ရှေးသရောအခါ အထက်အညာရွာတစ်ရွာတွင် ပညာဗဟုသုတမျိုးစုံကို လိုက်စားသော ဘုန်းတော်ကြီးတစ်ပါး ရှိလေသည်။ ထိုဘုန်းတော်ကြီးသည် မိမိကျောင်းသို့ ရောက်ရှိလာသော ရဟန်းရှင်လူအပေါင်းတို့အား မေးမြန်း၍ သတင်းထူးသတင်းဆန်းရှိက မိမိမှတ်စုစာအုပ်ကြီးတွင် ရေးမှတ်ထားလေသည်။
တစ်နေ့သ၌ ထိုဘုန်းတော်ကြီးကျောင်းသို့ ဒကာတစ်ဦး ရောက်ရှိလာရာ အာလာပ သလ္လာပ ပြောဆိုပြီးနောက် ဗဟုသုတ ၀ါသနာကြီးလှသော ဘုန်းတော်ကြီးက “ဒကာက ဘယ်အရပ်ကပါလဲ၊ ဒကာ့နာမည်က ဘယ်လိုခေါ်ပါသလဲ၊
အလုပ်အကိုင်ကကော ဘာများ လုပ်ကိုင်ပါသလဲ”ဟု တစ်သီတစ်တန်းကြီး မေးလိုက်ရာ ဒကာက “တပည့်တော်က ပြည်စိုးကြီးပါဘုရား၊ တပည့်တော် နာမည်ကတော့ ငလူထွားပါတဲ့၊ အလုပ်အကိုင်ကတော့ သားရိုးသမင်ချိုပါဘုရား”ဟု လျှောက်ထားရာ ဗဟုသုတ ၀ါသနာကြီးလှသော ဘုန်းတော်ကြီးက မှတ်စုစာအုပ်တွင် “ပြည်စိုးကြီးသား ငလူထွား သားရိုးသမင်ချို”ဟု ရေးမှတ်ထားလေ၏။
နောက်တစ်နေ့ ရွာထဲ၌ အလှူရှိ၍ သီလပေးလေရာ၊ ဒကာများက “ဆရာတော်မှာ မေ့တတ်လွန်း၍ ဒုတိယမ္ပိ တတိယမ္ပိ မပါပါဘုရား၊ မှတ်စုစာအုပ်ထဲတွင် ရေးမှတ်ထားလျှင် ကောင်းပါမည်ဘုရား”ဟု လျှောက်ထားပြန်ရာ၊ သားရိုးသမင်ချိုစာပိုဒ်နှင့် ဆက်၍ “ဒုတိယမ္ပိ ဆက်၍ဆို” ဟု ရေးမှတ်ထားပြန်လေ၏။
နောက်တစ်နေ့ ဒကာနှစ်ယောက် ရောက်လာပြန်ရာ ရှေးအတိုင်း “ဒကာတို့ဘယ်ကပါလဲ၊ ဒကာတို့အရပ်မှာ ဘာသတင်းထူးများ ပါရှိသလဲ”ဟု မေးမြန်းရာ၊ ပထမ ဒကာက “တပည့်တော် ရေစကြိုကပါဘုရား၊ တပည့်တော်တို့အရပ်မှာ သတင်းထူးတာကတော့ မိသာအေး ဆိုတဲ့ ဒကာမတစ်ယောက်ဟာ ကလေးသုံးယောက်တောင်မှ မွေးပါသတဲ့ ဘုရား”ဟု လျှောက်ထားလေ၏။
ဒုတိယဒကာက လျှောက်ပြန်သည်မှာ “တပည့်တော်က ကလေးဝကပါဘုရား၊ တပည့်တော်တို့အရပ်မှာ သတင်းထူးတာကတော့ မိသီဒါဆိုတဲ့ ဒကာမတစ်ယောက်ဟာ ဆံပင်သုံးတောင်ထွာ ရှည်ပါသတဲ့ဘုရား”ဟု လျှောက်ထားပြန်ရာ၊ ဘုန်းတော်ကြီးက မှတ်စုစာအုပ်တွင် ဒုတိယမ္ပိ၊ တတိယမ္ပိ ဆက်၍ဆိုနှင့် ဆက်လျက် “ရေစကြိုက မိသာအေး ကလေးသုံးယောက်မွေး၊ ကလေးဝက မိသီဒါ ဆံပင်သုံးတောင့်ထွာ”ဟု ရေးမှတ်ထားလေသည်။
