>
တစ်နှစ်မှာတစ်ကြိမ်တစ်ခါသာ ပွင့်တဲ့ ထူးခြားတဲ့ ပိတောက်က ကျွန်မတို့ရဲ့ အတာတန်ခူး မြန်မာနှစ်ကူး အခါသမယရဲ့ ၀ိသေသပန်းပါ။ ထူးခြားတဲ့ အ၀ါရင့်ရောင်နဲ့ မွှေးပျံ့တဲ့ ချိုအီရနံ့လေးက ပန်းမကြိုက်တတ်သူ ကျွန်မကိုတောင် မမွှေးကြူပဲ မနေနိုင်အောင် စွဲဆောင်နေတာပါ။ ကျွန်မက ပိတောက်ပန်းတွေ ခူးယူ ပန်ဆင်ရတာမျိုးထက် သင်္ကြန်အချိန်မှာ ပင်လုံးကျွတ် ၀ါထိန်အောင် အရွက်စိမ်းမြမြတွေကြားမှာ ရှိနေတာမျိုးကို ပိုနှစ်သက်သူပါ။ ပိတောက်ရဲ့ အ၀ါရောင်စိုစိုနဲ့ စိမ်းမြနေတဲ့ အရွက်အခက်အဖူးတို့က လက်ရာမြောက် ပန်းချီဆရာတစ်ဦးရဲ့ သက်ဝင်နေတဲ့ စုတ်ချက်တွေနဲ့ မွမ်းမံထားတဲ့ ပန်းချီကားတစ်ချပ်ကို ကြည့်နေရသလို ခံစားမိပါတယ်။
ဒီလို သင်္ကြန်ရက်တွေနီးလာတိုင်း ကျွန်မတို့အိမ်မှာ မိသားစုဝင်တွေအားလုံး ပိတောက် ပွင့်ရက်တွေကို မျှော်နေမိကြပြီ။ ဒီလိုမျှော်နေမိကြတာက အထူးသဖြင့် ကျွန်မရဲ့ အဖေ။ အဖေရဲ့ ပိတောက်နဲ့ ဆက်စပ်နေတဲ့ ခံစားမှု၊ အဖေ့ရင်ထဲက ပိတောက်အပေါ်ထားတဲ့ စွဲလမ်းစိတ်။ ကျွန်မတို့ သားသမီးတွေ အတွက် ဟိုးအရင်ကလို ပဟေဠိတစ်ပုဒ် မဟုတ်တော့ပေမယ့် ဒီလိုအချိန် ဒီလိုရက်တွေနီးလာတိုင်း အဖေ့ရဲ့ မပျက်မကွက်ပြုမြဲ အပြုအမူအပေါ် သားသမီးတွေက စိတ်မကောင်းစွာ..။ ပိတောက်က အဖေရဲ့ မေတ္တာအတွက် တကယ့် မှတ်ကျောက်တင်ခံရမယ့် တစ်နှစ်မှာ တစ်ခါ မပျက်မကွက် ပွင့်တဲ့ သစ္စာပန်း။
ဟိုးအရင် မိသားစုတွေ စုံစုံညီညီရှိစဉ်က ဧပြီလပေါင်း များစွာကို ကျော်လွန် ဖြတ်သန်းခဲ့ပေမယ့် အဖေနဲ့ အမေ့အကြား ဆက်နွယ်မှုရှိနေတဲ့ ပိတောက်ကို အရေးတယူ သတိမထားမိခဲ့။ ဒါပေမယ့် အမေ ကျွန်မတို့ ခွဲခွာသွားပြီး နောက်တစ်လ။
အဲ့ဒီလက ဧပြီလ။ မှတ်မှတ်ရရ အဲ့ဒီနှစ်က သင်္ကြန်မိုးလေး တစွေ့စွေ့နဲ့ ပန်းပိတောက်တွေ လှိုင်လှိုင်ပွင့်တဲ့လ။ မနက်စောစော ၆နာရီလောက် အဖေအိမ်ကထွက်သွားတာကို သတိပြုလိုက်မိပေမယ့် အရင် မနက်ခင်းတွေလိုပဲ အညောင်းအညာပြေ လမ်းလျှောက် ထွက်တယ်လို့ပဲ ထင်ခဲ့မိတာ။ နောက်တစ်နာရီလောက် ကြာတော့ လက်ထဲမှာ ပိတောက်ပန်းခက်တွေ တစ်ပွေ့တစ်ပိုက်နဲ့ အဖေ အိမ်ပြန်ရောက်လာတယ်။ အရင်လို ကျွန်မကို မလုပ်ခိုင်းလေပဲ ပန်းတွေကို သူကိုယ်တိုင် သန့်စင်ဆေးကြောတယ်။ ဘုရားပန်းအိုးတွေထဲကို ပိတောက်ပန်းတွေ လှယ်ထည့်တယ်။ အဖေ့ရဲ့ ထူးခြားတဲ့ အပြုအမူတွေက ကျွန်မအတွက် အံ့သြစရာ။ ရေဖန်ခွက်လေးထဲမှာ ပိတောက်ပန်းခက် အချို့ကို ထည့်ပြီး အမေ့ရှိစဉ်က ရိုက်ထားတဲ့ အမေ့ဓာတ်ပုံ စတန်းလေးရှေ့မှာ ပိတောက်ပန်းခွက်လေးကို ထားလိုက်ချိန်မှာတော့ ကျွန်မရင်ထဲ နင့်ခနဲ။ အမေ့ဓာတ်ပုံကို စူးစူးစိုက်စိုက် ကြည့်နေတဲ့ အဖေ့မျက်ဝန်းတွေက မျက်ရည်ကြည်တွေနဲ့ စိုစွတ်လို့။ “ သမီးအမေက ပိတောက်ပန်းဆို သိပ်ကြိုက်ရှာတာ ” လို့ ညည်းပြောပြောနေတဲ့ အဖေ့ရဲ့ နှုတ်ဖျားက ဖွဖွတိုးတိုး စကားသံတွေက ကြေကွဲဖွယ်ရာအတိ။
ဒီအဖြစ်အပျက်ကြောင့် အဖေနဲ့အမေရဲ့ ကြားက ပိတောက်ဇာတ်လမ်းကို ကျွန်မ အတော်လေး စိတ်ဝင်စားလာမိတယ်။ အဖေနဲ့ အမေကြားမှာ ပိတောက်ဟာ မလွဲမသွေပါဝင် ပတ်သက်နေမယ်ဆိုတာ ကျွန်မ ယုံကြည်လာမိတယ်။ ဒါနဲ့ ကျွန်မ မှတ်မိသလောက် အမေရှိခဲ့စဉ် အချိန်တွေကို ပြန်တွေးကြည့်မိလိုက်တော့… ဘုရားရေ… အဖေဟာ အမေ့ကို နှစ်စဉ် ဧပြီလရောက်တိုင်း ပိတောက်ပန်းတွေ ပေးခဲ့တာပါလား။ ကျွန်မရဲ့ အတွေးထဲမှာ ပိတောက်ပန်းပွင့် ၀ါဝါလေးတွေက အဖေနဲ့အမေ့ အကြားမှာ တလွင့်လွင့်နဲ့။ အဖေက အပြင်ကနေ သူရှာယူလာတဲ့ ပိတောက်ပန်းခက်လေးတွေကို အမေ့လက်ထဲ အပ်လိုက်တာ။ ပန်းတွေက များလွန်းလို့ အမေက ဘုရားအိုးထိုးပြီး ပိုတာတွေကို ဧည့်ခန်းပန်းအိုးမှာလည်းထိုး၊ သူ့ခေါင်းမှာလည်း ဝေနေအောင် ပန်ထားခဲ့တာ။ ပန်းတွေနဲ့ဝေနေတဲ့ အမေ့ရဲ့ ကြည်နူးမျက်နှာနဲ့အတူ အဖေ့ရဲ့ ပီတိအပြုံး။ တစ်အိမ်လုံး ရွှေဝါရောင်တွေ လွှမ်းခြုံခဲ့ချိန် ကာလများ။
