မြတ်စွာဘုရားသည် ဇေတ၀န်ကျောင်း၌ သီတင်းသုံးစဉ်- မြတ်သော တောထွက်ခြင်းကို အကြောင်းပြု၍ အတိတ် ဇာတ်ကိုဆောင်၍ ဟောတော်မူသည်ကား…။
အတိတ်ဇာတ်…
ဗာရာဏသီပြည် ဗြဟ္မဒတ်မင်းစိုးစံစဉ်၊ ဘုရားလောင်းသည် ထိုမင်းကြီး ပုရောဟိတ်၏သား၊ သုသီမ သတို့ သားဟု ခေါ်တွင်၏။
ထိုနေ့၌ပင် မိဖုရားကြီးမှာလည်း သားတစ်ယောက်ဖွားမြင်သည်။ ဗြဟ္မဒတ္တ သတို့ သားဟု မှည့်ခေါ်၏။
မင်းကြီးသည် သားတော်နှင့် တစ်နေ့တည်း ဖွားသော ပုရောဟိတ်၏ သား သုသီမကို နို့ထိန်းတို့ထံတွင် အတူ နေစေ၏။ သတို့သား နှစ်ယောက်မှာ အလွန်လှပသော အဆင်းတို့ဖြင့် အလွန်တင့်တယ်ကြကုန်၏။
အတိတ်ဇာတ်…
ဗာရာဏသီပြည် ဗြဟ္မဒတ်မင်းစိုးစံစဉ်၊ ဘုရားလောင်းသည် ထိုမင်းကြီး ပုရောဟိတ်၏သား၊ သုသီမ သတို့ သားဟု ခေါ်တွင်၏။
ထိုနေ့၌ပင် မိဖုရားကြီးမှာလည်း သားတစ်ယောက်ဖွားမြင်သည်။ ဗြဟ္မဒတ္တ သတို့ သားဟု မှည့်ခေါ်၏။
မင်းကြီးသည် သားတော်နှင့် တစ်နေ့တည်း ဖွားသော ပုရောဟိတ်၏ သား သုသီမကို နို့ထိန်းတို့ထံတွင် အတူ နေစေ၏။ သတို့သား နှစ်ယောက်မှာ အလွန်လှပသော အဆင်းတို့ဖြင့် အလွန်တင့်တယ်ကြကုန်၏။
သတို့သားနှစ်ဦးတို့သည် ကစားအတူ၊ သွားအတူ၊ လာအတူ ဖြစ်ကြပြီး တစ်ဦးနှင့် တစ်ဦး အလွန်ချစ်ခင် ကြင်နာကြ၏။
တက္ကသိုလ်ပညာများကိုလည်း အတူသွားသင်ကြပြီး အပြန်ခရီးတွင်လည်း အတူတူပင် ပြန်ခဲ့ကြလေသည်။
ဗြဟ္မဒတ်မင်းကြီး နတ်ရွာစံလျှင် သားတော် ဗြဟ္မဒတ္တမင်းသား နန်းမွေဆက်ခံရ၏။ ပုရောဟိတ်၏သား သုသီမကို ပုရောဟိတ်အရာ၌ပင် ထား၏။ မင်းဖြစ်သည့်တိုင် သူငယ်ချင်း သုသီမနှင့်အတူစား၊ အတူနေပင် ဖြစ်သည်။
မြို့တော်တစ်ခွင် အဆန်းဆင်…
တစ်နေ့သ၌ ဗြဟ္မဒတ်မင်းသည် မင်းပျိုမင်းလွင် ဖြစ်သည့် အတိုင်း မြို့တော် တခွင်လုံးရှိ လမ်းများ၊ နေအိမ်တိုက်တာများကို မုခ်ဦးများနှင့်တကွ အလှအပ တန်ဆာဆင်စေ၏။
နောက်တစ်နေ့တွင် မင်္ဂလာဆင်တော်၌ သူငယ်ချင်း ဖွားဖက်တော် သုသီမကို နောက်ကစီးစေပြီး မြို့ကိုလယ်ယာရစ် လှည့်လည်ကြည့်ရှု၏။
