JACBA

> - နေထွက်ရာအရပ်ကိုမျက်နှာမူပါ-

နေသည်အရှေ့ဘက်မှ
အမြဲလိုလို
ထွက်လေ့ရှိပါသည်။
မကျေနပ်စရာမရှိပါ။နေသည်အနောက်ဘက်သို့ဝင်ဝင်
သွားတတ်ပါသည်။ဤကိစ္စ သည်လည်းမကျေနပ်စရာကိစ္စမဟုတ်ပါ
။သို့သော်ကျွန်တော်တို့သည်အရှေ့ဘက်မှထွက်၍အနောက်ဘက်သို့
မဝင်ခဲ့ကြပါ။ထို့ ကြောင့်ကျွန်တော်တို့သည် အတော့ကိုမကျေနပ်စရာကောင်းနေခဲ့ပါသည်။ “မကျေနပ်မှုများအကြောင်း”ဆိုသည့်ခေါင်းစဉ်ကိုကျွန်တော်၏အတွေးထဲတွင်စတင်သတိထားမိခဲ့ချိန်တွင်
ကျွန်တော်၏ဘဝ သည်အတော့ကိုကျေနပ်စရာကောင်းနေခဲ့ပါသေးသည်။အတော်အသင့်ပြည့်စုံသည့်မိဘနှစ်ပါး၏အရိပ်အောက်
တွင်တက္ကသိုလ်ကျောင်းသားတစ်ယောက်၏ပျော်ရွှင်မှုမျိုးဖြင့်ဘဝမှာပေါ့ပါးနေခဲ့ပါသည်။ကျွန်တော်တို့သူငယ်ချင်း
တစ်စုသည်ကျောင်းတော်ကြီး၏အစိတ်အပိုင်းအတော်များများတွင်ဗိုင်းရပ်စ်ပိုးများကဲ့သို့မွှေနှောက်လှည့်လည်နေ
ခဲ့ပါသည်။ကျွန်တော်တို့၏နံဘေးတွင်လောကကြီးသည်တေးသံ များဖြင့်ကခုန်နေခဲ့သည်။ကဗျာရွတ်သံများဖြင့်ဝေစည်နေခဲ့သည်။တိုက်တိုက်ဆိုင်ဆိုင်ထိုအချိန်တွင်မှကျွန်တော်၏
မကျေနပ်မှုသည် စတင်ခဲ့ပါ သည်။ ကျွန်တော်၏မကျေနပ်မှုကိုစတင်ဖန်တီးခဲ့သူမှာ“ပန်းသီးလေး”ပင်ဖြစ်ပါသည်။ပန်းသီးလေးဆိုသည်မှာစားစရာသစ်
သီးတစ်မျိုး၏အမည်မဟုတ်ပါ။ကျွန်တော်၏ချစ်သူ(ကျွန်တော်ချစ်ရသောသူ)၏နာမည်ဖြစ်ပါသည်။သူမနှင့်တွေ့ဆုံခဲ့
ချိန်မှစ၍ကျွန်တော်၏ဘဝသည် အတော့ကိုမကျေနပ်စရာကောင်းမှန်းသတိပြုမိလာခဲ့သည်။ကျွန်တော်သည်အိုမာခိုက်ယမ်မဟုတ်ခဲ့ပါ။ကျွန်တော်ဝိုင်
အရက်လည်းမ သောက်တတ်ပါ။သို့သော်ချစ်သူတစ်ယောက်နှင့်စာအုပ်တစ်အုပ်သည်ကျွန်တော့်အတွက်အနည်းဆုံးလိုအပ်နေခဲ့ပါသည်။ထိုအချိန်မှစ၍ ကျေနပ်မှုတစ်ခုကိုကျွန်တော်၏ပန်းသီးလေးထံတွင် ရှာဖွေရန်ကျွန်တော်ကြိုးစားမိပါတော့သည်။ နယူတန်သည်ပန်းသီးတစ်လုံးကိုကြွေကျစေရန်တံချူသုံးမသုံးကျွန်တော်မသိခဲ့ပါ။သို့ရာတွင်ကျွန်တော့်အပေါ်တွင်
ပန်းသီးလေး ကြွေကျလာရန်လုံလောက်သောဆွဲငင်အားမရှိကြောင်းကိုတော့ကျွန်တော်စောစီးစွာသိနေခဲ့ပါသည်။
ကျွန်တော့်တွင်တံချူတစ်ချောင်းလို နေခဲ့ပါသည်။ ကျွန်တော်၏ပန်းသီးလေးသည်နိုင်ငံခြားမျိုးနွယ်စပ်မစပ်မသေချာခဲ့ပါ။သို့သော်သူမသည်နိုင်ငံခြားဖြစ်ပစ္စည်းများ
