>
နံရံထက်က နာရီကို ဘယ်နှကြိမ်မှန်းမသိ မော့ကြည့်မိသည်။ နာရီလက်တံက ည ၁၁ နာရီသို့ ညွှန်ပြနေ သည်။ သာမန်နေ့မျိုးမှာ ဒီအချိန်ဆို သူမ အိပ်ရာဝင်ပြီးနေပြီ။ ခုတော့ သူမ မအိပ်နိုင်သေး။ အဲ.. အိပ် မရနိုင်သေးတာဆိုရင် ပိုမှန်လိမ့်မည်။ အိမ်ခန်း ပြတင်းပေါက်မှ လေအေးတစ်ချက် ဝေ့၀ဲတိုက်ခတ် လိုက်သောကြောင့် စိမ့်ခနဲ ဖြစ်သွားသည်။ ဘေးကို အသာငဲ့စောင်းကြည့်မိတော့ သူလည်း သူမလိုပင် အတွေးများနေဟန် ငေးငိုင်နေသည်ကို တွေ့ရသည်။ သူမ သက်ပြင်းကို အသာချကာ အိမ်ရှေ့လမ်းဘက် သို့ လှမ်းမျှော်ကြည့်လိုက်သည်။
လမ်းမထက်မှာ ကားငယ်တချို့ ဖြတ်သန်းသွားတာ တွေ့ရသည်။ တစ်ခါတလေ လူငယ်တစ်စု ဆိုင်ကယ် ကို အပြင်းမောင်းနှင်ရင်း သီချင်းတွေ အော်ဆိုသွားသည့်အခါမျိုးတွင်တော့ သူမ လန့်လန့်ဖျပ်ဖျပ်နှင့်ပင် စိတ်တိုတောင်းမိရသည်။ ညဥ့်က နက်သည်ထက် နက်လာသည်။ ဆောင်းဝင်ခါစ အချိန်မို့ မြောက်ပြန်လေ ညင်းက တသွဲ့သွဲ့ တိုက်ခတ်လာသည်။ သူမ မျက်လုံးတွေ ပိုမို မှေးစင်းလာသည်။ သို့သော်လည်း သူမ အိပ်ရာဝင်ဖို့ စိတ်မကူးနိုင်သေး။ သူ့ဘက်ကို နောက်တစ်ကြိမ် လှမ်းကြည့်လိုက်တော့ သူလည်း ငိုက်မြည်း လာဟန် ရှိသည်။ သူမဘက်သို့ လှည့်ကြည့်ရင်း ~~~
"အိပ်ချင်နေပြီလား၊ ခဏတော့ သည်းခံလိုက်ပါဦးကွာ၊ သူတို့ မကြာခင် ပြန်လာတော့မှာပါ"
သူမ ခေါင်းကို အသာညိတ်ပြလိုက်သည်။ အိပ်ချင်ပြေလို ပြေငြား သူမနှင့် သူ့အကြောင်းကို ပြန်တွေးကြည့် မိလိုက်သည်။ သူမတို့နှစ်ယောက် ဆုံစည်းမှုက သိပ်မထူးဆန်းပါ။ ငယ်စဉ်ကတည်းက တစ်ခြံတည်းမှာ အတူ ကြီးပြင်းလာခဲ့ကြသည်။ ထိုစဉ်က သူမက ခြံဝင်းရဲ့ အရှေ့ဘက် အနည်းငယ်ကျသော နှစ်ထပ်အိမ် ကြီးမှာ နေထိုင်ခဲ့သည်။ သူကတော့ သူမနေထိုင်သည့် အိမ်ထက် အနည်းငယ် နောက်ရောက်သော တစ်ထပ်တိုက်ပုကလေးမှာ နေထိုင်သည်။ သူမတို့နှစ်ယောက်မှာ အိမ်ချင်း သိပ်မဝေးပေမယ့် လှမ်းကြည့် လျှင် မြင်နိုင်သော အကွာအဝေးမှာ ရှိသည်။ ထို့ကြောင့် မကြာခဏဆိုသလို သူမတို့နှစ်ယောက် မျက်လုံး ချင်း ဆုံမိတတ်ကြသည်။ သူမနေထိုင်ရာ အိမ်မှ လှမ်းကြည့်လိုက်လျှင် သူ့ကို မနက်စောစောပိုင်းတွေမှ စ၍ ညမိုးချုပ်သည်အထိ တွေ့မြင်ရသည်။ သူကတော့ သူမကို မြင်တိုင်း ခပ်ပြုံးပြုံးနှင့် နှုတ်ဆက်လေ့ရှိသည်။