ချစ်တဲ့စိတ်ဟာဆန်းကြယ်…
မင်း၏ မယ်တော် မိဖုရားကြီးသည် နန်းလေသာပြတင်းမှ သားတော်ကိုကြည့်ရှုရင်း ဆင်နောက်က ပုရောဟိတ် သုသီမ၏ ကျက်သရေရှိလှသော မျက်နှာကို မြင်လိုက်သည်နှင့် အလွန်တိမ်းညွတ်သော စိတ်ဖြင့် မစားနိုင် မအိပ်နိုင်ဖြစ်၏။ ဖွင့်ပြောရမှာလည်း ရှက်လွန်းလှ၍ အသေခံတော့မည်ဟု ခန်းဆောင်တွင် ၀င်ကာ အစာအဟာရကို လုံးဝဖြတ်ပြီး အိပ်၍သာ နေလေတော့သည်။
မိန်းမအချင်းချင်း မချန်ခြွင်း…
ထိုအခါသားတော်သည် သူ၏ မိဖုရားကို မိန်းမတို့အချင်းချင်း လျှို့ဝှက်မချန်ဘဲ ပြောမည်ဟုသိ၍ ပရိယာယ်ဖြင့်မေးစေ၏။ မင်းမိဖုရားသည် ယောက္ခမ မယ်တော်ထံသွား၍ ခြေဆုပ်လက်နယ်ပြုပြီး အကျိုးအကြောင်း မေးမြန်းသည်။ ထိုအခါ မယ်တော်မိဖုရားကြီးက ချွေးမတော်အား ဖွင့်ပြောပြ၏။
မိဖုရားလျှောက်ထားသဖြင့် အကြောင်းစုံသိရသော် သုသီမပုရောဟိတ်အား မင်းမြှောက်ကာ မယ်တော်အား မိဖုရားအရာပြုစေမည်ဟု နှစ်သိမ့်စေ၏။
မလျော်ကန်ပါ တောင်းပန်ရှာ…
ဗြဟ္မဒတ္တမင်းသည် သုသီမ ပုရောဟိတ်ကိုခေါ်စေပြီး….
`အဆွေ… ငါ့မိခင်၏ အသက်ကိုကယ်ပါ၊ အဆွေကို မင်းမြောက်မည်။ ငါ၏ မယ်တော်ကို မိဖုရားကြီးမြှောက်၍ ငါက အိမ်ရှေ့မင်းအဖြစ် နေမည်´ဟု ပြောဆိုလေသည်။
ထိုအခါ သုသီမက ဘယ်နည်းနှင့်မှ မဖြစ်နိုင်၊ မလျော်ကန်နိုင်ကြောင်း ငြင်းပယ်၏။ တောင်းပန်သူကလည်း အခါခါ တောင်းပန်၏။ ငြင်းပယ်သူကလည်း အကြိမ်ကြိမ် ငြင်းပယ်၏။ နောက်ဆုံးတွင် သုသီမက လက်မြှောက်၍ ၀န်ခံလိုက်ရလေသည်။
မင်းကြီးသည် ပုရောဟိတ်ကို မင်းမြှောက်၍ မိမိမူကား အိမ်ရှေ့မင်းအဖြစ် ခံယူလိုက်၏။
ပါရမီဓာတ်ခံ ရင့်သန်သူ
ပုရောဟိတ်သုသီမသည် မင်းအဖြစ် စည်းစိမ်ခံစားနေရသော်လည်း အာရုံငါးပါးကာမဂုဏ်တရားတို့ကို ငြီးငွေ့လှသဖြင့် တောထွက်၍ ရသေ့ရဟန်းပြုရန်သာ စိတ်တော် ညွတ်ကိုင်းလျက်ရှိသည်။ မိဖုရားကြီးနှင့် မပျော်ပိုက်ဘဲ တစ်ယောက်တည်းသာ နေသည်။ နန်းတော်ကြီးကိုပင် လှောင်အိမ်ကြီးဟု ထင်လာ၏။ လှောင်အိမ်၌ နေရသော ငှက်ကဲ့သို့ စိတ်တို့မှာ ကျပ်တည်း ကျဉ်းမြောင်းနေ၏။