ကိုတော့ အတော်ပင်နှစ်ခြိုက်ကြောင်းကျွန်တော်သတိထားခဲ့မိပါသည်။ခေါင်းစည်းကလစ်မှစ၍ဒေါက်မြင့်ဖိနပ်အဆုံးတစ်
ကိုယ်လုံးမှာခေတ်ပေါ်ဖက်ရှင်ပြပွဲတစ်ခုလိုဝံ့ထည်၍နေခဲ့ပါသည်။သူမ၏လမ်းလျှောက်ဟန်သည်စင်ဒီကရောဖို့နှင့်
ကလော်ဒီယာရှစ်ဖါတို့နှစ်ယောက်ပေါင်းထက်လှပါသည်။ဘယ်လိုကြည့်ကြည့်အချိုးမကျသောကျွန်တော့်အဖို့သူ
မလိုမိန်းခလေးမျိုးကိုစွဲလန်းမိသည်မှာအလွန်ကမောက်ကမနိုင်သောလွဲချော်မှုကြီးတစ်ခုဖြစ်နေခဲ့ပါသည်။ သို့သော်ဤလွဲချော်မှုကြီးကိုကျွန်တော်ကျေကျေနပ်နပ်ကြီးခံယူနေမိပါသည်။ကျွန်တော်၏ညများကိုသူမလွတ်
လွတ်လပ်လပ်ဝင်လာနိုင်ရန်လှည်းကျင်းပေးနေမိသည်။ဖြစ်နိုင်လျှင်သူမစားသုံးရန်အတွက်ကျွန်တော်၏မနက်ခင်း
များကိုလိမ္မော်သီးတစ်လုံးအသွင်ကူး ပြောင်းနေခဲ့မိပါသည်။သို့ရာတွင်ဤအရာများသည်ထင်ယောင်ထင်မှားဖြစ်မှု
များသာဖြစ်ကြောင်းနောင်အခါသင်ကိုယ်တိုင်နားလည်လာပါလိမ့်မည်။ ကျွန်တော့်အဖို့တော့စိတ်ကူးသစ်များသည်အမြဲလိုလိုထွက်ပေါ်နေခဲ့ပါသည်။လည်ပတ်နေသောစက္ကန့်တံများ၊
တုံ့နှေးကောင်းတုံ့နှေး မည်ဖြစ်သော်လည်းကျွန်တော်၏စိတ်ကူးထည်များမှာမူဘယ်တော့မှခြေကုန်လက်ပမ်းကျသည်မရှိခဲ့ပေ။
ဤသို့ဖြင့်ညစဉ်ညတိုင်းပန်းသီးလေးသည်ကျွန်တော့်တံခါးကိုလာလာခေါက်နေခဲ့သည်။တံခါးခေါက်သံများသည်
ပို၍နီးနီးလာခဲ့သည်။
ပို၍ကျယ်လောင်လာခဲ့သည်။ ကျွန်တော်သည်လည်းပို၍ပို၍ကစဉ့်ကလျားပြိုကွဲလာခဲ့သည်။ ထိုသို့ဖြင့်မိုးလေကင်းရှင်းသောတစ်နေ့ကိုကျွန်တော်စောင့်စားနေခဲ့သည်။ထိုနေ့တစ်နေ့ကိုမျက်နှာချင်းဆိုင်
ရန်နေ့ပေါင်းများစွာ၏ နင်းချေမှုကိုဖြတ်သန်းခဲ့ရသည်။ကျွန်တော့်တွင်တံချူတစ်ချောင်းမရှိသော်လည်းခုန်ခူးဖို့ရာအင်အား
အချို့တော့ရှိနေပါသေးသည်။ သို့သော်ပန်းသီးလေးတွင်ကြွေဆင်းဖို့ရာခွန်အားမရှိခဲ့ပါ။ကျွန်တော်၏ညများစွာကိုအလျော်အစားပြုခဲ့ရသောထိုနေ့
သည်မမျှော်လင့်သောအရာများစွာဖြင့်မျှော်လင့်ထားသည့်အတိုင်းကျဆုံးခဲ့ရပါသည်။လေဆင်နှာမောင်းတစ်ခုလို
ကျွန်တော့်နံဘေးတွင်ရစ်ပတ်ဝှေ့ယမ်းနေသောသူမ၏လှောင်ပြောင်ရယ်မောသံများကြားတွင်ကျွန်တော်၏
