Pic: Supplied)
အသက် တစ်နှစ်အရွယ် ကလေးငယ် တစ်ဦးကို စိတ်မူမှန်သည့် ၎င်း၏ မိခင်ဟု ယူဆရသူ အသက် ၃၀ ခန့် အမျိုးသမီးတစ်ဦးက လက်တွင်း ပွေ့ချီထားရာမှ ကွန်ကရစ်လမ်းပေါ် ပစ်ချခဲ့သော ဖြစ်စဉ်တစ်ခု ယနေ့ည ၇ နာရီ မိနစ် ၃၀ ခန့်က ရန်ကုန်မြို့ ၃၃ လမ်း အပေါ်ဘလောက်တွင် ဖြစ်ပွားခဲ့ကြောင်း The Voice Weekly သတင်းထောက်က သတင်းပေးပို့သည်။
အခင်းဖြစ်ပွားရာရှိ မျက်မြင်အချို့၏ ပြောကြားချက်အရ အဆိုပါ အမျိုးသမီးမှာ အခြေအနေမဲ့ တစ်ဦးဖြစ်ပြီး “ ဒီကလေး ရှိရင် ကျွန်မ ဘယ်လိုမှ ရှာဖွေစားသောက်လို့ မရဘူး” ဟု ပြောကြားကြောင်း၊ ကလေးငယ်အား ကွန်ကရစ် လမ်းပေါ် ပစ်ချပြီးချိန်တွင် အဝေးသို့ ထွက်ခွာသွားရန် ကြိုးစားသဖြင့် လမ်းအတွင်း နေထိုင်သူများက ဝိုင်းဝန်းဖမ်းဆီးပြီး လုံခြုံရေး တပ်ဖွဲ့ဝင်များထံ အပ်နှံခဲ့ကြောင်း ၎င်းက ဆက်လက် သတင်းပေးပို့သည်။
ပစ်ချခံခဲ့ရသော ကလေးငယ်မှာ နားနှစ်ဖက်နှင့် ဦးခေါင်းတွင် ဒဏ်ရာ ရရှိခဲ့ပြီး သွေးများ ထွက်နေသဖြင့် ကလေးဆေးရုံကြီးသို့ ပို့ဆောင်ပေးခဲ့ကြောင်း ထပ်မံသိရှိရသည်။
**thevoice**
**လင်းဇော်ထက်**
No comments:
Post a Comment