ကျွန်မ တဖြေးဖြေး မှတ်မိလာတယ်။ တစ်နှစ်ထဲ မဟုတ်။ နှစ်စဉ်…။ အဖေက နှစ်စဉ် ဒီလို အချိန်ရောက်တိုင်း မနက်စောစော ဦးဦးဖျားဖျား ပိတောက်ပန်းတွေ ရှာဖွေလို့ အမေ့ကို မပျက်မကွက်ပေးခဲ့တာ။ တစ်နှစ်မှာတော့ ပိတောက်တွေ မတ်လထဲ စောပွင့်လို့ အဖေက “ မိန်းမရေ… ဒီမှာ… ပိတောက်တွေ… သင်္ကြန်တောင် မတိုင်သေးဘူး.. အစောကြီးပွင့်နေတယ်ကွာ။ သင်္ကြန်မှ မင်းကိုပေးချင်ပေမယ့် ထပ်မပွင့်ရင် ဒုက္ခ ” လို့ ပြောခဲ့လို့ ကျွန်မတို့ ကလေးတွေ အဖေကဲနေ၊ သည်းနေပုံကို ဟားခဲ့မိတာ။ ရုပ်ရှင်အနှေးပြကွက် တစ်ခုလို ကျွန်မ အားလုံးကို ပြန်မြင်ယောင်လာမိတော့တယ်။
ပိတောက်နဲ့ ဆက်စပ်နေတဲ့ အဖေနဲ့ အမေရဲ့ကြားက ဇာတ်လမ်းကို သိချင်စိတ်တွေက ကျွန်မကို ကြီးစိုးနေပြီ။ အဖေ့ကိုတော့ လုံးဝမှ မမေးချင်။ အဖေ့ရဲ့ သိမ်မွေ့တဲ့ ခံစားချက်တွေကို ကျွန်မရဲ့မေးခွန်းတွေနဲ့ မဖိနှစ်ချင်။ ဟုတ်ပြီ။ ကျွန်မ သိပြီ။ အဖေနဲ့ အမေ့ကြားက ပိတောက်သဲလွန်စကို ဘယ်နေရာမှာရှာနိုင်တယ် ဆိုတာ ကျွန်မသိပြီ။ အဖေ့အခန်းထဲက ဘီဒိုထဲမှာ အဖေနဲ့အမေတို့ ဟိုး ငယ်စဉ်အခါက အပြန်အလှန် ရေးထားတဲ့ စာတွေ ထည့်ထားတဲ့ စက္ကူကဒ်ဘူးတစ်ခု ရှိတယ်။ အမေရှိတုန်းကတော့ အမေ့ကို ကြည်ဆယ် ချင်ရင် ကျွန်မ တစ်စောင်တစ်လေ အာပြဲနဲ့ အော်ဖတ်ပြ ရင် အမေက ရှက်ရှက်နဲ့ရယ်ပြီး အခန်းထဲကနေ မောင်းထုတ်ခဲ့တာ။ အမေ မရှိတော့ပေမယ့် ဒီစာတွေထည့်ထားတဲ့ ကဒ်ဘူးလေးကို အဖေက အခုချိန်ထိ တယုတယ သိမ်းထားဆဲ။
အဖေ့အလစ်မှာ အခန်းထဲဝင်ပြီး စာတွေ ကျွန်မမွှေနှောက်ကြည့်မိတယ်။ စာတွေ.. စာတွေ.. အစောင်တစ်ရာကျော်လောက်ရှိမယ်။ ပရုပ်လုံးရနံ့ သင်းနေတဲ့ လေယာဉ်စာအိတ် အပြာလေးတွေရဲ့ သက်တမ်းဆို ကျွန်မအသက်ထက်တောင် ကြီးနေပြီ။ စာတွေကို တစ်စောင်ချင်း ကျွန်မဖတ်ကြည့် နေမိတယ်။ ဒီစာတွေထဲမှာ လူနှစ်ယောက်က မွေးဖွားလာခဲ့တဲ့ ချစ်ခြင်းမေက္ကာတွေရဲ့ သမိုင်းကြောင်းတွေကို တွေ့ရတယ်။ ဒီစာတွေမှာ ဒီလူနှစ် ယောက်ရဲ့ သစ္စာတရားတွေ ထုံမွှမ်းထားတဲ့ အတ္ထုပ္ပတ္တိက မြင်သာနေတယ်။