သူ့အပြုံးတွေက နွေးထွေးမှုရှိသလို သူမရင်ကို အေးမြစေသောအစွမ်းလည်း ရှိသည်။ အချိန်ကြာလာလေ သူ့အပြုံးတွေကို သူမ စွဲလမ်းနှစ်သက်လာလေ ဖြစ်လာခဲ့သည်။ သို့သော်လည်း တစ်ခါတလေ သူ့ ကို တွေ့မြင်ခွင့် မရသည့် ရက်များလည်း သူမ ကြုံခဲ့ဖူးပါသည်။ သူမ အိမ်ပြင်ဘက်သို့ မထွက်ရသည့်အခါ များ၊ သို့မဟုတ် သူ အိမ်ပြင်ဘက်သို့ မထွက်သည့် အခါများတွင်မူ သူမနှစ်ယောက် တိတ်တခိုး လွမ်းကြရ သည်။ နောက်တစ်နေ့ နှစ်ယောက်သား မြင်ခွင့်ရသည့် အချိန်များတွင်တော့ တစ်ယောက်ကို တစ်ယောက် တိတ်တဆိတ် ငေးမောရင်း အလွမ်းသယ်ခဲ့ကြသည်။ နောက်ဆုံးတော့ သူမနှစ်ယောက်ရဲ့ အချစ်ကို အသိ အမှတ်ပြုခံရသည့်ရက် ရောက်လာခဲ့သည်။
အဲဒီတစ်နေ့က သူမဘ၀မှာ အပျော်ရွှင်ဆုံး ဖြစ်ခဲ့ရသည်။ သူမတို့နှစ်ယောက် နေထိုင်လျက်ရှိသည့် အိမ် နှစ် လုံးကို ပေါင်းပြီး သုံးထပ်တိုက် ပြင်ဆောက်လိုက်ကြသည်။ အိမ်ဆောက်နေစဉ် အတောအတွင်း ခြံ ၀င်းထောင့်တစ်နေရာမှာ သူမတို့နှစ်ယောက် အသာလှဲလျောင်းရင်း ကြယ်တွေကို အတူ ငေးမောခဲ့ကြဖူး သည်။ ခြံဝင်းထဲက သစ်ခွပန်းရုံ၊ စံပယ်ပန်းရုံနှင့် နှင်းဆီပန်းအိုးများထံက လေအဝှေ့မှာ သင်းပျံ့လာတဲ့ ပန်း ရနံ့များကို ရှူရှိုက်ရင်း လသာညများကို သူမတို့နှစ်ယောက် ရင်ခုန်စွာ ဖြတ်သန်းခဲ့ကြဖူးသည်။ သူ့နံဘေးမှာ တိတ်ဆိတ်ငြိမ်သက်စွာ လဲလျောင်းရင်း သူ့ကို ခိုးကြည့်နေရသည့် အခိုက်အတန့်ကလေးကတော့ သူမ ဘ၀မှာ ဘယ်အရာနဲ့မှ မလဲနိုင်သည့် ရွှေရောင်အချိန်ကလေးများပင် ဖြစ်သည်။
ဒီလိုနှင့် ငါးလလောက်ကြာတော့ သူမတို့နှစ်ယောက် ခမ်းနားထည်ဝါသည့် သုံးထပ်တိုက်အိမ်ကြီးမှာ အတူ တကွ နေထိုင်ခွင့် ရခဲ့ကြသည်။ သူမတို့နေထိုင်သည့် အခန်းကလေး၏ အပြင်ဘက်မှာ လသာဆောင် ရှိ သည်။ လသာဆောင်မှာ သူမ အလွန်နှစ်သက်သည့် သစ်ခွပန်းဖြူဖြူကလေးများကို စင်ကလေးတစ်ခုနှင့် ထိုးထားသည်။ သစ်ခွစင်ကလေးနှင့် မလှမ်းမကမ်းမှာ ကနုတ်ပန်းများဖြင့် အလှဆင်ထားသော အဖြူရောင် စားပွဲဝိုင်းငယ်လေးနှင့် ထိုင်ခုံလေးနှစ်ခု ရှိသည်။ လသာဆောင်၏ မျက်နှာစာ ထောင့်များတွင်တော့ ပြာလဲ့ လဲ့ မီးအိမ်ကလေးများ တပ်ဆင်ထားသည်။ သူမ မှတ်မိနေသေးသည်။ အိမ်အသစ်ကြီးပေါ်သို့ သူမတို့ စစ ချင်း ရောက်လာစဉ်ကတည်းက ထိုလသာဆောင်ကလေးကို သူမ အလွန် ချစ်မြတ်နိုးခဲ့ရသည်။ သူမ၏ စိတ်ကူးထဲတွင် ထိုလသာဆောင်ကလေးရှိ စားပွဲနှင့် ထိုင်ခုံကလေးတွင် သူနှင့်အတူ ထိုင်ရင်း လပြည့်ည၏ အလှကို ခံစားကြည့်ချင်သည်။ လေပြည်နှင့်အတူ သယ်ဆောင်လာမည့် သင်းပျံ့သည့် ပန်းရနံ့များကို ခံစားရင်း သူ့အတွက် ကဗျာတွေ ရေးဖွဲ့ချင်မိသည်။ တစ်ခါတလေ ကော်ဖီပူပူလေးသောက်ရင်း တစ်ယောက်ကို တစ်ယောက် ဘယ်လောက်ချစ်ကြောင်း တဖွဲ့တနွဲ့ ပြောချင်မိသည်။ ကြည့်စမ်းပါ... သူမစိတ်ကူးထားသည့် ဘ၀လေးမှာ ဘယ်လောက် ကဗျာဆန်လိုက်ပါသလဲ။
သို့သော်လည်း ... စိတ်ကူးသည် စိတ်ကူးသာဖြစ်သည်မို့ သူမ၏ လက်တွေ့ဘ၀ထဲမှာ သူမစိတ်ကူးကို အကောင်အထည်ဖော်ခွင့် မရခဲ့ပါ။ သူမကိုယ်တိုင် ဘာကိုမျှ မပြောင်းလဲနိုင်သည့် အခြေအနေတွင် သူမ ဆန္ဒများကြောင့် သူ့ကို စိတ်အနှောင့်အယှက် မပေးလိုပါ။ တစ်ခါက သူမ၏ ဆန္ဒများကို သူ့ကို ရင်ဖွင့်ခဲ့ဖူး သည်။ သူက လေးလေးနက်နက် နားထောင်ပြီး သူမကို တစ်ခွန်းတော့ မှတ်ချက်ပြုသည်။
"မင်းက သိပ်စိတ်ကူးယဉ်တာပဲနော်"
အဲဒီနောက်ပိုင်းတော့ သူမဆန္ဒများနှင့် ပတ်သက်ပြီး သူ့ကို ဘာမျှ မပြောဖြစ်ခဲ့တော့ပါ။ သူ့ကို စိတ်ဆိုးတာ၊ စိတ်ကောက်တာမျိုး မဟုတ်ဘဲ သူမရဲ့ဆန္ဒတစ်စုံတစ်ရာကြောင့် သူ့ကို ၀န်မလေးစေချင်သောကြောင့် ဖြစ် သည်။ သူမ ဘယ်လောက် အတွေးလွန်နေမိသည် မသိ။ ခြံဝင်းရှေ့မှ တတီတီ တီးလိုက်သော ကားဟွန်း သံကြောင့် သူမ အသိစိတ် ပြန်ဝင်သွားရသည်။ ခြံဝင်းရှေ့ကို အသာ ကဲကြည့်လိုက်တော့ သူတို့ ပြန်လာ ကြပြီဆိုတာ သိလိုက်ရသည်။ သူမ နံရံထက်က နာရီကို လှမ်းကြည့်လိုက်ချိန်မှာပဲ သူတို့ စကားပြောသံနှင့် အတူ လှေကားပေါ် နင်းတက်လာသည့် ခြေသံများကို ကြားလိုက်ရသည်။
"ဟူး...၊ ပင်ပန်းတယ် မောင်ရေ့၊ ဒါတောင် မနည်းကို ပြောပြီး လစ်ထွက်လာရတာ၊ သူငယ်ချင်းတွေက လည်း မဆုံတာ ကြာပြီမဟုတ်လား"
"အေးပေါ့ကွာ၊ ဒါကြောင့်လည်း ကိုယ်က အားနာလို့ ဘာမှ မပြောတာပေါ့"
"ကျေးဇူးတင်ပါတယ် မောင်ရယ်...၊ ဟောတော့ ... ဒီမှာ ကြည့်ပါဦး မောင်ရေ၊ ခင်တို့ လသာဆောင်က သံပန်းတံခါးကို မပိတ်ခဲ့မိဘူးတော့ ...၊ ညနေက လောလောနဲ့ ထွက်သွားတာ သစ်သားတံခါးကိုပဲ လော့ခ် ချခဲ့မိတာကိုး"
"အဲဒါကြောင့် မင်းကို ပြောတာပေါ့၊ မင်းဟာလေ... အမြဲတမ်း ရှပ်ပျာ ရှပ်ပျာနဲ့၊ တော်သေးတာပေါ့၊ အထဲက သစ်သားတံခါး ပိတ်ခဲ့မိပေလို့၊ နို့မို့ဆို သူခိုးတွေ ဘာတွေ တက်နေမှ ဒုက္ခ"
"မေ့သွားလို့ပါ မောင်ရယ်...၊ ဘာပဲဖြစ်ဖြစ် ဒီသံပန်းတံခါးလေးတစ်စုံကိုတော့ ခင် သိပ်သဘောကျတာပဲ၊ အရင်တုန်းက ခင်တို့ခြံထဲမှာ အိမ်နှစ်အိမ် ရှိတယ်လေ၊ အဲဒီနှစ်အိမ်စလုံးမှာ ဒီလို သံပန်းတံခါးမျိုး ဆင်တူ တပ်ထားတာ မောင်ရဲ့၊ အဲဒါ အိမ်ပြင်ဆောက်တုန်းက ခင်က နဂိုရှိနေတဲ့ သံပန်းတံခါးတွေကိုပဲ ပြန်သုံးမယ် ဆိုပြီး ခင်တို့အခန်းကနေ လသာဆောင်ထွက်တဲ့နေရာမှာ တပ်ထားလိုက်တာလေ။ ဒီသံပန်းတံခါးတွေက ကြာပြီဖြစ်ပေမယ့် ဟောင်းနွမ်းတဲ့ပုံ မရှိဘူး၊ သူ့ရဲ့ဒီဇိုင်းကလည်း ရိုးရိုးရှင်းရှင်းလေးနဲ့ ဆန်းတယ်လေ။ အဲဒီ အချက်တွေကြောင့် ခင်က ဒီသံပန်းတံခါးလေးကို သံယောဇဉ်ဖြစ်နေတာပေါ့"
"ကဲပါ....စကားများမနေနဲ့ မရွှေချော၊ အချိန်က မနည်းတော့ဘူး၊ တံခါးပိတ်ပြီး ရေမိုးချိုး အိပ်ရာဝင်တော့"
"မောင်ကရော... မအိပ်သေးဘူးလား"
"အိပ်မှာပေါ့... ရုံးက အလုပ်လေးတွေ လက်စသတ်လိုက်ဦးမယ်... မင်း အိပ်နှင့်လေ"
* * * * * * *
ခဏကြာတော့ သူမအတွက် အနွေးထွေးဆုံး၊ အလုံခြုံဆုံး သူ့ရဲ့ရင်ခွင်မှာ သူမတစ်ယောက် ကလေးလေး လို နှစ်နှစ်ခြိုက်ခြိုက် အိပ်ပျော်သွားပါတော့သည်။ နောက်တစ်နေ့ နံနက်လင်းသည်နှင့် သူနဲ့ တစ်နေ့တာ ခွဲခွာနေရဦးမှာမို့ သူမအတွက် အားအင်လိုသည် မဟုတ်ပါလား။
စာဖတ်သူများ အားလုံးကို ခင်မင် လေးစားလျက်
+မြ၀တီဇော်+
