( ၄ )ပွင့်ဆိုင် ဖြစ်စေ ၊ ( ၆ )ပွင့်ဆိုင်ဖြစ်စေ တွေ့ ဆုံဆွေးနွေးရေးအား သမ္မတနှင့် လွှတ်တော်အကြား ဘော်လီဘော ပုတ်နေခြင်းသည် တိုင်းပြည်၏ အနာဂတ် အား ထိခိုက်စေသည်မှာ အမှန်အကန်ပင်ဖြစ်ပေသည် ။ ယခုမှ ဆက်ဆံပေါင်းသင်းသော ကမ္ဘာကြီးကို အချိန်ဆွဲ နည်းဗျူဟာဖြင့် လိမ်လည်နိုင်မည် ဖြစ်သော်လည်း ခေတ်အဆက်ဆက် ဒဏ်ရာဒဏ်ချက်များပြည့်နှက်နေသော မြန်မာပြည်သူလူထုကို မုသားများဖြင့် လိမ်လည်လှည့်ဖျား၍ ရမည် မထင်တော့ပါ ။၎င်း၏ အကျိုးဆက်အဖြင့် ၂၀၁၅ ရွေးကောက်ပွဲ၏ လွတ်လပ်မှု တရားမျှတမှု အား သံသယဖြစ်စေပါသည် ။နောက်ဆုံးအနေဖြင့် အလေးအနက် တင်ပြလိုသည်မှာ ခေတ်နောက်ပြန်ဆွဲပြီး စစ်အာဏာရှင် စနစ်ကို အသက်သွင်းမည့် လုပ်ရပ်များ ၊ အပြောအဆိုများကို မြင်တွေ့ နေရသဖြင့် မြန်မာပြည်တွင် ကျင်းပပြုလုပ်ခဲ့သော အာဆီယံအစည်း အဝေးခရီးစဉ်တွင် ရန်ကုန်တက္ကသိုလ်၌် အာဆီယံဒေသတွင်းလူငယ်များအား မည်သို့ ပင် အခက်အခဲ အကြပ်အတည်း ၇ှိစေကာမူ မိမိယုံကြည်ချက်ကို မဖြစ်မနေလုပ်ဆောင်ရန် တိုက်တွန်းသော အိုဘားမားမြန်မာလို ပြောကြားခဲ့သည့် ငုပ်မိသဲတိုင် တက်နိုင်ဖျားရောက် စကားပုံသည် စစ်အာဏာရှင်စနစ်အား မဖြစ်မနေတည်ဆောက်ချင်သော စစ်ဝါဒီများအတွက် မဟုတ်ပါဟု ပြောကြားလိုပါသည် ။ ယနေ့ စစ်အာဏာရှင် အသွင်ပြောင်း အပြောင်းအလဲကြွေးကြော်နေသော လက်ရှိ ဦးသိန်းစိန် အစိုးရ၏ လုပ်ကိုင် အုပ်ချုပ်နေသော ဖြစ်စဉ်ကို တကယ့် အဖြစ်အပျက်တစ်ခု ဖြင့် ချိန်ထိုးတင်ပြလိုပါသည် ။ တိုက်ဆိုင်မှုများရှိသည်မှာ ၄င်းအဖြစ်အပျက်သည် ဦးသိန်းစိန်၏ ဇာတိဒေသဖြစ်သော ငပုတော မြို့ နယ်၌ ၁၉၈၈ မတိုင်မိတွင် ဖြစ်ပွားခဲ့သည် ။ယင်း အဖြစ်အပျက် ဖြစ်ပျက်ပုံမှာ ငပုတော မြို့ ပေါ်ရှိ ထမင်းဆိုင်များတွင် ဆိုင်းဘုတ်များ၌ ချိတ်ဆွဲထားသည်မှာ အ၀စား ( ၅ ) ကျပ် စံထူးမပါဟု ဆိုင်းဘုတ်ရေးထားခြင်းဖြစ်သည် ။ ထိုအချိန်က ထမင်းအ၀စားပါက မြန်မာငွေ ( ၅ )ကျပ်သာ ကုန်ကျချိန်ဖြစ်ပြီး လူအတော်များများက စိတ်ဝင်စား ၍ ဆိုင်းဘုတ်အကြောင်း ထမင်း ဆိုင်ရှင်များကို မေးမြန်းကြသည် ။ထမင်းဆိုင်ရှင်များ ပြန်လည် ဖြေကြားသည်မှာ စံထူးဆိုသော လူသည် အလွန်အစားသန်သူဖြစ်ပြီး ဆိုင်သို့ အ၀လာစားလျှင် ထမင်းဆိုင်တွင် ချက်ထားသမျှ ထမင်းဟင်းများကို ပန်းကန်ဖြင့် စားယုံနှင့် အားမရပဲ ငှက်ပြောဖက်ခင်းကာ ချက်ထားသမျှ အကုန်စားသည်ဟုဆိုသည် ။နောက်ဆုံးတွင် စံထူးအကြောင်း သိလို၍ မယုံကြည်သူများက စံထူးဆိုသော လူဖြင့် လောင်းကြေးထပ်ကာ လောင်းကြေးစားကြေး ဖြင့် တကယ် အ၀စားနိုင် မစားနိုင် စံထူးနှင့် လောင်းကျရာ စံထူးသည် ထုံးစံအတိုင်း ထမင်းဆိုင်ရှိ ထမင်း ဟင်းကို အကုန်စားကာ အနိုင်ရစမြဲ ဖြစ်ပေသည် ။ ၊။နောက်ဆုံးတွင် စံထူးဒဏ်ကို မခံနိုင်တော့သော ထမင်းဆိုင်ရှင်များသည် တညီညွတ်တည်း ထမင်းဆိုင်၏ ဆိုင်းဘုတ်တွင် အ၀စား ( ၅ ) ကျပ် စံထူးမပါဟု ချိတ်ဆွဲခဲ့ရပေသည် ။
ယခုလည်း အိုသားမားက ပြောကြားခဲ့သော ငုပ်မိသဲတိုင် တက်နိုင်ဖျားရောက် စကားပုံသည် စစ်အာဏာရှင်များအတွက် မဟုတ်ပါဟု ပြောရမလို ဖြစ်နေပါသည် ။အဘယ်ကြောင့်ဆိုသော် စစ်အာဏာရှင် တစ်စုသည် စစ်အာဏာရှင်စနစ်ကို စစ်ယူနီဖောင်းချွတ်ထားစေကာမူ ငုပ်မိသဲတိုင် တက်နိုင်ဖျားရောက်ဆိုသော တလွဲဆံပင်ကောင်း ဇွဲနပဲဖြင့် စစ်အလံကို လွှင့်ထူနေကြဆဲ ဖြစ်သောကြောင့် ဖြစ်ပါသည် ။ ယနေ့ ကမ္ဘာ့နိုင်ငံတစ်ချို့ သည်ေ၇ရှည် စီမံကိန်းများရေးဆြွဲပီး လူသားအရင်းအမြစ်များကို ၇ှာဖွေ စုဆောင်းနေကြပေသည် ။ အမေရိကန် ၊ ကနေဒါနိုင်ငံ ၊ ဂျပန် ၊ သြစတြေလျ ၊စကာင်္ပူ စသောနိုင်ငံများနှင့် ဥရောပနိုင်ငံများသည် နောင်လာမည့် အနှစ် ( ၂၀ )ကျော်၌ လုပ်ငန်းခွင် အမျိုးမျိုး၌ လက်ရှိ အလုပ်လုပ်နေသူများ ပင်စင်ယူခဲ့သော် ယင်းနေရာတွင် အစားထိုးမည့် လူသားအရင်းအမြစ်များကို ယခုကပင် စတင် စုဆောင်းနေကြောင်း အနောက်တိုင်း ဆောင်းပါးတစ်ပုဒ်ဖတ်ဘူးပါသည် ။မြန်မာပြည်တွင်မူ ဒုက္ခသည် ခံဘူးသူများ ၊ တခြားနိုင်ငံတွင် နိုင်ငံသားခံဘူးသူများအား မြန်မာပြည်တွင် အမြဲတမ်းနေထိုင်ခွင့် အတွက် လျှောက်ထားခြင်းမပြုသော ဥပဒေကို ထုတ်ပြန်ခဲ့ပေသည် ။