မိဖုရားကြီး၏ လှည့်ကွက်…
ထိုအခါ မိဖုရားကြီးသည် ဤမင်းငယ်ကား နုပျိုသေး၏။ ငါနှင့် မမွေ့လျော်ဘဲ တစ်ယောက်တည်းသာ နေလေ့ရှိ၏။ ငါကား အရွယ်အို၍ ဆံပင်တို့သည် ဖြူကုန်၏။ ငါ့ခေါင်းမှ ဆံပင်ဖြူနုတ်ပြီး သူ့ခေါင်းမှ ဆံပင်ဟု ပြောလျှင် သူလည်းအသက်ရင့်ပြီဟု ထင်စေကာ မွေ့လျော်မည်ဟု ကြံစည်၏။
တစ်နေ့တွင် သုသီမခေါင်းတွင် သန်းရှာဟန်ပြု၍ ဆံပင်နက်တစ်ချောင်းကို နုတ်ယူပြီး မိမိဆံပင်ကိုပြ၍ အသက်အရွယ်တူနီးပါး ဖြစ်ပြီဟုပြော၏။
မင်းကြီး၏ သံဝေဂ…
မင်းကြီးသည် ဆံပင်ဖြူ လက်ထဲရောက်ခါမှ ချွေးသီး ချွေးပေါက်များ နဖူးပြင်မှ လျှောကျလာ၏။ ဆံပင်ဖြူကို လက်ဝါးပေါ်တင်၍-
`အို… သုသီမ… ရှေးအခါက ငါ၏ ဆံပင်တို့သည် မည်းနက်သော အဆင်းရှိကုန်၏။ ယခုမူ ဖြူကုန်ပါပကော၊ အကျင့်ကို ကျင့်ရန် အချိန်တန်ပြီ´ဟု မိမိကိုယ်ကိုတိုက်တွန်းနှိုးဆော်ကာ မြတ်သောအကျင့်၏ ဂုဏ်ကျေးဇူးကို ချီးကျူးပြောဆိုလေ၏။
မိဖုရားဆင်ကွက် လွဲချက်ပေါ်…
မိဖုရားကြီးမှာ ဆံဖြူပင်ကိုပြလိုက်လျှင် သူနှင့်အရွယ်တူလေသည်ဟုထင်ကာ ကြည်ဖြူစွာမွေ့လျော်လိမ့်မည်ဟု အကွက်ဆင်ခဲ့သော်လည်း သူဆင်သည့်အကွက်မပေါ်တော့ပါ၊ သံဝေဂညွတ်ပြီး ရသေ့ဝတ်၍ တရားကျင့်ရန်သာ အာရုံစူးစိုက်၍ နေပေတော့၏။ ထိုကြောင့် မိဖုရားကြီးက သံဝေဂစိတ် ပျောက်ပြီး အာရုံတစ်မျိုးရောက်ရန် ကြိုးစားပြန်သည်။
အရှင်မင်းကြီး ဤဆံပင်ဖြူကား ကျွန်ုပ်၏ ဦးခေါင်းမှ ဆံဖြူဖြစ်ပါ၏။ မင်းကြီး၏ ဆံဖြူမဟုတ်ပါ။ အကျွန်ုပ်မုသားဆိုမိပါ၏။ သည်းခံတော်မူပါ´
`အရှင်မင်းကြီး ပေါက်ထွက်စ အညှောင့်သည် ရှုချင်စဖွယ်ရှိသကဲ့သို့ အရှင်မင်းကြီးသည်လည်း နုပျို၍ ရှုချင်စဖွယ်ရှိပါ၏။ မင်းအဖြစ်ကိုလည်း ပြုတော်မူပါ၊ အကျွန်ုပ်ကိုလည်း ကြည့်ရှုတော်မူပါ။ နောက်ဘမှ အကျိုးရှိမည့်ရဟန်းအဖြစ်ကို မပြုပါလင့်´ဟု မင်းကြီးအား နုပျိုလန်းဆန်းသည့် အရွယ်ဖြစ်ကြောင်း ချီးကျူး၍ ရဟန်းမပြုရန် တောင်းပန်လေ၏။