နောက်များမကြာမီ ဘုန်းတော်ကြီး ပျံလွန်တော်မူရာ ဘုန်းတော်ကြီး ဗဟုသုတ လိုက်စားမှန်းကိုသိကြသော တပည့်ဒကာ ရဟန်း သာမဏေ တို့က ဗဟုသုတ ရေးမှတ်ထားသော စာအုပ်ကြီးတွင် ကောင်းနိုးရာရာကို ရေးမှတ်ယူကြလေသည်။ ထိုအထဲတွင် ဦးပဉ္စင်းကြီးတစ်ပါးက ဘုရားရှိခိုးထင်မှတ်၍ ဆရာတော်၏ မှတ်စုစာအုပ်ထဲမှ ကူးယူကျက်မှတ်ပြီးလျှင် ည နံနက် ၀တ်တက် ၀တ်ကပ်အချိန်တွင် “ပြည်စိုးကြီးသား ငလူထွား သားရိုးသတင်ချို၊ ဒုတိယမ္ပိ တတိယမ္ပိ ဆက်၍ဆို၊ ရေစကြိုက မိသာအေး ကလေးသုံးယောက်မွေး၊ ကလေးဝက မိသီဒါ ဆံပင် သုံးတောင့်ထွာ၊ သြကာသ သြကာသ”ဟု ဖတ်သရဇ္ဈာယ် နေလေတော့သည် ဟူ၏။
**လူထု-ဦးလှ**
***(မြန်မာ့ကျေးလက်ပုံပြင်များ)**
ရှေးသရောအခါ အထက်အညာရွာတစ်ရွာတွင် ပညာဗဟုသုတမျိုးစုံကို လိုက်စားသော ဘုန်းတော်ကြီးတစ်ပါး ရှိလေသည်။ ထိုဘုန်းတော်ကြီးသည် မိမိကျောင်းသို့ ရောက်ရှိလာသော ရဟန်းရှင်လူအပေါင်းတို့အား မေးမြန်း၍ သတင်းထူးသတင်းဆန်းရှိက မိမိမှတ်စုစာအုပ်ကြီးတွင် ရေးမှတ်ထားလေသည်။
တစ်နေ့သ၌ ထိုဘုန်းတော်ကြီးကျောင်းသို့ ဒကာတစ်ဦး ရောက်ရှိလာရာ အာလာပ သလ္လာပ ပြောဆိုပြီးနောက် ဗဟုသုတ ၀ါသနာကြီးလှသော ဘုန်းတော်ကြီးက “ဒကာက ဘယ်အရပ်ကပါလဲ၊ ဒကာ့နာမည်က ဘယ်လိုခေါ်ပါသလဲ၊
အလုပ်အကိုင်ကကော ဘာများ လုပ်ကိုင်ပါသလဲ”ဟု တစ်သီတစ်တန်းကြီး မေးလိုက်ရာ ဒကာက “တပည့်တော်က ပြည်စိုးကြီးပါဘုရား၊ တပည့်တော် နာမည်ကတော့ ငလူထွားပါတဲ့၊ အလုပ်အကိုင်ကတော့ သားရိုးသမင်ချိုပါဘုရား”ဟု လျှောက်ထားရာ ဗဟုသုတ ၀ါသနာကြီးလှသော ဘုန်းတော်ကြီးက မှတ်စုစာအုပ်တွင် “ပြည်စိုးကြီးသား ငလူထွား သားရိုးသမင်ချို”ဟု ရေးမှတ်ထားလေ၏။