နံရံထက်က နာရီကို ဘယ်နှကြိမ်မှန်းမသိ မော့ကြည့်မိသည်။ နာရီလက်တံက ည ၁၁ နာရီသို့ ညွှန်ပြနေ သည်။ သာမန်နေ့မျိုးမှာ ဒီအချိန်ဆို သူမ အိပ်ရာဝင်ပြီးနေပြီ။ ခုတော့ သူမ မအိပ်နိုင်သေး။ အဲ.. အိပ် မရနိုင်သေးတာဆိုရင် ပိုမှန်လိမ့်မည်။ အိမ်ခန်း ပြတင်းပေါက်မှ လေအေးတစ်ချက် ဝေ့၀ဲတိုက်ခတ် လိုက်သောကြောင့် စိမ့်ခနဲ ဖြစ်သွားသည်။ ဘေးကို အသာငဲ့စောင်းကြည့်မိတော့ သူလည်း သူမလိုပင် အတွေးများနေဟန် ငေးငိုင်နေသည်ကို တွေ့ရသည်။ သူမ သက်ပြင်းကို အသာချကာ အိမ်ရှေ့လမ်းဘက် သို့ လှမ်းမျှော်ကြည့်လိုက်သည်။
လမ်းမထက်မှာ ကားငယ်တချို့ ဖြတ်သန်းသွားတာ တွေ့ရသည်။ တစ်ခါတလေ လူငယ်တစ်စု ဆိုင်ကယ် ကို အပြင်းမောင်းနှင်ရင်း သီချင်းတွေ အော်ဆိုသွားသည့်အခါမျိုးတွင်တော့ သူမ လန့်လန့်ဖျပ်ဖျပ်နှင့်ပင် စိတ်တိုတောင်းမိရသည်။ ညဥ့်က နက်သည်ထက် နက်လာသည်။ ဆောင်းဝင်ခါစ အချိန်မို့ မြောက်ပြန်လေ ညင်းက တသွဲ့သွဲ့ တိုက်ခတ်လာသည်။ သူမ မျက်လုံးတွေ ပိုမို မှေးစင်းလာသည်။ သို့သော်လည်း သူမ အိပ်ရာဝင်ဖို့ စိတ်မကူးနိုင်သေး။ သူ့ဘက်ကို နောက်တစ်ကြိမ် လှမ်းကြည့်လိုက်တော့ သူလည်း ငိုက်မြည်း လာဟန် ရှိသည်။ သူမဘက်သို့ လှည့်ကြည့်ရင်း ~~~
"အိပ်ချင်နေပြီလား၊ ခဏတော့ သည်းခံလိုက်ပါဦးကွာ၊ သူတို့ မကြာခင် ပြန်လာတော့မှာပါ"
သူမ ခေါင်းကို အသာညိတ်ပြလိုက်သည်။ အိပ်ချင်ပြေလို ပြေငြား သူမနှင့် သူ့အကြောင်းကို ပြန်တွေးကြည့် မိလိုက်သည်။ သူမတို့နှစ်ယောက် ဆုံစည်းမှုက သိပ်မထူးဆန်းပါ။ ငယ်စဉ်ကတည်းက တစ်ခြံတည်းမှာ အတူ ကြီးပြင်းလာခဲ့ကြသည်။ ထိုစဉ်က သူမက ခြံဝင်းရဲ့ အရှေ့ဘက် အနည်းငယ်ကျသော နှစ်ထပ်အိမ် ကြီးမှာ နေထိုင်ခဲ့သည်။ သူကတော့ သူမနေထိုင်သည့် အိမ်ထက် အနည်းငယ် နောက်ရောက်သော တစ်ထပ်တိုက်ပုကလေးမှာ နေထိုင်သည်။ သူမတို့နှစ်ယောက်မှာ အိမ်ချင်း သိပ်မဝေးပေမယ့် လှမ်းကြည့် လျှင် မြင်နိုင်သော အကွာအဝေးမှာ ရှိသည်။ ထို့ကြောင့် မကြာခဏဆိုသလို သူမတို့နှစ်ယောက် မျက်လုံး ချင်း ဆုံမိတတ်ကြသည်။ သူမနေထိုင်ရာ အိမ်မှ လှမ်းကြည့်လိုက်လျှင် သူ့ကို မနက်စောစောပိုင်းတွေမှ စ၍ ညမိုးချုပ်သည်အထိ တွေ့မြင်ရသည်။ သူကတော့ သူမကို မြင်တိုင်း ခပ်ပြုံးပြုံးနှင့် နှုတ်ဆက်လေ့ရှိသည်။