မင်းကြီးသည် မိဖုရားကြီးအား `မိဖုရားကြီး ငါ့အား ရှုချင်စဖွယ် တင့်တယ်သော အစို့အညှောင့်ကဲ့သို့ ထင်သော်လည်း အိုမင်းလာသောအခါ ငါ၏ ဆံတို့ကား ပိုက်ဆံလျော်ကဲ့သို့ ဖွေးဖွေးဖြူရမည်မှမလွဲပါ။ သူငယ်တို့၏ လည်းကောင်း၊ လှပသော မိန်းကလေးတို့၏ လည်းကောင်း အဆင်းမှန်သမျှ ပျက်စီးရမည်ကိုသာ ငါမြင်နေ၏။
`မိဖုရားကြီး ငါ့အား အချိုးအစားပြေပြစ်သောအမျိုးသမီးကိုမြင်ရ၏။ လေပြည်လေအေး တိုက်ခတ်၍ လှုပ်ရှားသော သန္တာမည်းကဲ့သို့သော ထိုမိန်းမတို့၏ ဆံပင်တို့သည် ယောင်္ကျားတို့၌ ကိလေသာ၏ အရွယ်ဖြင့်ဖြားယောင်းသကဲ့သို့ဖြစ်၏။ ငါ့စိတ်တွင်းမှ ထိုမိန်းမတို့ကို အသက်ရှစ်ဆယ်၊ ကိုးဆယ်အရွယ်ရှိသော တောင်ဝှေးလက်စွဲ၍ ယိမ်းယိုင် ကုန်းကွနေသည်ဟု ငါမြင်၏။
`မိဖုရားကြီး ငါကား လောကီအာရုံကာမဂုဏ်၌ မပျော်မွေ့တော့ပါ.။ မိန်းမတို့အပေါ် ချစ်ခင်ဖွယ်- မချစ်ခင်ဖွယ်တို့ကို အပြစ်မြင်၍ တစ်ယောက်တည်းသာ အိပ်ရာထက်၌ ရှုပွားပါ၏။ လောကီကာမဂုဏ်အားလုံးတို့ကာ နှောင်ကြိုးနှင့် တူကုန်၏။ ရှေးပညာရှိတို့သည် ထိုနှောင်ကြိုးတို့ကို စွန့်ပယ်သကဲ့သို့ ငါလည်း စွန့်ပယ်၍ ရသေ့ရဟန်းပြုတော့အံ့´ဟု မိဖုရားကြီးအား ပြောကြား၏။
ထိုနောက် သုသီမမင်းသည် သူငယ်ချင်းဗြဟ္မဒတ္တကိုခေါ်၍ `အဆွေ… အဆွေသည် မင်းအဖြစ်ကိုပြန်လည်၍ လက်ခံပါတော့´ဟု ပြောပြီး အခြံအရံတို့နှင့်တကွ ဆွေမျိုးများငိုကြွေးနေစဉ်မှာပင် ဟိမ၀န္တာသို့ဝင်ကာ ရသေ့ရဟန်းပြု၍ ဈာန်အဘိညာဉ်တို့ကို ဖြစ်စေပြီး သေလွန်သောအခါ ဗြဟ္မာပြည်သို့ လား၏။
ဇာတ်ပေါင်းသော်…
မိဖုရားကြီးသည် - ရာဟုလာမယ်တော်
ဗြဟ္မဒတ်မင်းသည် - အာနန္ဒာ
သုသီမင်းကြီးသည် - ငါဘုရားဖြစ်လာ၏ဟု ဇာတ်တော်ကိုပေါင်း၏။
*** ဦးလှခင်-ဆန်းညွန့်ဦး ***
(သတ္တကနိပါတ် ၄၁၁၊ သုသီမဇာတ်) ပစ္စုပ္ပန်ဝတ္ထု…..
