန် - မောင်မောင်မြင့်ဆွေ