ဟော.. တွေ့ပါပြီ။ နှစ်ကာလများစွာကို မှတ်ကျောက်တင် ကျော်လွန် ဖြတ်သန်းခဲ့တဲ့ အမြုတေ ပိတောက်ပန်းခြောက်လေးက စာလေးထဲမှာ တွယ်ကပ်လျှက်။ ၀ါကျင့်ကျင့် စာလေးက ကျွန်မကို ညှို့ငင်စွဲယူလိုက်ပါပြီ။
စာရွက်ကို ကိုင်ထားတဲ့ ကျွန်မလက်တွေက တုန်ရီလာကာ အမည်မဖော်နိုင်တဲ့ ခံစားမှုတွေနဲ့ ရင်ထဲမှာ ဆို့နင့်လာ ပါတော့တယ်။
နှစ်စဉ် မပျက်မကွက် အမေ့ကို ပေးခဲ့တဲ့ အဖေ့ရဲ့ ပိတောက်ပန်းပွင့်တွေ..။ အမေ မရှိခဲ့တာတောင် ဧပြီလရောက်တိုင်း မမေ့မလျှော့ ပေးနေဆဲ အဖေ့ရဲ့ သစ္စာပိတောက်ပွင့်တွေ..။ ကျွန်မ မျက်ဝါးထင်ထင် တွေ့သိလိုက်ရပါပြီ။ ကျွန်မရင်ထဲ မရှင်းလင်းပဲရှိခဲ့တဲ့ ပိတောက်ရဲ့ ပဟေဠိက အဖြေထွက်ခဲ့ပါပြီ။ ထုံအီတဲ့ ပိတောက်ရဲ့ မွှေးရနံ့တွေတောင် လောလောလတ်လတ် ကျွန်မခံစား ရှူရှိုက်လိုက်ရသလိုပါဘဲ။
တူးပို့တူးပို့ သင်္ကြန်တေးသံတွေက လေထဲမှာ ပျံ့လွင့်လို့။ ဖြတ်သန်းသွားတဲ့ ရေပက်ခံကားပေါ်က အပျော်တွေ လွှမ်းခြုံနေတဲ့ စ..နောက်သံတွေက ဟိုတစ်စဒီတစ်စ။ ကျွန်မရဲ့ ၀န်းကျင်မှာ ပိတောက်ရနံ့တွေ ရုတ်ချည်း သင်းထုံလာတယ်။
ပိတောက်ပန်းခိုင်တွေ တစ်ပွေ့တစ်ပိုက်နဲ့ တလှုပ်လှုပ်နဲ့ အိမ်ထဲဝင်လာတဲ့ အဖေ့ကို ကျွန်မ ကူညီဖို့ လက်လှမ်းလိုက်တော့ ထုံးစံအတိုင်း အသာအယာ ခေါင်းခါငြင်းလို့။ ပြီးတော့ ကိုယ်တိုင်ကိုယ်ကျ ရေဆေးသန့်စင်၊ ဘုရားမှာကပ်၊ ဆုတောင်းဝတ်ပြု။ ပြီးမှ သီးသန့်ဖယ်ထားတဲ့ ပိတောက်ခက် အချို့ကို ရေဖန်ခွက်လေးထဲ ထည့်လို့ အမေ့ရဲ့ ဓာတ်ပုံရှေ့မှာ ထားကာ။
အသက် (၇၆) နှစ်အရွယ် ယောကျာ်းတစ်ယောက်ရဲ့ ကြီးမားတဲ့ အစွဲအလန်းလို့ပဲ ဆိုရမလား။ ဒါမှမဟုတ် သူ့ရဲ့ ချစ်သူအပေါ်မှာ ထားရှိတဲ့ ခိုင်မြဲတဲ့ သစ္စာတရားလို့ပဲ ဆိုရမလား။ ပိတောက်တို့ကတော့ အချိန်မှန်မှန် ပွင့်လို့သာ…။
( ကျွန်မရဲ့ ပထမဆုံး “အိပ်မက်ကောက်ကြောင်း” ရသစာစုများ စုစည်းမှု ၀တ္တုမှာ ဖော်ပြဖြစ်ခဲ့တဲ့ ၀တ္တုအဟောင်းလေးပါ။ သင်္ကြန်ရောက်တိုင်း ကျွန်မပြန်တင်ဖြစ်နေကျ ပို့စ်လေးတစ်ပုဒ်။ )
ဆန္ဒနဲ့ဘ၀ တစ်ထပ်ထဲကျကြပါစေ။