တခြားတစ်ဖက်တွင်လည်း ၁၉၈၈ မြန်မာပြည် ဒီမိုကရေစီ အရေးတော်ပုံနောက်ပိုင်း ၂၀၁၀ခုနှစ်ထိ အထိ အကျဉ်းကျခံနေရသော အတိုက်အခံအင်အားစုတွေ အပါအ၀င် နိုင်ငံရေး အကျဉ်းသားများလွတ်မြောက်ရေးကို လုပ်ဆောင်ခဲ့သည်မှာ အဆိုပါ နိုင်ငံတကာရောက် အဝေးရောက် မြန်မာများ မဟုတ်ပေဘူးလား။ ၄င်း ဥပဒေသည် ပြည်တွင်း ပြည်ပ အတိုက်အခံဒီမိုကရေစီ အင်အားစုကို အားနည်းအောင် ( ၂ )ခြမ်းခွဲအောင်လုပ်ဆောင်သော ဥပဒေ မဖြစ်နိုင်ဘူးလား၊အနာဂတ်တွင် အစိုး၇မှ ပြန်လည်သုံးသပ်လျက် အတိုက်အခံဖက်မှ လည်း တစ်စုံတရာ ပြောသင့်သည် ဟုထင်ပါသည် ။တစ်ခါတစ်ရံတွင် ပြုပြင်ပြောင်းလဲရေး အရှိန်အဟုန် သည် မလိုလားအပ်သည့် နေရာတွင် မြန်ဆန်ပြီး လူထုကို ဖိနှိပ်သည့်ဥပဒေများသည် အချိန်ကိုက်ထွက်ပေါ်နေသလောက် အာဏာပိုင်များ၏ ဖောက်ပြန် ခြစားမှုများကိုမူ ဥပဒေများက လက်ပိုက်ကြည့်နေပေသည် ။ သို့ မဟုတ်ပါက ဒီမိုကရေစီ အတိုက်အခံ အင်အားစုများသည် တိုင်းပြည်နှင့် လူမျိုး အကျိုးစီးပွားအတွက် အမျိုးသား ပြန်လည်သင့်မြတ် ရင်ကြားစေ့ရေးစကားပြောနေချိန်မှာ စစ်ဘောင်းဘီချွတ် ပုဆိုးပြောင်းဝတ်တာမကြာသေးသည့် အရပ်ဝတ်စစ်တပိုင်း အစိုရက ကိုယ်ကျိုးစီးပွားအတွက် တိုင်းပြည်နှင့် လူထုကို အောက်စလွှတ်ပြနေသလို ဖြစ်နေပါသည် ။ စစ်အာဏာရှင်တစ်စုသည် တိုင်းပြည်ကို ၁၉၈၈ အာဏာသိမ်းပြီးချိန်မှသည် ၂၀၀၈ နာဂစ် ဖွဲ့ စည်းအုပ်ချုပ် ပုံ အခြေခံဥပဒေ မပေါ်ချိန်အထိ ဥပဒေမဲ့ အုပ်ချုပ်ကာ တိုင်းပြည်ကို ဖျက်ဆီးခဲ့တာ အားမရသေးပဲ စစ်အာဏာရှင် စနစ်ကို ကြားကန်သော ၂၀၀၈ ဖွဲ့ စည်းအုပ်ချုပ် ပုံ အခြေခံဥပဒေ ဖြင့် ယခုအချိန်ထိ တိုင်းပြည်အား ဖျက်ဆီးနေစဲလားဟု မေးခွန်းထုတ်ရမလို အဖြစ်အပျက်များက တွန်းပို့ နေပေသည် ။ မြန်မာပြည်သည် ပြုပြင်ပြောင်းလဲရေး လမ်းကြောင်းပေါ်၌ ရပ်တန့် နေပြီဟု ပြစ်တင် ဝေဖန်မှုများ ဆင့်ကဲ ဖြစ်ပေါ်နေသည်မှာ ကြာမြင့်ခဲ့ပေပြီ ။ တကယ်ဖြစ်သင့်သည်မှာ အစိုး၇သည် လူထု၏ သာတူညိမျှ ကောင်းစားရေးအတွက် ပွင့်လင်း မြင်သာသော မူဝါဒများ ချမှတ်လျက် အတိုက်အခံများဖြင့် ယုံကြည်မှုများတည်ဆောက်ကာ ၂၀၁၅ အနာဂတ်နှစ်သစ်တွင် အိမ်နီးချင်းနိုင်များထက် သာလွန်ကောင်းမွန်သော ဘ၀များ ပြည်သူများ ပိုင်ဆိုင်နိုင်ရန် အများလက်ခံသည့် ဒီမိုကရေစီ စနစ်အားတည်ဆောက်ကာ ကမ္ဘာ့အလယ် ခေါင်းမော့ ရင်ကော့နိုင်သော လူမျိုးအဖြစ် ရပ်တည်ရန် လွတ်လပ်မှု ။တရားမျှတမှု နှင့် ငြိမ်းချမ်းရေးကို လိုလားသော အတွေးအခေါ်တော်လှန်ရေးအား စတင်ရမည့် အခါသမယဖြစ်ကြောင်း တိုက်တွန်းလိုက်ရပါသည် ။
နောက်ဆုံး နိဂုံးချုပ် အနေဖြင့် အကြံပေးများ ၀ိုင်းရံပြီး ဟုတ်တိပတ်တိ ဘာမှ ပြုပြင်ပြောင်းလဲမှုများ အရာမထင်ဟု ဝေဖန်သုံးသပ် ခံနေရသော သမ္မတကြီးအား ကြားဘူးနား၀၇ှိသော ပုံပြင်ကို ဖောက်သည်ချကာ ယခုဆောင်းပါးကို အဆုံးသတ်ပါရစေ။ တစ်ခါက တိုင်းပြည်တစ်ပြည်တွင် ဘုရင်ကြီးသည် တိုင်းခန်း လှည့်လည်ကာ နန်းတော်၌ အကြံပေးမည့် ပညာရှိ အမတ်ရှာပုံတော် ဖွင့်လေသည် ။မြို့ ပေါင်း နယ်ပေါင်းများစွာ ရှာဖွေခဲ့ရာ နေရာအတော် နှံပြန့် အောင်ရှာဖွေပြီးဖြစ်သော်လည်း ဘုရင်မင်းကြီး လိုချင်သော ပညာရှိအမတ်ကို ၇ှာမတွေ့ ပဲဖြစ်နေပေသည် ။
သို့ ဖြစ်၍ ဘုရင်ကြီးသည် စိတ်ပျက် လက်ပျက်ဖြင့် ဆင်စီးပြီး နန်းတော်သို့ လှည့်ပြန်လေရာ အပြန်ခရီးတွင် ဆင်ရှေ့ ၌ လဲနေသော လူတစ်ဦးကို တွေ့ ရှိလေသည် ။ဘုရင်၏ အထင်တွင်မူ ဘုန်းကြီးသော ငါဘုရင်အား ဦးတည် လျောက်ထားလို၍ ဦးခေါင်းကို ငုံ့ ပြီး အရိုအသေပေးလျက် ထိုသူ လဲနေသည်ဟု ထင်မြင်ယူဆကာ ထုံးစံအတိုင်း ပညာစမ်းသည့် အနေဖြင့် ဘုရင်မှ လက် ( ၅ ) ချောင်း ထောင်ပြလေသည် ။ ထိုအခါ လဲနေသော ထိုလူသည် လက် ( ၁၀ ) ချောင်းထောင်ပြရာ ဘုရင်သည် သဘောတော်တွေ့ လျက် ရင်ဘတ်ကို ပွတ်သပ်ပြရာ အဆိုပါ ဆင်ရှေ့ လဲနေသူမှ ကျောကော ရင်ကော ပွတ်သပ်ပြလေသည် ။ထိုအခါ ဘုရင်သည် တိုင်းခန်း လှည့်လည်ပြီး ပညာရှိ ရှာရကျိုးနပ်ပြီဟု ထင်မြင် ယူဆလျက် ဘုန်းတော်ကြောင့် အကြံပေးပညာရှိကို တွေ့ ရှိပြီဟု ၀မ်းမြောက် ၀မ်းသာ မိန့် ကြားကာ နေပြည်တော်နန်းတော်သို့ အဆိုပါလဲနေသူကို အပါးတော်ဆင်ဖြင့် ခေါ်ဆောင် ခဲ့ပေသည် ။ ဘုရင် ၏စိတ်ထဲတွင် အကြံပေး ပညာရှိ ရသဖြင့် ၀မ်းသာ ပီတိ ဂွမ်းဆီထိရသည့် အဖြစ်မှာ ဘုရင် လက် ( ၅ )ချောင်းထောင်ပြသည့် ဆိုလိုရင်းမှာ ( ၅ )ပါး သီလမြဲသလားဟု အဓိပ္ပါယ်ရောက်လေရာ အဆိုပါ လဲနေသူက ထိထိမိမိ သိရှိလျက် လက် ( ၁၀ ) ချောင်းထောင်ပြခြင်းမှာ ( ၅ )ပါး သီလသာမက ( ၁၀ )ပါး သီလပါမြဲသည် ဟု ဘုရင်မှ ရွှေဥာဏ်တော်စူးရှကာ စိတ်ထဲမှ မှတ်ချက်ချခဲ့ပေသည် ။တစ်ချိန်တည်းတွင် ပင် ဘုရင်သည် သဘောတော်တွေ့ လျက် ရင်ဘတ်ကို ပွတ်သပ်ပြခြင်းမှာ တိုင်းသူပြည်သားတွေကို ရင်ဝယ်သားကဲ့သို့ စောင့်ရှောက်ရဲ့ လားဟု ဆိုလိုလေရာ အဆိုပါ ဆင်ရှေ့ လဲနေသူမှ ကျောကော ရင်ကော ပွတ်သပ်ပြလေရာ ဘုရင်မင်းမြတ်မှ သဘောတော်ခွေ့ မိသည်မှာ အဆိုပါ လဲနေသူသည် တိုင်းသူပြည်သားတွေကို ကျောသားရင်သားမခွဲခြားပဲ အုပ်ချုပ်မည်ဟု ဖြေဆိုလေသည်ဟု ဘုရင်မှ အထင်ရောက်ကာ ဘုန်းတော်ကြောင့် ပညာရှိတော့ တွေ့ ပြီဟု နေပြည်တော် နန်းတော်သို့ ခေါ်ဆောင်ကာ စည်းစိမ်များပေးအပ်လျက် ပညာရှိ အကြံပေး အမတ်ကြီး ခန့် အပ်လိုက်လေသည်။ အမှန်တကယ်တွင် မူ ဘု၇င်မင်းမြတ် ဆင်တော်ရှေ့ လဲကျသူ၏ စိတ်ထဲတွင် ဘုရင်မှ လက် ( ၅ ) ချောင်း ထောင်ပြရာတွင် ရာရာစစ ငါလို အရက်သမားကို အရက် ( ၅ ) လုံး သောက်နိုင်သလားမေးသည် အထင်ဖြင့် အရက် ( ၅ ) လုံးသာမက
( ၁၀ ) လုံးပါ သောက်နိုင်သည်ဟု လက် ( ၁၀ ) ချောင်းထောင်ပြခြင်း ဖြစ်ပေသည် ။တစ်ချိန်တည်းတွင် ပင် ဘုရင်သည် ရင်ဘတ်ကို ပွတ်သပ်ပြခြင်းကို အရက်မူး လဲနေသော အရက်သမားအမြင်တွင် ဘုရင်မှ အရက်သောက်လျှင် ရင်ပူသလားမေးနေသည် အထင်ဖြင့် အရက်သောက်ရင် ရင်ပူယုံမက ကျောကော ရင်ကောပူပါသည် ဟု ဆိုလိုရာ ကျောကောရင်ကော ပွတ်ပြခြင်း ဖြစ်လေသတည်း ။
+အောင်ခိုင်မြင့်+
၃၁ ဒီဇင်ဘာလ ၂၀၁၄