သူ့အပြုံးတွေက နွေးထွေးမှုရှိသလို သူမရင်ကို အေးမြစေသောအစွမ်းလည်း ရှိသည်။ အချိန်ကြာလာလေ သူ့အပြုံးတွေကို သူမ စွဲလမ်းနှစ်သက်လာလေ ဖြစ်လာခဲ့သည်။ သို့သော်လည်း တစ်ခါတလေ သူ့ ကို တွေ့မြင်ခွင့် မရသည့် ရက်များလည်း သူမ ကြုံခဲ့ဖူးပါသည်။ သူမ အိမ်ပြင်ဘက်သို့ မထွက်ရသည့်အခါ များ၊ သို့မဟုတ် သူ အိမ်ပြင်ဘက်သို့ မထွက်သည့် အခါများတွင်မူ သူမနှစ်ယောက် တိတ်တခိုး လွမ်းကြရ သည်။ နောက်တစ်နေ့ နှစ်ယောက်သား မြင်ခွင့်ရသည့် အချိန်များတွင်တော့ တစ်ယောက်ကို တစ်ယောက် တိတ်တဆိတ် ငေးမောရင်း အလွမ်းသယ်ခဲ့ကြသည်။ နောက်ဆုံးတော့ သူမနှစ်ယောက်ရဲ့ အချစ်ကို အသိ အမှတ်ပြုခံရသည့်ရက် ရောက်လာခဲ့သည်။
အဲဒီတစ်နေ့က သူမဘ၀မှာ အပျော်ရွှင်ဆုံး ဖြစ်ခဲ့ရသည်။ သူမတို့နှစ်ယောက် နေထိုင်လျက်ရှိသည့် အိမ် နှစ် လုံးကို ပေါင်းပြီး သုံးထပ်တိုက် ပြင်ဆောက်လိုက်ကြသည်။ အိမ်ဆောက်နေစဉ် အတောအတွင်း ခြံ ၀င်းထောင့်တစ်နေရာမှာ သူမတို့နှစ်ယောက် အသာလှဲလျောင်းရင်း ကြယ်တွေကို အတူ ငေးမောခဲ့ကြဖူး သည်။ ခြံဝင်းထဲက သစ်ခွပန်းရုံ၊ စံပယ်ပန်းရုံနှင့် နှင်းဆီပန်းအိုးများထံက လေအဝှေ့မှာ သင်းပျံ့လာတဲ့ ပန်း ရနံ့များကို ရှူရှိုက်ရင်း လသာညများကို သူမတို့နှစ်ယောက် ရင်ခုန်စွာ ဖြတ်သန်းခဲ့ကြဖူးသည်။ သူ့နံဘေးမှာ တိတ်ဆိတ်ငြိမ်သက်စွာ လဲလျောင်းရင်း သူ့ကို ခိုးကြည့်နေရသည့် အခိုက်အတန့်ကလေးကတော့ သူမ ဘ၀မှာ ဘယ်အရာနဲ့မှ မလဲနိုင်သည့် ရွှေရောင်အချိန်ကလေးများပင် ဖြစ်သည်။
ဒီလိုနှင့် ငါးလလောက်ကြာတော့ သူမတို့နှစ်ယောက် ခမ်းနားထည်ဝါသည့် သုံးထပ်တိုက်အိမ်ကြီးမှာ အတူ တကွ နေထိုင်ခွင့် ရခဲ့ကြသည်။ သူမတို့နေထိုင်သည့် အခန်းကလေး၏ အပြင်ဘက်မှာ လသာဆောင် ရှိ သည်။ လသာဆောင်မှာ သူမ အလွန်နှစ်သက်သည့် သစ်ခွပန်းဖြူဖြူကလေးများကို စင်ကလေးတစ်ခုနှင့် ထိုးထားသည်။ သစ်ခွစင်ကလေးနှင့် မလှမ်းမကမ်းမှာ ကနုတ်ပန်းများဖြင့် အလှဆင်ထားသော အဖြူရောင် စားပွဲဝိုင်းငယ်လေးနှင့် ထိုင်ခုံလေးနှစ်ခု ရှိသည်။ လသာဆောင်၏ မျက်နှာစာ ထောင့်များတွင်တော့ ပြာလဲ့ လဲ့ မီးအိမ်ကလေးများ တပ်ဆင်ထားသည်။ သူမ မှတ်မိနေသေးသည်။ အိမ်အသစ်ကြီးပေါ်သို့ သူမတို့ စစ ချင်း ရောက်လာစဉ်ကတည်းက ထိုလသာဆောင်ကလေးကို သူမ အလွန် ချစ်မြတ်နိုးခဲ့ရသည်။ သူမ၏ စိတ်ကူးထဲတွင် ထိုလသာဆောင်ကလေးရှိ စားပွဲနှင့် ထိုင်ခုံကလေးတွင် သူနှင့်အတူ ထိုင်ရင်း လပြည့်ည၏ အလှကို ခံစားကြည့်ချင်သည်။ လေပြည်နှင့်အတူ သယ်ဆောင်လာမည့် သင်းပျံ့သည့် ပန်းရနံ့များကို ခံစားရင်း သူ့အတွက် ကဗျာတွေ ရေးဖွဲ့ချင်မိသည်။ တစ်ခါတလေ ကော်ဖီပူပူလေးသောက်ရင်း တစ်ယောက်ကို တစ်ယောက် ဘယ်လောက်ချစ်ကြောင်း တဖွဲ့တနွဲ့ ပြောချင်မိသည်။ ကြည့်စမ်းပါ... သူမစိတ်ကူးထားသည့် ဘ၀လေးမှာ ဘယ်လောက် ကဗျာဆန်လိုက်ပါသလဲ။
သို့သော်လည်း ... စိတ်ကူးသည် စိတ်ကူးသာဖြစ်သည်မို့ သူမ၏ လက်တွေ့ဘ၀ထဲမှာ သူမစိတ်ကူးကို အကောင်အထည်ဖော်ခွင့် မရခဲ့ပါ။ သူမကိုယ်တိုင် ဘာကိုမျှ မပြောင်းလဲနိုင်သည့် အခြေအနေတွင် သူမ ဆန္ဒများကြောင့် သူ့ကို စိတ်အနှောင့်အယှက် မပေးလိုပါ။ တစ်ခါက သူမ၏ ဆန္ဒများကို သူ့ကို ရင်ဖွင့်ခဲ့ဖူး သည်။ သူက လေးလေးနက်နက် နားထောင်ပြီး သူမကို တစ်ခွန်းတော့ မှတ်ချက်ပြုသည်။
"မင်းက သိပ်စိတ်ကူးယဉ်တာပဲနော်"
အဲဒီနောက်ပိုင်းတော့ သူမဆန္ဒများနှင့် ပတ်သက်ပြီး သူ့ကို ဘာမျှ မပြောဖြစ်ခဲ့တော့ပါ။ သူ့ကို စိတ်ဆိုးတာ၊ စိတ်ကောက်တာမျိုး မဟုတ်ဘဲ သူမရဲ့ဆန္ဒတစ်စုံတစ်ရာကြောင့် သူ့ကို ၀န်မလေးစေချင်သောကြောင့် ဖြစ် သည်။ သူမ ဘယ်လောက် အတွေးလွန်နေမိသည် မသိ။ ခြံဝင်းရှေ့မှ တတီတီ တီးလိုက်သော ကားဟွန်း သံကြောင့် သူမ အသိစိတ် ပြန်ဝင်သွားရသည်။ ခြံဝင်းရှေ့ကို အသာ ကဲကြည့်လိုက်တော့ သူတို့ ပြန်လာ ကြပြီဆိုတာ သိလိုက်ရသည်။ သူမ နံရံထက်က နာရီကို လှမ်းကြည့်လိုက်ချိန်မှာပဲ သူတို့ စကားပြောသံနှင့် အတူ လှေကားပေါ် နင်းတက်လာသည့် ခြေသံများကို ကြားလိုက်ရသည်။