**မြသွေးနီ**
တစ်နှစ်မှာတစ်ကြိမ်တစ်ခါသာ ပွင့်တဲ့ ထူးခြားတဲ့ ပိတောက်က ကျွန်မတို့ရဲ့ အတာတန်ခူး မြန်မာနှစ်ကူး အခါသမယရဲ့ ၀ိသေသပန်းပါ။ ထူးခြားတဲ့ အ၀ါရင့်ရောင်နဲ့ မွှေးပျံ့တဲ့ ချိုအီရနံ့လေးက ပန်းမကြိုက်တတ်သူ ကျွန်မကိုတောင် မမွှေးကြူပဲ မနေနိုင်အောင် စွဲဆောင်နေတာပါ။ ကျွန်မက ပိတောက်ပန်းတွေ ခူးယူ ပန်ဆင်ရတာမျိုးထက် သင်္ကြန်အချိန်မှာ ပင်လုံးကျွတ် ၀ါထိန်အောင် အရွက်စိမ်းမြမြတွေကြားမှာ ရှိနေတာမျိုးကို ပိုနှစ်သက်သူပါ။ ပိတောက်ရဲ့ အ၀ါရောင်စိုစိုနဲ့ စိမ်းမြနေတဲ့ အရွက်အခက်အဖူးတို့က လက်ရာမြောက် ပန်းချီဆရာတစ်ဦးရဲ့ သက်ဝင်နေတဲ့ စုတ်ချက်တွေနဲ့ မွမ်းမံထားတဲ့ ပန်းချီကားတစ်ချပ်ကို ကြည့်နေရသလို ခံစားမိပါတယ်။
ဒီလို သင်္ကြန်ရက်တွေနီးလာတိုင်း ကျွန်မတို့အိမ်မှာ မိသားစုဝင်တွေအားလုံး ပိတောက် ပွင့်ရက်တွေကို မျှော်နေမိကြပြီ။ ဒီလိုမျှော်နေမိကြတာက အထူးသဖြင့် ကျွန်မရဲ့ အဖေ။ အဖေရဲ့ ပိတောက်နဲ့ ဆက်စပ်နေတဲ့ ခံစားမှု၊ အဖေ့ရင်ထဲက ပိတောက်အပေါ်ထားတဲ့ စွဲလမ်းစိတ်။ ကျွန်မတို့ သားသမီးတွေ အတွက် ဟိုးအရင်ကလို ပဟေဠိတစ်ပုဒ် မဟုတ်တော့ပေမယ့် ဒီလိုအချိန် ဒီလိုရက်တွေနီးလာတိုင်း အဖေ့ရဲ့ မပျက်မကွက်ပြုမြဲ အပြုအမူအပေါ် သားသမီးတွေက စိတ်မကောင်းစွာ..။ ပိတောက်က အဖေရဲ့ မေတ္တာအတွက် တကယ့် မှတ်ကျောက်တင်ခံရမယ့် တစ်နှစ်မှာ တစ်ခါ မပျက်မကွက် ပွင့်တဲ့ သစ္စာပန်း။
ဟိုးအရင် မိသားစုတွေ စုံစုံညီညီရှိစဉ်က ဧပြီလပေါင်း များစွာကို ကျော်လွန် ဖြတ်သန်းခဲ့ပေမယ့် အဖေနဲ့ အမေ့အကြား ဆက်နွယ်မှုရှိနေတဲ့ ပိတောက်ကို အရေးတယူ သတိမထားမိခဲ့။ ဒါပေမယ့် အမေ ကျွန်မတို့ ခွဲခွာသွားပြီး နောက်တစ်လ။
အဲ့ဒီလက ဧပြီလ။ မှတ်မှတ်ရရ အဲ့ဒီနှစ်က သင်္ကြန်မိုးလေး တစွေ့စွေ့နဲ့ ပန်းပိတောက်တွေ လှိုင်လှိုင်ပွင့်တဲ့လ။ မနက်စောစော ၆နာရီလောက် အဖေအိမ်ကထွက်သွားတာကို သတိပြုလိုက်မိပေမယ့် အရင် မနက်ခင်းတွေလိုပဲ အညောင်းအညာပြေ လမ်းလျှောက် ထွက်တယ်လို့ပဲ ထင်ခဲ့မိတာ။ နောက်တစ်နာရီလောက် ကြာတော့ လက်ထဲမှာ ပိတောက်ပန်းခက်တွေ တစ်ပွေ့တစ်ပိုက်နဲ့ အဖေ အိမ်ပြန်ရောက်လာတယ်။ အရင်လို ကျွန်မကို မလုပ်ခိုင်းလေပဲ ပန်းတွေကို သူကိုယ်တိုင် သန့်စင်ဆေးကြောတယ်။ ဘုရားပန်းအိုးတွေထဲကို ပိတောက်ပန်းတွေ လှယ်ထည့်တယ်။ အဖေ့ရဲ့ ထူးခြားတဲ့ အပြုအမူတွေက ကျွန်မအတွက် အံ့သြစရာ။ ရေဖန်ခွက်လေးထဲမှာ ပိတောက်ပန်းခက် အချို့ကို ထည့်ပြီး အမေ့ရှိစဉ်က ရိုက်ထားတဲ့ အမေ့ဓာတ်ပုံ စတန်းလေးရှေ့မှာ ပိတောက်ပန်းခွက်လေးကို ထားလိုက်ချိန်မှာတော့ ကျွန်မရင်ထဲ နင့်ခနဲ။ အမေ့ဓာတ်ပုံကို စူးစူးစိုက်စိုက် ကြည့်နေတဲ့ အဖေ့မျက်ဝန်းတွေက မျက်ရည်ကြည်တွေနဲ့ စိုစွတ်လို့။ “ သမီးအမေက ပိတောက်ပန်းဆို သိပ်ကြိုက်ရှာတာ ” လို့ ညည်းပြောပြောနေတဲ့ အဖေ့ရဲ့ နှုတ်ဖျားက ဖွဖွတိုးတိုး စကားသံတွေက ကြေကွဲဖွယ်ရာအတိ။
ဒီအဖြစ်အပျက်ကြောင့် အဖေနဲ့အမေရဲ့ ကြားက ပိတောက်ဇာတ်လမ်းကို ကျွန်မ အတော်လေး စိတ်ဝင်စားလာမိတယ်။ အဖေနဲ့ အမေကြားမှာ ပိတောက်ဟာ မလွဲမသွေပါဝင် ပတ်သက်နေမယ်ဆိုတာ ကျွန်မ ယုံကြည်လာမိတယ်။ ဒါနဲ့ ကျွန်မ မှတ်မိသလောက် အမေရှိခဲ့စဉ် အချိန်တွေကို ပြန်တွေးကြည့်မိလိုက်တော့… ဘုရားရေ… အဖေဟာ အမေ့ကို နှစ်စဉ် ဧပြီလရောက်တိုင်း ပိတောက်ပန်းတွေ ပေးခဲ့တာပါလား။ ကျွန်မရဲ့ အတွေးထဲမှာ ပိတောက်ပန်းပွင့် ၀ါဝါလေးတွေက အဖေနဲ့အမေ့ အကြားမှာ တလွင့်လွင့်နဲ့။ အဖေက အပြင်ကနေ သူရှာယူလာတဲ့ ပိတောက်ပန်းခက်လေးတွေကို အမေ့လက်ထဲ အပ်လိုက်တာ။ ပန်းတွေက များလွန်းလို့ အမေက ဘုရားအိုးထိုးပြီး ပိုတာတွေကို ဧည့်ခန်းပန်းအိုးမှာလည်းထိုး၊ သူ့ခေါင်းမှာလည်း ဝေနေအောင် ပန်ထားခဲ့တာ။ ပန်းတွေနဲ့ဝေနေတဲ့ အမေ့ရဲ့ ကြည်နူးမျက်နှာနဲ့အတူ အဖေ့ရဲ့ ပီတိအပြုံး။ တစ်အိမ်လုံး ရွှေဝါရောင်တွေ လွှမ်းခြုံခဲ့ချိန် ကာလများ။