ခရီးရည်ချီတက်ပွဲတစ်ခုဆိတ်ငြိမ်စွာကျဆုံးခဲ့ရပါသည်။ပန်းသီးလေး၏နှုတ်ဖျားမှနောက်ဆုံးထွက်ကျလာသည့်
စကားတစ်လုံးမှာသူမပြောနေကျအတိုင်းအင်္ဂလိပ်စကားလုံးတစ်လုံးပင်ဖြစ်နေခဲ့ပါသည်။ “ Sorry” (ဝမ်းနည်းပါတယ်)ဟူ၍။ ကျွန်တော်၏ညများစွာသည်တစ်စစီလွင့်ကျဲသွားခဲ့ကြပါသည်။ဖရိုဖရဲစုပုံနေခဲ့ကြပါသည်။ကျွန်တော်သည်ကိုယ့်
ကိုယ်ကိုရှာဖွေ ရန်ကြိုးစားမိပါသည်။ကျွန်တော့်တစ်ကိုယ်လုံးတွင်မကျေနပ်မှုများဖြင့်အုပ်မိုးဖုံးကွယ်နေခဲ့ပါသည်။ထို့ကြောင့်
ကျွန်တော်သည်ကျေနပ်မှုကိုရှာဖွေရန်ဆုံးဖြတ်လိုက်ပါသည်။ကမ္ဘာအပတ်ပတ်ဖြတ်သန်းရပါစေ၊ကျေနပ်မှုရှိရာ
ကျွန်တော်ရောက်အောင်သွားပါမည်။ တိမ်တစ်စ၊ကျီးတစ်သုတ်နှင့်အလင်းသဲ့သဲ့ပေါင်းစပ်ထားသောနေ့တစ်နေ့တွင်ဖြစ်သည်။ကျွန်တော်သည်လေညှင်း
တစ်အုပ်နှင့် အတူမြစ်ကမ်းနဘေးတွင်ခရီးနှင်နေခဲ့ပါသည်။ကျွန်တော်၏အိတ်ထဲတွင်ပန်းသီးတစ်လုံးမပါလာခဲ့သော်လည်းလတ်
လတ်ဆတ်ဆတ် သောက်ရေသန့်တစ်ဗူးပါလာခဲ့ပါသည်။ကျွန်တော်သည်ခရီးပေါင်းများစွာလှမ်းလာခဲ့ပါသော်လည်း
ယခုအချိန်အထိခရီးဖော်တစ်ယောက်မှမတွေ့ခဲ့ပါ။နေလုံးသည်ထုံးစံတကျပင်အရှေ့ဘက်မှထွက်၍အနောက်ဘက်
သို့ငုတ်လျှိုးပေတော့မည်။ယခုအချိန်အထိကျွန်တော်သည် မည်သည့်အရပ်သို့ဝင်ရောက်နားခိုရမည်ကိုမသိသေးပါ။ ကျွန်တော်သည်စိတ်ကိုမိုင်နှုန်းမြှင့်၍ရှေ့ဆက်ခဲ့ပါသည်။ရှေ့တွင်တံလျပ်များဖြင့်ဝိသေသပြုနေသောလွင်ပြင်ကြီး
ရှိနေခဲ့ပါသည်။ကျွန်တော်၏ခြေလှမ်းများသည်တံလျပ်များထဲတွင်ဘောင်ဘင်ခတ်နေကြပါသည်။ထိုအချိန်တွင်
ခပ်ဝေးဝေးဆီမှအရိပ်တစ်ခုသည်တဖြေး ဖြေးပီသလာခဲ့သည်။ကျွန်တော်သည်အားတက်သရောဖြင့်ထိုအရိပ်ရှိ
ရာအပြေးတစ်ပိုင်းလှမ်းနေမိပါသည်။အနားရောက်လာတော့မှထို အရိပ်သည်ကျွန်တော့်လိုပင်ခရီးသွားတစ်ယောက်ဖြစ်မှန်းတွေ့ရှိရပါသည်။ထိုသူ၏ကျောတွင်ကြီးမားလေးလံသော
အိတ်ကြီးတစ်လုံးကို ထမ်း၍။ “ဘယ်သွားမလို့လဲဗျို့” ကျွန်တော်ကပင်ဦးစွာနှုတ်ဆက်လိုက်ပါသည်။ “ကျေနပ်ဖို့ကောင်းတဲ့အရပ်ကိုသွားရှာမလို့ပါ” ထိုသူကမောပန်းမှုတို့ဖြင့်လေးလံစွာဖြေကြားနေခဲ့သည်။ “ဒါနဲ့ခင်ဗျားအထုပ်ကြီးထဲကဘာတွေလဲဗျို့” ကျွန်တော်အရဲစွန့်၍မေးလိုက်မိသည်။ “ငွေတွေပါဗျာ၊ ကျုပ်တစ်သက်လုံးရှာထားခဲ့တဲ့ငွေတွေပါ” ထိုသူကကျွန်တော့်ကိုမယုံသင်္ကာစိတ်ဖြင့်ကြည့်လိုက်ပါသည်။ထို့နောက်ကျွန်တော့်ကိုမကြည့်တော့ပဲသုတ်ခြေတင်