"ဟူး...၊ ပင်ပန်းတယ် မောင်ရေ့၊ ဒါတောင် မနည်းကို ပြောပြီး လစ်ထွက်လာရတာ၊ သူငယ်ချင်းတွေက လည်း မဆုံတာ ကြာပြီမဟုတ်လား"
"အေးပေါ့ကွာ၊ ဒါကြောင့်လည်း ကိုယ်က အားနာလို့ ဘာမှ မပြောတာပေါ့"
"ကျေးဇူးတင်ပါတယ် မောင်ရယ်...၊ ဟောတော့ ... ဒီမှာ ကြည့်ပါဦး မောင်ရေ၊ ခင်တို့ လသာဆောင်က သံပန်းတံခါးကို မပိတ်ခဲ့မိဘူးတော့ ...၊ ညနေက လောလောနဲ့ ထွက်သွားတာ သစ်သားတံခါးကိုပဲ လော့ခ် ချခဲ့မိတာကိုး"
"အဲဒါကြောင့် မင်းကို ပြောတာပေါ့၊ မင်းဟာလေ... အမြဲတမ်း ရှပ်ပျာ ရှပ်ပျာနဲ့၊ တော်သေးတာပေါ့၊ အထဲက သစ်သားတံခါး ပိတ်ခဲ့မိပေလို့၊ နို့မို့ဆို သူခိုးတွေ ဘာတွေ တက်နေမှ ဒုက္ခ"
"မေ့သွားလို့ပါ မောင်ရယ်...၊ ဘာပဲဖြစ်ဖြစ် ဒီသံပန်းတံခါးလေးတစ်စုံကိုတော့ ခင် သိပ်သဘောကျတာပဲ၊ အရင်တုန်းက ခင်တို့ခြံထဲမှာ အိမ်နှစ်အိမ် ရှိတယ်လေ၊ အဲဒီနှစ်အိမ်စလုံးမှာ ဒီလို သံပန်းတံခါးမျိုး ဆင်တူ တပ်ထားတာ မောင်ရဲ့၊ အဲဒါ အိမ်ပြင်ဆောက်တုန်းက ခင်က နဂိုရှိနေတဲ့ သံပန်းတံခါးတွေကိုပဲ ပြန်သုံးမယ် ဆိုပြီး ခင်တို့အခန်းကနေ လသာဆောင်ထွက်တဲ့နေရာမှာ တပ်ထားလိုက်တာလေ။ ဒီသံပန်းတံခါးတွေက ကြာပြီဖြစ်ပေမယ့် ဟောင်းနွမ်းတဲ့ပုံ မရှိဘူး၊ သူ့ရဲ့ဒီဇိုင်းကလည်း ရိုးရိုးရှင်းရှင်းလေးနဲ့ ဆန်းတယ်လေ။ အဲဒီ အချက်တွေကြောင့် ခင်က ဒီသံပန်းတံခါးလေးကို သံယောဇဉ်ဖြစ်နေတာပေါ့"
"ကဲပါ....စကားများမနေနဲ့ မရွှေချော၊ အချိန်က မနည်းတော့ဘူး၊ တံခါးပိတ်ပြီး ရေမိုးချိုး အိပ်ရာဝင်တော့"
"မောင်ကရော... မအိပ်သေးဘူးလား"
"အိပ်မှာပေါ့... ရုံးက အလုပ်လေးတွေ လက်စသတ်လိုက်ဦးမယ်... မင်း အိပ်နှင့်လေ"
* * * * * * *
ခဏကြာတော့ သူမအတွက် အနွေးထွေးဆုံး၊ အလုံခြုံဆုံး သူ့ရဲ့ရင်ခွင်မှာ သူမတစ်ယောက် ကလေးလေး လို နှစ်နှစ်ခြိုက်ခြိုက် အိပ်ပျော်သွားပါတော့သည်။ နောက်တစ်နေ့ နံနက်လင်းသည်နှင့် သူနဲ့ တစ်နေ့တာ ခွဲခွာနေရဦးမှာမို့ သူမအတွက် အားအင်လိုသည် မဟုတ်ပါလား။
စာဖတ်သူများ အားလုံးကို ခင်မင် လေးစားလျက်
+မြ၀တီဇော်+
No comments:
Post a Comment