မြတ်စွာဘုရားသည် ဇေတ၀န်ကျောင်း၌ သီတင်းသုံးစဉ်- မြတ်သော တောထွက်ခြင်းကို အကြောင်းပြု၍ အတိတ် ဇာတ်ကိုဆောင်၍ ဟောတော်မူသည်ကား…။
အတိတ်ဇာတ်…
ဗာရာဏသီပြည် ဗြဟ္မဒတ်မင်းစိုးစံစဉ်၊ ဘုရားလောင်းသည် ထိုမင်းကြီး ပုရောဟိတ်၏သား၊ သုသီမ သတို့ သားဟု ခေါ်တွင်၏။
ထိုနေ့၌ပင် မိဖုရားကြီးမှာလည်း သားတစ်ယောက်ဖွားမြင်သည်။ ဗြဟ္မဒတ္တ သတို့ သားဟု မှည့်ခေါ်၏။
မင်းကြီးသည် သားတော်နှင့် တစ်နေ့တည်း ဖွားသော ပုရောဟိတ်၏ သား သုသီမကို နို့ထိန်းတို့ထံတွင် အတူ နေစေ၏။ သတို့သား နှစ်ယောက်မှာ အလွန်လှပသော အဆင်းတို့ဖြင့် အလွန်တင့်တယ်ကြကုန်၏။
အတိတ်ဇာတ်…
ဗာရာဏသီပြည် ဗြဟ္မဒတ်မင်းစိုးစံစဉ်၊ ဘုရားလောင်းသည် ထိုမင်းကြီး ပုရောဟိတ်၏သား၊ သုသီမ သတို့ သားဟု ခေါ်တွင်၏။
ထိုနေ့၌ပင် မိဖုရားကြီးမှာလည်း သားတစ်ယောက်ဖွားမြင်သည်။ ဗြဟ္မဒတ္တ သတို့ သားဟု မှည့်ခေါ်၏။
မင်းကြီးသည် သားတော်နှင့် တစ်နေ့တည်း ဖွားသော ပုရောဟိတ်၏ သား သုသီမကို နို့ထိန်းတို့ထံတွင် အတူ နေစေ၏။ သတို့သား နှစ်ယောက်မှာ အလွန်လှပသော အဆင်းတို့ဖြင့် အလွန်တင့်တယ်ကြကုန်၏။
သတို့သားနှစ်ဦးတို့သည် ကစားအတူ၊ သွားအတူ၊ လာအတူ ဖြစ်ကြပြီး တစ်ဦးနှင့် တစ်ဦး အလွန်ချစ်ခင် ကြင်နာကြ၏။
တက္ကသိုလ်ပညာများကိုလည်း အတူသွားသင်ကြပြီး အပြန်ခရီးတွင်လည်း အတူတူပင် ပြန်ခဲ့ကြလေသည်။
ဗြဟ္မဒတ်မင်းကြီး နတ်ရွာစံလျှင် သားတော် ဗြဟ္မဒတ္တမင်းသား နန်းမွေဆက်ခံရ၏။ ပုရောဟိတ်၏သား သုသီမကို ပုရောဟိတ်အရာ၌ပင် ထား၏။ မင်းဖြစ်သည့်တိုင် သူငယ်ချင်း သုသီမနှင့်အတူစား၊ အတူနေပင် ဖြစ်သည်။
မြို့တော်တစ်ခွင် အဆန်းဆင်…
တစ်နေ့သ၌ ဗြဟ္မဒတ်မင်းသည် မင်းပျိုမင်းလွင် ဖြစ်သည့် အတိုင်း မြို့တော် တခွင်လုံးရှိ လမ်းများ၊ နေအိမ်တိုက်တာများကို မုခ်ဦးများနှင့်တကွ အလှအပ တန်ဆာဆင်စေ၏။
နောက်တစ်နေ့တွင် မင်္ဂလာဆင်တော်၌ သူငယ်ချင်း ဖွားဖက်တော် သုသီမကို နောက်ကစီးစေပြီး မြို့ကိုလယ်ယာရစ် လှည့်လည်ကြည့်ရှု၏။