၍သွားပါတော့သည်။ ကျွန်တော်သည်ဆက်လက်ထွက်ခွါလာခဲ့ရာစိမ်းစိုငြိမ်သက်နေသောတောအုပ်တစ်ခုကိုရောက်ရှိလာခဲ့
သည်။ရောက်ရောက်ချင်းကျွန်တော်သည်ဝမ်းသာအားရဖြင့်အနားယူရန်ပြင်ဆင်မိသည်။ထိုအချိန်တွင်မှကျွန်တော်
၏နားထဲတွင်အသံသဲ့သဲ့ကိုစတင်သတိပြုမိခဲ့ပါ သည်။ကျွန်တော်သည်အနားမယူနိုင်သေးဘဲအသံကြားရာနေရာကိုရှာဖွေနေမိသည်။အရိပ်ကောင်းကောင်းသစ်ပင်
တစ်ပင်အောက်တွင် ယောဂီဝတ်အဘိုးအိုတစ်ယောက်သည်ဘုရားစာအချို့ကိုရွတ်ဖတ်၍နေပါသည်။
ဆိတ်ငြိမ်သောဝန်းကျင်တွင်သူ၏ရွတ်ဆိုသံသည် ထူးထူး ခြားခြားဆူညံ၍နေပါသည်။ကျွန်တော်ရောက်ရှိသွားသောအခါအဘိုးအိုသည်မျက်လုံးကိုအသာဖွင့်၍
ကျွန်တော့်ကိုအံ့သြထိတ်လန့်စွာကြည့်နေပါသည်။ကျွန်တော်လည်းကဗျာကယာပင် “ကျွန်တော်ခရီးသွားတစ်ယောက်ပါခင်ဗျာ၊အဘိုးကိုနှောင့်ယှက်ဖို့မဟုတ်ပါဘူး” “မင်းတို့လူသားတွေဟာဘာသာတရားရဲ့အနှောင့်အယှက်ပေါ့ကွ” ကျွန်တော်သည်အံ့သြစွာဖြင့် “လူနဲ့ဘာသာရေးဘယ်ဟာပိုအရေးကြီးပါသလဲခင်ဗျာ” “ဘာသာရေးဆိုတာလူရဲ့အထက်မှာအမြဲရှိတာပေါ့ကွ” “ဒါဆိုဘာသာရေးရဲ့အထွတ်အထိပ်ဟာဘာပါလဲခင်ဗျာ” “ဆင်းရဲခြင်းကင်းရာဘုံဗိမ္မါန်ပေါ့ကွ” “အခုအဲ့ဒီဘုံကိုတွေ့နေရပါပြီလားခင်ဗျာ” “ကျင့်စဉ်တော်အောင်ရင်တွေ့မှာပေါ့ကွ” “ကျင့်စဉ်တော်နဲ့ဘုံဗိမ္မာန်ဘယ်လိုစပ်ဆက်နေပါသလဲခင်ဗျာ” “ဒါဘာသာတရားရဲ့အဆိုအမိန့်တွေပဲကွ၊ကျမ်းဂန်တွေထဲမှာအပြည့်အစုံပါပြီးသားပဲ၊ငါတို့တာဝန်ကလိုက်နာဖို့ပဲ၊
စူးစမ်းဖို့မဟုတ် ဘူးကွ၊မင်းနဲ့စကားပြောရတာငါ့အဓိဌာန်တွေပျက်ကုန်တော့မှာပဲ” ထို့နောက်တွင်အဘိုးအိုသည်စိတ်အနှောင့်အယှက်ဖြစ်ဟန်ဖြင့်မျက်စိကိုစုံမှိတ်ကာဘုရားစာများကိုသာလောဘ
တကြီးရွတ် ဆိုနေတော့သည်။ ကျွန်တော်သည်လည်းဘယ်လိုမှအိပ်မရသည့်အဆုံးတောအုပ်ထဲမှစိတ်ပျက်စွာဖြင့်ပြန်လည်ထွက်ခွါလာခဲ့ပါ
သည်။ခေါင်းထဲတွင်လည်း“မကျေနပ်ခြင်းများအကြောင်း”ကိုမကျေမနပ်ဖြင့်စဉ်းစားနေမိပါသည်။မနက်မိုးသောက်
လျှင်နေသည်ထုံးစံအတိုင်း အရှေ့မှထွက် လာပေဦးမည်။