နောက်တစ်နေ့ ရွာထဲ၌ အလှူရှိ၍ သီလပေးလေရာ၊ ဒကာများက “ဆရာတော်မှာ မေ့တတ်လွန်း၍ ဒုတိယမ္ပိ တတိယမ္ပိ မပါပါဘုရား၊ မှတ်စုစာအုပ်ထဲတွင် ရေးမှတ်ထားလျှင် ကောင်းပါမည်ဘုရား”ဟု လျှောက်ထားပြန်ရာ၊ သားရိုးသမင်ချိုစာပိုဒ်နှင့် ဆက်၍ “ဒုတိယမ္ပိ ဆက်၍ဆို” ဟု ရေးမှတ်ထားပြန်လေ၏။
နောက်တစ်နေ့ ဒကာနှစ်ယောက် ရောက်လာပြန်ရာ ရှေးအတိုင်း “ဒကာတို့ဘယ်ကပါလဲ၊ ဒကာတို့အရပ်မှာ ဘာသတင်းထူးများ ပါရှိသလဲ”ဟု မေးမြန်းရာ၊ ပထမ ဒကာက “တပည့်တော် ရေစကြိုကပါဘုရား၊ တပည့်တော်တို့အရပ်မှာ သတင်းထူးတာကတော့ မိသာအေး ဆိုတဲ့ ဒကာမတစ်ယောက်ဟာ ကလေးသုံးယောက်တောင်မှ မွေးပါသတဲ့ ဘုရား”ဟု လျှောက်ထားလေ၏။
ဒုတိယဒကာက လျှောက်ပြန်သည်မှာ “တပည့်တော်က ကလေးဝကပါဘုရား၊ တပည့်တော်တို့အရပ်မှာ သတင်းထူးတာကတော့ မိသီဒါဆိုတဲ့ ဒကာမတစ်ယောက်ဟာ ဆံပင်သုံးတောင်ထွာ ရှည်ပါသတဲ့ဘုရား”ဟု လျှောက်ထားပြန်ရာ၊ ဘုန်းတော်ကြီးက မှတ်စုစာအုပ်တွင် ဒုတိယမ္ပိ၊ တတိယမ္ပိ ဆက်၍ဆိုနှင့် ဆက်လျက် “ရေစကြိုက မိသာအေး ကလေးသုံးယောက်မွေး၊ ကလေးဝက မိသီဒါ ဆံပင်သုံးတောင့်ထွာ”ဟု ရေးမှတ်ထားလေသည်။
နောက်များမကြာမီ ဘုန်းတော်ကြီး ပျံလွန်တော်မူရာ ဘုန်းတော်ကြီး ဗဟုသုတ လိုက်စားမှန်းကိုသိကြသော တပည့်ဒကာ ရဟန်း သာမဏေ တို့က ဗဟုသုတ ရေးမှတ်ထားသော စာအုပ်ကြီးတွင် ကောင်းနိုးရာရာကို ရေးမှတ်ယူကြလေသည်။ ထိုအထဲတွင် ဦးပဉ္စင်းကြီးတစ်ပါးက ဘုရားရှိခိုးထင်မှတ်၍ ဆရာတော်၏ မှတ်စုစာအုပ်ထဲမှ ကူးယူကျက်မှတ်ပြီးလျှင် ည နံနက် ၀တ်တက် ၀တ်ကပ်အချိန်တွင် “ပြည်စိုးကြီးသား ငလူထွား သားရိုးသတင်ချို၊ ဒုတိယမ္ပိ တတိယမ္ပိ ဆက်၍ဆို၊ ရေစကြိုက မိသာအေး ကလေးသုံးယောက်မွေး၊ ကလေးဝက မိသီဒါ ဆံပင် သုံးတောင့်ထွာ၊ သြကာသ သြကာသ”ဟု ဖတ်သရဇ္ဈာယ် နေလေတော့သည် ဟူ၏။
**လူထု-ဦးလှ**
No comments:
Post a Comment