ချစ်တဲ့စိတ်ဟာဆန်းကြယ်…
မင်း၏ မယ်တော် မိဖုရားကြီးသည် နန်းလေသာပြတင်းမှ သားတော်ကိုကြည့်ရှုရင်း ဆင်နောက်က ပုရောဟိတ် သုသီမ၏ ကျက်သရေရှိလှသော မျက်နှာကို မြင်လိုက်သည်နှင့် အလွန်တိမ်းညွတ်သော စိတ်ဖြင့် မစားနိုင် မအိပ်နိုင်ဖြစ်၏။ ဖွင့်ပြောရမှာလည်း ရှက်လွန်းလှ၍ အသေခံတော့မည်ဟု ခန်းဆောင်တွင် ၀င်ကာ အစာအဟာရကို လုံးဝဖြတ်ပြီး အိပ်၍သာ နေလေတော့သည်။
မိန်းမအချင်းချင်း မချန်ခြွင်း…
ထိုအခါသားတော်သည် သူ၏ မိဖုရားကို မိန်းမတို့အချင်းချင်း လျှို့ဝှက်မချန်ဘဲ ပြောမည်ဟုသိ၍ ပရိယာယ်ဖြင့်မေးစေ၏။ မင်းမိဖုရားသည် ယောက္ခမ မယ်တော်ထံသွား၍ ခြေဆုပ်လက်နယ်ပြုပြီး အကျိုးအကြောင်း မေးမြန်းသည်။ ထိုအခါ မယ်တော်မိဖုရားကြီးက ချွေးမတော်အား ဖွင့်ပြောပြ၏။
မိဖုရားလျှောက်ထားသဖြင့် အကြောင်းစုံသိရသော် သုသီမပုရောဟိတ်အား မင်းမြှောက်ကာ မယ်တော်အား မိဖုရားအရာပြုစေမည်ဟု နှစ်သိမ့်စေ၏။
မလျော်ကန်ပါ တောင်းပန်ရှာ…
ဗြဟ္မဒတ္တမင်းသည် သုသီမ ပုရောဟိတ်ကိုခေါ်စေပြီး….
`အဆွေ… ငါ့မိခင်၏ အသက်ကိုကယ်ပါ၊ အဆွေကို မင်းမြောက်မည်။ ငါ၏ မယ်တော်ကို မိဖုရားကြီးမြှောက်၍ ငါက အိမ်ရှေ့မင်းအဖြစ် နေမည်´ဟု ပြောဆိုလေသည်။
ထိုအခါ သုသီမက ဘယ်နည်းနှင့်မှ မဖြစ်နိုင်၊ မလျော်ကန်နိုင်ကြောင်း ငြင်းပယ်၏။ တောင်းပန်သူကလည်း အခါခါ တောင်းပန်၏။ ငြင်းပယ်သူကလည်း အကြိမ်ကြိမ် ငြင်းပယ်၏။ နောက်ဆုံးတွင် သုသီမက လက်မြှောက်၍ ၀န်ခံလိုက်ရလေသည်။
မင်းကြီးသည် ပုရောဟိတ်ကို မင်းမြှောက်၍ မိမိမူကား အိမ်ရှေ့မင်းအဖြစ် ခံယူလိုက်၏။
ပါရမီဓာတ်ခံ ရင့်သန်သူ
ပုရောဟိတ်သုသီမသည် မင်းအဖြစ် စည်းစိမ်ခံစားနေရသော်လည်း အာရုံငါးပါးကာမဂုဏ်တရားတို့ကို ငြီးငွေ့လှသဖြင့် တောထွက်၍ ရသေ့ရဟန်းပြုရန်သာ စိတ်တော် ညွတ်ကိုင်းလျက်ရှိသည်။ မိဖုရားကြီးနှင့် မပျော်ပိုက်ဘဲ တစ်ယောက်တည်းသာ နေသည်။ နန်းတော်ကြီးကိုပင် လှောင်အိမ်ကြီးဟု ထင်လာ၏။ လှောင်အိမ်၌ နေရသော ငှက်ကဲ့သို့ စိတ်တို့မှာ ကျပ်တည်း ကျဉ်းမြောင်းနေ၏။