**ဒီနိုဗို**

- နေထွက်ရာအရပ်ကိုမျက်နှာမူပါ-

မြန်မာပြည်သား စာစောင်

ကမ္ဘာ့ ကဗျာနေ့

၂၀၀၉ သင်္ကြန်အမှတ်တရ ...

ကျောင်းသားတပ်မတော် အနှစ်(၂၀)ခရီး

ဒေါင်းအိုးဝေ အသစ်ထွက်ပြီ ...

မဲဆောက်မြို့၊ မယ်တော်ကျေးရွာဆီက နေ့သစ်မူလတန်းကျောင်း(၀ါ) ရွှေ့ပြောင်းအလုပ်သမားကျောင်း

JACBAနှင့်လုပ်ငန်းခွင်ပေါင်းစုံမှ မြန်မာအလုပ်သမားများ

မဲဆောက်မြို့ ချန်ပီယံသိုးမွှေးစက်ရုံမှ နှစ်သစ်ကူး ဘောလုံးပွဲ...

ဘလော့ခ်ဂါအစု ...

8-1-09..``က´´ကလေးငယ်- ချစ်စဖွယ်....

Sunday, October 21, 2012

No comments:

Total Pageviews

Labels

နာဂစ် သဘာဝဘေးဆိုး နဲ့ မင်းဆိုးမင်းညစ်ဒဏ် ခံခဲ့ရခြင်း တနှစ်ပြည့် ...

သခင် ကိုယ်တော်မှိုင်း

အမျိုးသားခေါင်းဆောင်ကြီး ဗိုလ်ချုပ်အောင်ဆန်း

သင်သွားလိုရာ

BPPU- မှာ ကျင်းပခဲ့တဲ့ နှစ်(၆၀)ပြည့် လူ့အခွင့်အရေးနေ့ အခမ်းအနား....

မဲဆောက်မြို့ ဘန့်မိုင်တောင်ကုန်းကျေးရွာက ဇာတ်ပွဲနှင့် မြန်မာအလုပ်သမားများ ဘ၀...

15-16 Dec, 2008...ကျောင်း၅ကျောင်းမှ ကျောင်းဆရာများ၏လေ့လာရေးခရီးစဉ်....

Blog Archive