ကျွန်မ တဖြေးဖြေး မှတ်မိလာတယ်။ တစ်နှစ်ထဲ မဟုတ်။ နှစ်စဉ်…။ အဖေက နှစ်စဉ် ဒီလို အချိန်ရောက်တိုင်း မနက်စောစော ဦးဦးဖျားဖျား ပိတောက်ပန်းတွေ ရှာဖွေလို့ အမေ့ကို မပျက်မကွက်ပေးခဲ့တာ။ တစ်နှစ်မှာတော့ ပိတောက်တွေ မတ်လထဲ စောပွင့်လို့ အဖေက “ မိန်းမရေ… ဒီမှာ… ပိတောက်တွေ… သင်္ကြန်တောင် မတိုင်သေးဘူး.. အစောကြီးပွင့်နေတယ်ကွာ။ သင်္ကြန်မှ မင်းကိုပေးချင်ပေမယ့် ထပ်မပွင့်ရင် ဒုက္ခ ” လို့ ပြောခဲ့လို့ ကျွန်မတို့ ကလေးတွေ အဖေကဲနေ၊ သည်းနေပုံကို ဟားခဲ့မိတာ။ ရုပ်ရှင်အနှေးပြကွက် တစ်ခုလို ကျွန်မ အားလုံးကို ပြန်မြင်ယောင်လာမိတော့တယ်။
ပိတောက်နဲ့ ဆက်စပ်နေတဲ့ အဖေနဲ့ အမေရဲ့ကြားက ဇာတ်လမ်းကို သိချင်စိတ်တွေက ကျွန်မကို ကြီးစိုးနေပြီ။ အဖေ့ကိုတော့ လုံးဝမှ မမေးချင်။ အဖေ့ရဲ့ သိမ်မွေ့တဲ့ ခံစားချက်တွေကို ကျွန်မရဲ့မေးခွန်းတွေနဲ့ မဖိနှစ်ချင်။ ဟုတ်ပြီ။ ကျွန်မ သိပြီ။ အဖေနဲ့ အမေ့ကြားက ပိတောက်သဲလွန်စကို ဘယ်နေရာမှာရှာနိုင်တယ် ဆိုတာ ကျွန်မသိပြီ။ အဖေ့အခန်းထဲက ဘီဒိုထဲမှာ အဖေနဲ့အမေတို့ ဟိုး ငယ်စဉ်အခါက အပြန်အလှန် ရေးထားတဲ့ စာတွေ ထည့်ထားတဲ့ စက္ကူကဒ်ဘူးတစ်ခု ရှိတယ်။ အမေရှိတုန်းကတော့ အမေ့ကို ကြည်ဆယ် ချင်ရင် ကျွန်မ တစ်စောင်တစ်လေ အာပြဲနဲ့ အော်ဖတ်ပြ ရင် အမေက ရှက်ရှက်နဲ့ရယ်ပြီး အခန်းထဲကနေ မောင်းထုတ်ခဲ့တာ။ အမေ မရှိတော့ပေမယ့် ဒီစာတွေထည့်ထားတဲ့ ကဒ်ဘူးလေးကို အဖေက အခုချိန်ထိ တယုတယ သိမ်းထားဆဲ။
အဖေ့အလစ်မှာ အခန်းထဲဝင်ပြီး စာတွေ ကျွန်မမွှေနှောက်ကြည့်မိတယ်။ စာတွေ.. စာတွေ.. အစောင်တစ်ရာကျော်လောက်ရှိမယ်။ ပရုပ်လုံးရနံ့ သင်းနေတဲ့ လေယာဉ်စာအိတ် အပြာလေးတွေရဲ့ သက်တမ်းဆို ကျွန်မအသက်ထက်တောင် ကြီးနေပြီ။ စာတွေကို တစ်စောင်ချင်း ကျွန်မဖတ်ကြည့် နေမိတယ်။ ဒီစာတွေထဲမှာ လူနှစ်ယောက်က မွေးဖွားလာခဲ့တဲ့ ချစ်ခြင်းမေက္ကာတွေရဲ့ သမိုင်းကြောင်းတွေကို တွေ့ရတယ်။ ဒီစာတွေမှာ ဒီလူနှစ် ယောက်ရဲ့ သစ္စာတရားတွေ ထုံမွှမ်းထားတဲ့ အတ္ထုပ္ပတ္တိက မြင်သာနေတယ်။
