(ဇူလိုင်လ ၂၆ ရက်၊ ၂၀၁၃၊ သောင်ရင်းနဂါး)
ထိုင်း- မြန်မာနယ်စပ် မဲဆောက်မြို့နှင့် တာ့ခ်ခရိုင် ၉ မြို့နယ်အတွင်း လူကုန်ကူးမှုတိုက်ဖျက်ရေးနှင့် ရွှေ့ပြောင်းအလုပ်သမားများအတွင်း ထိုင်းဥပဒေပညာပေးရန် လုပ်ပိုင်ခွင့်ရရှိထားသော ထိုင်းရှေ့နေများကောင်စီ၊ ဥပဒေအထောက်အကူပြုအဖွဲ့ (LLC) မှ ၆ လပတ်လုပ်ငန်း ပြန်လည်သုံးသပ်ပွဲနှင့် မြ၀တီမြို့နယ်ရှိ MOU စခန်းအချို့ ကွင်းဆင်းလေ့လာပွဲကို ဇူလိုင်လ ၂၆ ရက်နှင့် ဇူလိုင်လ ၂၇ ရက်နေ့မှာ ကျင်းပကြသည်။
ဤသို့ လုပ်ငန်းပြန်လည်သုံးသပ်ပွဲကို ယနေ့ကျင်းပခဲ့ရာ၌ LLC နှင့် လူထုအခြေပြုအဖွဲ့အစည်းများ၏ ဆက်ဆံရေးအခြေအနေ၊ LLC နှင့် မြန်မာရွှေ့ပြောင်းအလုပ်သမားများ၏ ဆက်ဆံရေးအခြေအနေ၊ လူထုအခြေပြုအဖွဲ့အစည်းများမှ တင်ပြသော မဲဆောက်အပါအ၀င်တာ့ခ်ခရိုင် ၉ မြို့နယ်အတွင်း မြန်မာအလုပ်သမားများ၏ အခြေအနေနှင့် အခြားအထွေထွေသုံးသပ်ချက်များကို ရင်းနှီးပွင့်လင်းစွာ ဆွေးနွေးခဲ့ကြသည်။ ထို့အပြင် ယာယီပတ်စ်ဖို့ ကိုင်ဆောင်ထားသော မြန်မာရွှေ့ပြောင်းအလုပ်သမားများနှင့် ၂ နိုင်ငံနားလည်မှုစာချွန်လွှာ (MOU) စနစ်ဖြင့် အလုပ်လုပ်ကိုင်ကြသော မြန်မာရွှေ့ပြောင်းအလုပ်သမားများ၏ အခြေအနေအရပ်ရပ်ကိုပါ ဆွေးနွေးခဲ့ကြသည်။
ယနေ့သုံးသပ်ဆွေးနွေးပွဲသို့ ထိုင်းလူ့အခွင့်အရေး ကာကွယ်မြှင့်တင်မှုအဖွဲ့(HRDF)မှ အမှတ် ၆ တိုင်းတရားရုံး၊ ရုံးအုပ်ဟောင်းဖြစ်သည့် ရှေ့နေ မှ ကြီးမှူးပြီး LLC အမှုဆောင်ကော်မတီမှ ရှေ့နေခွန်ထနူးအေကချွတ်နှင့် ရှေ့နေများ၊ JACBA၊ ရောင်ခြည်ဦး၊ ပန်းကံ့ကော်၊ AWU၊ FTUM စသည့် မြန်မာအလုပ်သမားအကျိုးဆောင်အဖွဲ့များမှ ကိုယ်စားလှယ်(၂၀)ခန့် တက်ရောက်ဆွေးနွေးခဲ့ကြပါသည်။
ထိုင်းရှေ့နေများကောင်စီ ဥပဒေအထောက်အကူပြုဌာန(LLC) သည် ဇူလိုင်လ ၂၈ ရက်နေ့တွင် ထိုင်း-မြန်မာနယ်စပ်၊ ကရင်ပြည်နယ် မြ၀တီမြို့နယ်မှ Labour Asia Service Co,Ltd အမည်ရှိ MOU စုဆောင်းရေးစခန်းသို့ ကွင်းဆင်းလေ့လာကြမည်ဖြစ်ကြောင်း သိရသည်။
(ဇူလိုင်လ ၂၆ ရက်၊ ၂၀၁၃၊ သောင်ရင်းနဂါး)
ထိုင်း- မြန်မာနယ်စပ် မဲဆောက်မြို့နှင့် တာ့ခ်ခရိုင် ၉ မြို့နယ်အတွင်း လူကုန်ကူးမှုတိုက်ဖျက်ရေးနှင့် ရွှေ့ပြောင်းအလုပ်သမားများအတွင်း ထိုင်းဥပဒေပညာပေးရန် လုပ်ပိုင်ခွင့်ရရှိထားသော ထိုင်းရှေ့နေများကောင်စီ၊ ဥပဒေအထောက်အကူပြုအဖွဲ့ (LLC) မှ ၆ လပတ်လုပ်ငန်း ပြန်လည်သုံးသပ်ပွဲနှင့် မြ၀တီမြို့နယ်ရှိ MOU စခန်းအချို့ ကွင်းဆင်းလေ့လာပွဲကို ဇူလိုင်လ ၂၆ ရက်နှင့် ဇူလိုင်လ ၂၇ ရက်နေ့မှာ ကျင်းပကြသည်။
ဤသို့ လုပ်ငန်းပြန်လည်သုံးသပ်ပွဲကို ယနေ့ကျင်းပခဲ့ရာ၌ LLC နှင့် လူထုအခြေပြုအဖွဲ့အစည်းများ၏ ဆက်ဆံရေးအခြေအနေ၊ LLC နှင့် မြန်မာရွှေ့ပြောင်းအလုပ်သမားများ၏ ဆက်ဆံရေးအခြေအနေ၊ လူထုအခြေပြုအဖွဲ့အစည်းများမှ တင်ပြသော မဲဆောက်အပါအ၀င်တာ့ခ်ခရိုင် ၉ မြို့နယ်အတွင်း မြန်မာအလုပ်သမားများ၏ အခြေအနေနှင့် အခြားအထွေထွေသုံးသပ်ချက်များကို ရင်းနှီးပွင့်လင်းစွာ ဆွေးနွေးခဲ့ကြသည်။ ထို့အပြင် ယာယီပတ်စ်ဖို့ ကိုင်ဆောင်ထားသော မြန်မာရွှေ့ပြောင်းအလုပ်သမားများနှင့် ၂ နိုင်ငံနားလည်မှုစာချွန်လွှာ (MOU) စနစ်ဖြင့် အလုပ်လုပ်ကိုင်ကြသော မြန်မာရွှေ့ပြောင်းအလုပ်သမားများ၏ အခြေအနေအရပ်ရပ်ကိုပါ ဆွေးနွေးခဲ့ကြသည်။
ယနေ့သုံးသပ်ဆွေးနွေးပွဲသို့ ထိုင်းလူ့အခွင့်အရေး ကာကွယ်မြှင့်တင်မှုအဖွဲ့(HRDF)မှ အမှတ် ၆ တိုင်းတရားရုံး၊ ရုံးအုပ်ဟောင်းဖြစ်သည့် ရှေ့နေ မှ ကြီးမှူးပြီး LLC အမှုဆောင်ကော်မတီမှ ရှေ့နေခွန်ထနူးအေကချွတ်နှင့် ရှေ့နေများ၊ JACBA၊ ရောင်ခြည်ဦး၊ ပန်းကံ့ကော်၊ AWU၊ FTUM စသည့် မြန်မာအလုပ်သမားအကျိုးဆောင်အဖွဲ့များမှ ကိုယ်စားလှယ်(၂၀)ခန့် တက်ရောက်ဆွေးနွေးခဲ့ကြပါသည်။
ထိုင်းရှေ့နေများကောင်စီ ဥပဒေအထောက်အကူပြုဌာန(LLC) သည် ဇူလိုင်လ ၂၈ ရက်နေ့တွင် ထိုင်း-မြန်မာနယ်စပ်၊ ကရင်ပြည်နယ် မြ၀တီမြို့နယ်မှ Labour Asia Service Co,Ltd အမည်ရှိ MOU စုဆောင်းရေးစခန်းသို့ ကွင်းဆင်းလေ့လာကြမည်ဖြစ်ကြောင်း သိရသည်။


No comments:
Post a Comment