မိဖုရားကြီး၏ လှည့်ကွက်…
ထိုအခါ မိဖုရားကြီးသည် ဤမင်းငယ်ကား နုပျိုသေး၏။ ငါနှင့် မမွေ့လျော်ဘဲ တစ်ယောက်တည်းသာ နေလေ့ရှိ၏။ ငါကား အရွယ်အို၍ ဆံပင်တို့သည် ဖြူကုန်၏။ ငါ့ခေါင်းမှ ဆံပင်ဖြူနုတ်ပြီး သူ့ခေါင်းမှ ဆံပင်ဟု ပြောလျှင် သူလည်းအသက်ရင့်ပြီဟု ထင်စေကာ မွေ့လျော်မည်ဟု ကြံစည်၏။
တစ်နေ့တွင် သုသီမခေါင်းတွင် သန်းရှာဟန်ပြု၍ ဆံပင်နက်တစ်ချောင်းကို နုတ်ယူပြီး မိမိဆံပင်ကိုပြ၍ အသက်အရွယ်တူနီးပါး ဖြစ်ပြီဟုပြော၏။
မင်းကြီး၏ သံဝေဂ…
မင်းကြီးသည် ဆံပင်ဖြူ လက်ထဲရောက်ခါမှ ချွေးသီး ချွေးပေါက်များ နဖူးပြင်မှ လျှောကျလာ၏။ ဆံပင်ဖြူကို လက်ဝါးပေါ်တင်၍-
`အို… သုသီမ… ရှေးအခါက ငါ၏ ဆံပင်တို့သည် မည်းနက်သော အဆင်းရှိကုန်၏။ ယခုမူ ဖြူကုန်ပါပကော၊ အကျင့်ကို ကျင့်ရန် အချိန်တန်ပြီ´ဟု မိမိကိုယ်ကိုတိုက်တွန်းနှိုးဆော်ကာ မြတ်သောအကျင့်၏ ဂုဏ်ကျေးဇူးကို ချီးကျူးပြောဆိုလေ၏။
မိဖုရားဆင်ကွက် လွဲချက်ပေါ်…
မိဖုရားကြီးမှာ ဆံဖြူပင်ကိုပြလိုက်လျှင် သူနှင့်အရွယ်တူလေသည်ဟုထင်ကာ ကြည်ဖြူစွာမွေ့လျော်လိမ့်မည်ဟု အကွက်ဆင်ခဲ့သော်လည်း သူဆင်သည့်အကွက်မပေါ်တော့ပါ၊ သံဝေဂညွတ်ပြီး ရသေ့ဝတ်၍ တရားကျင့်ရန်သာ အာရုံစူးစိုက်၍ နေပေတော့၏။ ထိုကြောင့် မိဖုရားကြီးက သံဝေဂစိတ် ပျောက်ပြီး အာရုံတစ်မျိုးရောက်ရန် ကြိုးစားပြန်သည်။
အရှင်မင်းကြီး ဤဆံပင်ဖြူကား ကျွန်ုပ်၏ ဦးခေါင်းမှ ဆံဖြူဖြစ်ပါ၏။ မင်းကြီး၏ ဆံဖြူမဟုတ်ပါ။ အကျွန်ုပ်မုသားဆိုမိပါ၏။ သည်းခံတော်မူပါ´
`အရှင်မင်းကြီး ပေါက်ထွက်စ အညှောင့်သည် ရှုချင်စဖွယ်ရှိသကဲ့သို့ အရှင်မင်းကြီးသည်လည်း နုပျို၍ ရှုချင်စဖွယ်ရှိပါ၏။ မင်းအဖြစ်ကိုလည်း ပြုတော်မူပါ၊ အကျွန်ုပ်ကိုလည်း ကြည့်ရှုတော်မူပါ။ နောက်ဘမှ အကျိုးရှိမည့်ရဟန်းအဖြစ်ကို မပြုပါလင့်´ဟု မင်းကြီးအား နုပျိုလန်းဆန်းသည့် အရွယ်ဖြစ်ကြောင်း ချီးကျူး၍ ရဟန်းမပြုရန် တောင်းပန်လေ၏။