ဟော.. တွေ့ပါပြီ။ နှစ်ကာလများစွာကို မှတ်ကျောက်တင် ကျော်လွန် ဖြတ်သန်းခဲ့တဲ့ အမြုတေ ပိတောက်ပန်းခြောက်လေးက စာလေးထဲမှာ တွယ်ကပ်လျှက်။ ၀ါကျင့်ကျင့် စာလေးက ကျွန်မကို ညှို့ငင်စွဲယူလိုက်ပါပြီ။
စာရွက်ကို ကိုင်ထားတဲ့ ကျွန်မလက်တွေက တုန်ရီလာကာ အမည်မဖော်နိုင်တဲ့ ခံစားမှုတွေနဲ့ ရင်ထဲမှာ ဆို့နင့်လာ ပါတော့တယ်။
နှစ်စဉ် မပျက်မကွက် အမေ့ကို ပေးခဲ့တဲ့ အဖေ့ရဲ့ ပိတောက်ပန်းပွင့်တွေ..။ အမေ မရှိခဲ့တာတောင် ဧပြီလရောက်တိုင်း မမေ့မလျှော့ ပေးနေဆဲ အဖေ့ရဲ့ သစ္စာပိတောက်ပွင့်တွေ..။ ကျွန်မ မျက်ဝါးထင်ထင် တွေ့သိလိုက်ရပါပြီ။ ကျွန်မရင်ထဲ မရှင်းလင်းပဲရှိခဲ့တဲ့ ပိတောက်ရဲ့ ပဟေဠိက အဖြေထွက်ခဲ့ပါပြီ။ ထုံအီတဲ့ ပိတောက်ရဲ့ မွှေးရနံ့တွေတောင် လောလောလတ်လတ် ကျွန်မခံစား ရှူရှိုက်လိုက်ရသလိုပါဘဲ။
တူးပို့တူးပို့ သင်္ကြန်တေးသံတွေက လေထဲမှာ ပျံ့လွင့်လို့။ ဖြတ်သန်းသွားတဲ့ ရေပက်ခံကားပေါ်က အပျော်တွေ လွှမ်းခြုံနေတဲ့ စ..နောက်သံတွေက ဟိုတစ်စဒီတစ်စ။ ကျွန်မရဲ့ ၀န်းကျင်မှာ ပိတောက်ရနံ့တွေ ရုတ်ချည်း သင်းထုံလာတယ်။
ပိတောက်ပန်းခိုင်တွေ တစ်ပွေ့တစ်ပိုက်နဲ့ တလှုပ်လှုပ်နဲ့ အိမ်ထဲဝင်လာတဲ့ အဖေ့ကို ကျွန်မ ကူညီဖို့ လက်လှမ်းလိုက်တော့ ထုံးစံအတိုင်း အသာအယာ ခေါင်းခါငြင်းလို့။ ပြီးတော့ ကိုယ်တိုင်ကိုယ်ကျ ရေဆေးသန့်စင်၊ ဘုရားမှာကပ်၊ ဆုတောင်းဝတ်ပြု။ ပြီးမှ သီးသန့်ဖယ်ထားတဲ့ ပိတောက်ခက် အချို့ကို ရေဖန်ခွက်လေးထဲ ထည့်လို့ အမေ့ရဲ့ ဓာတ်ပုံရှေ့မှာ ထားကာ။
အသက် (၇၆) နှစ်အရွယ် ယောကျာ်းတစ်ယောက်ရဲ့ ကြီးမားတဲ့ အစွဲအလန်းလို့ပဲ ဆိုရမလား။ ဒါမှမဟုတ် သူ့ရဲ့ ချစ်သူအပေါ်မှာ ထားရှိတဲ့ ခိုင်မြဲတဲ့ သစ္စာတရားလို့ပဲ ဆိုရမလား။ ပိတောက်တို့ကတော့ အချိန်မှန်မှန် ပွင့်လို့သာ…။
( ကျွန်မရဲ့ ပထမဆုံး “အိပ်မက်ကောက်ကြောင်း” ရသစာစုများ စုစည်းမှု ၀တ္တုမှာ ဖော်ပြဖြစ်ခဲ့တဲ့ ၀တ္တုအဟောင်းလေးပါ။ သင်္ကြန်ရောက်တိုင်း ကျွန်မပြန်တင်ဖြစ်နေကျ ပို့စ်လေးတစ်ပုဒ်။ )
ဆန္ဒနဲ့ဘ၀ တစ်ထပ်ထဲကျကြပါစေ။
**မြသွေးနီ**
No comments:
Post a Comment