မင်းကြီးသည် မိဖုရားကြီးအား `မိဖုရားကြီး ငါ့အား ရှုချင်စဖွယ် တင့်တယ်သော အစို့အညှောင့်ကဲ့သို့ ထင်သော်လည်း အိုမင်းလာသောအခါ ငါ၏ ဆံတို့ကား ပိုက်ဆံလျော်ကဲ့သို့ ဖွေးဖွေးဖြူရမည်မှမလွဲပါ။ သူငယ်တို့၏ လည်းကောင်း၊ လှပသော မိန်းကလေးတို့၏ လည်းကောင်း အဆင်းမှန်သမျှ ပျက်စီးရမည်ကိုသာ ငါမြင်နေ၏။
`မိဖုရားကြီး ငါ့အား အချိုးအစားပြေပြစ်သောအမျိုးသမီးကိုမြင်ရ၏။ လေပြည်လေအေး တိုက်ခတ်၍ လှုပ်ရှားသော သန္တာမည်းကဲ့သို့သော ထိုမိန်းမတို့၏ ဆံပင်တို့သည် ယောင်္ကျားတို့၌ ကိလေသာ၏ အရွယ်ဖြင့်ဖြားယောင်းသကဲ့သို့ဖြစ်၏။ ငါ့စိတ်တွင်းမှ ထိုမိန်းမတို့ကို အသက်ရှစ်ဆယ်၊ ကိုးဆယ်အရွယ်ရှိသော တောင်ဝှေးလက်စွဲ၍ ယိမ်းယိုင် ကုန်းကွနေသည်ဟု ငါမြင်၏။
`မိဖုရားကြီး ငါကား လောကီအာရုံကာမဂုဏ်၌ မပျော်မွေ့တော့ပါ.။ မိန်းမတို့အပေါ် ချစ်ခင်ဖွယ်- မချစ်ခင်ဖွယ်တို့ကို အပြစ်မြင်၍ တစ်ယောက်တည်းသာ အိပ်ရာထက်၌ ရှုပွားပါ၏။ လောကီကာမဂုဏ်အားလုံးတို့ကာ နှောင်ကြိုးနှင့် တူကုန်၏။ ရှေးပညာရှိတို့သည် ထိုနှောင်ကြိုးတို့ကို စွန့်ပယ်သကဲ့သို့ ငါလည်း စွန့်ပယ်၍ ရသေ့ရဟန်းပြုတော့အံ့´ဟု မိဖုရားကြီးအား ပြောကြား၏။
ထိုနောက် သုသီမမင်းသည် သူငယ်ချင်းဗြဟ္မဒတ္တကိုခေါ်၍ `အဆွေ… အဆွေသည် မင်းအဖြစ်ကိုပြန်လည်၍ လက်ခံပါတော့´ဟု ပြောပြီး အခြံအရံတို့နှင့်တကွ ဆွေမျိုးများငိုကြွေးနေစဉ်မှာပင် ဟိမ၀န္တာသို့ဝင်ကာ ရသေ့ရဟန်းပြု၍ ဈာန်အဘိညာဉ်တို့ကို ဖြစ်စေပြီး သေလွန်သောအခါ ဗြဟ္မာပြည်သို့ လား၏။
ဇာတ်ပေါင်းသော်…
မိဖုရားကြီးသည် - ရာဟုလာမယ်တော်
ဗြဟ္မဒတ်မင်းသည် - အာနန္ဒာ
သုသီမင်းကြီးသည် - ငါဘုရားဖြစ်လာ၏ဟု ဇာတ်တော်ကိုပေါင်း၏။
*** ဦးလှခင်-ဆန်းညွန့်ဦး ***
No comments:
Post a Comment