ခလုတ်တိုက်မိတဲ့ အကြောင်းပြောပြချင်တယ်။ ကျွန်မတို့ရဲ့ ခြေထောက်တွေက သွားရင်းလာရင်းနဲ့ တိုက်မိတတ်တဲ့ ခလုတ်တွေ အကြောင်း ပြောပြချင်တာပါ။
———->>o<<———- ကျွန်မတို့တွေ ဘယ်လိုအချိန်မျိုးမှာ၊ ဘယ်လိုပုံစံတွေနဲ့ ခလုတ်တိုက်မိတတ်ကြသလဲဆိုတာ ကျွန်မရဲ့ ကိုယ်တွေ့နဲ့ နှိုင်းယှဉ်ပြီး စဉ်းစားကြည့်နေမိတယ်။ အလျှင်စလိုနိုင်တဲ့ အချိန်မျိုးမှာ ခလုတ်တိုက်မိတတ်တယ်။ ကျွန်မဆို အမြဲစိတ်မြန်၊ လက်မြန်ရှိသူလို့ ပြောလို့ရတယ်။ ဘယ်အလုပ်မဆို အမြဲ သွက်သွက်လက်လက် မြန်မြန်ဆန်ဆန် လုပ်တတ်တယ်။ တုန့်နှေးတုန့်နှေး လုပ်နေသူတွေဆို အားမလို အားမရစိတ် အမြဲဖြစ်မိတယ်။ အလုပ်သုံးမျိုးလောက်ကို တစ်ချိန်ထဲ၊ တစ်ပြိုင်ထဲ အမြန်ပြီးချင်နေသူ။ ဒါကြောင့် ကျွန်မအမြဲတမ်း အလျှင်လိုနေတတ်တယ်။ စိတ်မြန်လက်မြန်နဲ့ အမြဲအလျှင်လိုနေတတ်တာကြောင့် လမ်းသွားရင် ခလုတ် ခဏခဏတိုက်မိတယ်။ ခလုတ်တိုက်လို့ ခြေသည်းခွံ နှစ်ခါကျွတ်ဘူးတယ်။ ကျွန်မစီးတဲ့ ဖိနပ်ထိပ်လေးတွေဆို ခလုတ်တိုက်မိတဲ့ ဒဏ်နဲ့ ဆေးသားလေးတွေ အနည်းနဲ့အများ ကွာနေတတ်တယ်။ ဒါလည်း ကျွန်မ ခလုတ်တိုက်မိဆဲပါဘဲ။ အလျှင်စလိုနိုင်တဲ့ စိတ်တွေက မကြာခဏရှိနေတတ်တယ်။ ဒါပေမယ့် ဒါကို လျှော့ချမိဖို့ မစဉ်းစားမိဘူး။ ဆန္ဒတွေနဲ့ အစောတလျှင် ရှိနေတတ်တာက တခါတခါမှာ ဂရုမမူမိဘဲ ခလုတ်တိုက်မိစေတတ်ပါတယ်။ အာရုံတစ်နေရာထဲမှာ စူးစိုက်ဝင်စားနေရာကနေ နောက်တစ်နေရာကို အာရုံက ရုတ်ချည်း ဗြုန်းဆို ကူးပြောင်းလုပ်ဆောင်မိတဲ့ အချိန်မျိုး ခလုတ်တိုက်မိတတ်တယ်။ တစ်ခါက ကျွန်မစိတ်ပါလက်ပါနဲ့ မီးဖိုချောင်ထဲ ဟင်းချက်ဖို့အတွက် ကြက်သွန်ဖြူ၊နီ စုံစီနဖာတင်ထားတဲ့ စားပွဲပုလေးပေါ်မှာ ကြက်သွန်နီတွေ အခိုးမွှန်မွှန်နဲ့၊ မျက်ရည်တရွှဲရွှဲနဲ့ လှီးနေတုန်း ဗြုန်းဆို မီးစောင့်တက်လာပြီး မီးအားမြှင့်စက်က စီစီလောင်လောင် ထအော်ပါလေရော။ ဘာပြောကောင်းမလဲ “ ၀ုန်းခနဲ “ ထပြီး မီးစက်ဆီအပြေး စားပွဲပုလေးကို ရုတ်တရက်အထ ဒူးခေါင်းနဲ့ခလုတ်တိုက်၊ စားပွဲပေါ်က စုံစီနဖာတွေ ကြမ်းပြင်ပေါ် အကုန်မှောက်ကုန်တော့တာပါဘဲ။ လှီးထားသမျှတွေရော၊ ဆီသတ်ဖို့ တင်ထားတဲ့ ဆီအိုးပါ မှောက်ကျသွားတာမို့ တကယ့်မျက်ရည် အစစ်တွေတောင်မှ ၀ဲသွားရခဲ့ဘူးတယ်။ တစ်နေရာရာမှာ အာရုံဝင်စား တွယ်ငြိနေမိချိန် ရုတ်တရက် အငိုက်ဖမ်းဝင်လာတတ်တဲ့ မမျှော်မှန်းနိုင်တဲ့ ခလုတ်တွေ တိုက်မိတတ်တယ်။ နောက်တစ်ခါ ပုံမှန်သွားနေကျ လမ်းကို သွားနေလျှက်ကပဲ ကိုယ်တိုင် နမော်နမဲ့နဲ့ သတိမမူလို့ ခလုတ်တိုက်မိတတ်ကြတယ်။ ကျွန်မရဲ့ အိမ်ခန်းက တတိယထပ်မှာ။ လှေခါးနှစ်ဆစ်ချိုး တက်ရပြီး လှေခါးထစ် စုစုပေါင်းမှ အထစ်နှစ်ဆယ်ကျော်လောက်ရှိတယ်။ ဒီလှေခါးထစ်တွေကို ဒီအိမ်မှာ နေခဲ့တဲ့ သက်တမ်းတလျှောက် ကြေကြေညက်ညက် ရင်းနှီးနေခဲ့တာမှ ညဘက် မီးပျက်လို့ အလင်းရောင် မရှိချိန်တောင်မှ မျက်စိမှိတ် အဆင်းအတက်လုပ်ဦး လုံးဝမှကို မလွဲမချော်စေခဲ့ရအောင် တက်နိုင်၊ ဆင်းနိုင်ခဲ့တာပါ။ ဒါပေမယ့် တစ်နေ့ညနေခင်းမှာ ငှါးဖတ်ထားတဲ့ စာအုပ်လေး ပြန်အပ်ဖို့ လှေကားအတိုင်း ဆင်းလာရင်းကနေ စိတ်ထဲ ရွှင်မြူးသလိုလိုဖြစ်လာတာမို့ လူရှင်းနေတဲ့လှေကားပေါ်ကပြေးတယ်လို့လည်း မပြောသာ၊ခုန်ပေါက်ဆင်းတယ်လို့လည်းမဆိုသာတဲ့ ပုံစံမျိုးနဲ့ ခေါင်းလေးတမော့မော့နဲ့ သီချင်းလေးညည်းလို့ ခပ်ကြွကြွလေး ဆင်းလာမိတယ်။ အောက်ရောက်ဖို့ လှေကားငါးထစ်လောက်အလိုမှာ ရုတ်တရက် ကျွန်မခြေထောက်က ပျော့အိအိနဲ့ တစ်စုံတစ်ခုကို ခလုတ်တိုက် နင်းမိပြီး လှေကားအောက်အထစ်အထိ ဒလိမ့်ခေါက်ကွေး ပြုတ်ကျပါရော။
ခလုတ်တိုက်မိတဲ့အရာကို ကမမ်းကတမ်း လှမ်းကြည့်လိုက်တော့ ကြောင်လေးတစ်ကောင်၊ တက်နင်းမိတဲ့အရှိန်နဲ့ ညှောင်ခနဲအော်ပြီး လန့်ဖြတ်ကာ တစ်ချိုးထဲ ထွက်ပြေးပါလေရော။ ကြောင်တစ်ကောင်လုံး ထိုင်နေတာကို မမြင်ဘဲ ခလုတ်တိုက်မိတဲ့အထိ နမော်နမဲ့နိုင်မိတာလေ။ အမှုမဲ့ အမှတ်မဲ့ နေထိုင်ဖြတ်သန်းလာတဲ့ ဘ၀တစ်လျှောက်မှာ မတိုက်သင့်ပဲနဲ့ တိုက်မိခဲ့တဲ့ခလုတ်တွေကြောင့် တစ်ပါးသူကို ဘယ်နှစ်ကြိမ် နာကျင်စေခဲ့မိပြီလဲ။ တစ်ခါတစ်လေ ခလုတ်တိုက်ခံရမယ့် အရာက အလစ်ချောင်းနေတတ်ပြန်တယ်။ အတိုက်ခံစေချင်တဲ့ ခလုတ်လို့များတောင် ပြောရမလားမသိ။ ကျွန်မအထက်တန်းကျောင်းတက်နေတုန်းက မနက် ကျောင်းသွားရင် အိမ်နဲ့ သိပ်မဝေးတဲ့ ကျောင်းကို ပလက်ဖောင်းပေါ်ကနေ လမ်းလျှောက်သွားေ လ့ ရှိပါတယ်။ အဲ့ဒီလိုသွားတိုင်း အလစ်ချောင်းပြီး ခလုတ်တိုက်ဖို့ စောင့်နေတတ်တဲ့ နေရာတစ်ခု ပလက်ဖောင်းမှာ ရှိနေပါတယ်။ အဲ့ဒါက အရင်က ကားမှတ်တိုင်နံပတ်ပြား ဆိုက်ထူထားတဲ့ ဆိုင်းဘုတ်တိုင်တစ်ခုရဲ့ နေရာလို့ ထင်မိပါရဲ့။ အခုတော့ ဆိုင်းဘုတ်ရော၊ ဆိုင်းဘုတ်တိုင်ရော မရှိတော့ပါဘူး။ ဒါပေမယ့်သူ့ကို စိုက်ထားတုန်းက ဖို့ထားတဲ့ တစ်လက်မအမြင့်သာသာ တစ်ပေ ပတ်လည် အင်္ဂတေနေရာ မို့မို့လေးနဲ့ ဆိုင်းဘုတ်သံတိုင်လေးရဲ့ အငုတ်လေးတော့ ကျန်နေသေးတယ်။ အမှတ်တမဲ့ဆို မြေညီပြင်ထက်သာသာလေး မို့နေတာလေးက သိတောင် မသိသာပါဘူး။ ကျောင်းသား၊ ကျောင်းသူအသွားများတဲ့ နေရာဆိုတော့ ဒီခလုတ်ကို တစ်ယောက်မဟုတ် တစ်ယောက် တိုက်မိပြီး ဟက်ထိုးဟပ်ထိုး ဖြစ်ရတာပါဘဲ။ ကျွန်မတောင် ကျောင်းတက်နေတဲ့ သက်တမ်းတစ်လျှောက် သိသိကြီးနဲ့ လေး၊ ငါးခါထက်မနည်း ၀င်တိုက်မိသေးတာ။ ဒီခလုတ်တိုက်မိတတ်တဲ့ နေရာလေးရဲ့ ပတ်ဝန်းကျင်မှာ အပင်တွေ၊ ပါတ်ဝန်းကျင်တွေ၊ ခလုတ်တိုက်သူတွေသာ ပြောင်းလဲသွားပေမယ့် ဒီနေရာလေးက ကျွန်မအခု အသက်အရွယ်ထိ ရောက်လာတာတောင် ဟိုးတုန်းကအတိုင်း မပြောင်းမလဲ ရှိနေဆဲပါဘဲ။ ထင်ထင်ရှားရှားနဲ့ ဒါခလုတ်ကန်သင်းပဲလို့ သိလျှက်နဲ့လည်း ကျွန်မတို့ ဒီခလုတ်ကို မဖယ်ရှားမိခဲ့ကြဘူး။ မတိုက်မိဖို့၊ ရှောင်ကွင်းသွားဖို့ပဲ အာရုံရှိကြတယ်။ ကျွန်မတို့ ကိုယ်တိုင်က တစ်ခါတစ်ရံမှာ ခလုတ်ကန်သင်းတွေကို ဖယ်ရှားဖြစ်ဖို့ မေ့လျှော့နေမိပြီး ထပ်မံ ခလုတ်တိုက်မိခြင်းတွေနဲ့ အသားတကျ ရှိနေတတ်ပြန်တယ်။ ထူးထူးဆန်းဆန်းခလုတ်တိုက်မိတဲ့ နေရာတစ်ခုအကြောင်း ပြောပြဦးမယ်။ အလုပ်ပိတ်ရက်တွေမှာ စာအုပ်ဆိုင်တွေကို ကျွန်မ၀င်မွှေနေကြ။ အဲ့ဒီနေ့က ၀င်မွှေဖို့ ရွေးချယ်ဖြစ်တဲ့ စာအုပ်ဆိုင်က ကျွန်မ မကြာခဏရောက်နေကျ ပန်းဆိုးတန်းက ဆိုင်ကြီးတစ်ဆိုင်ပါ။ အဲ့ဒီ စာအုပ်ဆိုင်ကြီးရဲ့ အထဲကို ရောက်ဖို့ ခပ်ကျဉ်းကျဉ်း အုတ်လှေကားထစ် အနည်းငယ်ကို ကျော်ဖြတ်ရတယ်။ စာအုပ်ဆိုင်လေး အထဲကို လှေကားထစ်တွေအတိုင်း တက်လာရင်း လှေကားခြောက်ထစ်လောက်လည်း ရောက်ရော ခလုတ်တိုက်မိပြီး ဟပ်ထိုးမှောက်လျက် လဲကျပါလေရော။ ရှက်ရှက်နဲ့ ဒူးလေးပွတ်၊ လူးလဲအထမှာ ခလုပ်တိုက်မိတဲ့ လှေကားထစ်နေရာမှာ သတိပေး စာတမ်းလေးတစ်ခု ကပ်ထားတာ တွေ့လိုက်ရတယ်။ ဆိုင်ကိုလာသမျှ လူတွေမြင်သာအောင် ကပ်ထားတာပါ။ ဒါပေမယ့် ကျွန်မ သာမန်ကာ လျှံကာဘဲ ဖတ်လိုက်မိတယ်။ ဆိုင်ထဲရောက်သွားချိန် တစ်ခဏ ကိုယ်စိတ်ဝင်စားတဲ့ စာအုပ်တွေလည်း တွေ့ရော ခလုတ်တိုက်မိသူတို့ရဲ့ ထုံးစံအတိုင်း ခလုတ်တိုက်မိခဲ့တာကို အမှတ်တောင် မရမိတော့ပါဘူး။ တစ်ခါတစ်ရံ ဘ၀မှာ နာကျင်မှုမျိုးနဲ့ ကြုံတွေ့ရတိုင်း၊ နာကျင်ခြင်းရဲ့ ဇစ်မြစ်ကို မရှာဖွေမိတော့ဘဲ အသေးအမွှားပဲဆိုပြီး လျစ်လျူရှုထားမိတတ်တယ်။ ဒဏ်ရာအသေးအမွှားလေးတွေက ကြာလာတော့ စုပေါင်းပြီး အပွေး တက်လာတော့မှ နာကျင်လာတာကို ဂရုပြုမိကြတယ်။ အဲ့ဒီ စာအုပ်ဆိုင်ကို နောက်တစ်ကြိမ် ထပ်ရောက်တော့မှ ဒီသတိပေးစာတမ်းလေးကို ကျွန်မ တခုတ်တရ သတိပြုမိသွားရတယ်။ ဒီတစ်ခါက ကျွန်မသူငယ်ချင်းနဲ့အတူ အဖော်အဖြစ်နဲ့ ခဏလိုက်သွားစဉ်မှာပါ။ စာအုပ်ဆိုင်ကို ရည်ရွယ်ပြီး လာတာမဟုတ်ပဲ ဆိုင်ရှေ့ကနေ အဖြတ် သူငယ်ချင်းက “ လမ်းကြုံလို့ မှာထားတဲ့ စာအုပ်ရပြီလား ၀င်မေးချင်တယ်၊ နင်..ဒီကပဲ စောင့်နေ ” ဆိုတာနဲ့ ကျွန်မက ဆိုင်ထဲ ၀င်လိုက်မသွားဖြစ်တော့ပဲ အောက်က ပလက်ဖောင်းမှာပဲ စောင့်နေဖြစ်ခဲ့ပါတယ်။ အဲ့ဒီမှာ ကျွန်မမျက်စိရှေ့က ၀င်သွားတဲ့ သူငယ်ချင်းတစ်ယောက် အုတ်လှေကားတိုလေးရဲ့ တစ်ဝက်လောက်လည်း ရောက်ရော ခလုတ်တိုက်ပြီး ဟပ်ထိုးမှောက်လျှက် လဲပါလေရော။ အဲ့သည်မှာမှ လှေကားမှာ ကပ်ထားတဲ့ စာတမ်းကို ကျွန်မ စတင်သတိပြုမိတာ။ စာတမ်းက “ သတိ ! ခလုတ်တိုက်တတ်သည် ” တဲ့။ အဲ့ဒီနေရာက ပထမတစ်ခါ ကျွန်မခလုပ်တိုက် လဲကျခဲ့ဘူးတဲ့ နေရာ၊ သတိပေးစာတမ်းကပ်ထားတဲ့ လှေကားထစ်နေရာတည့်တည့်။ ဒါနဲ့ ဒီနေရာက ခလုတ်မတိုက်မိစေဖို့ သတိပေးစာတမ်းတောင် ကပ်ထားရတဲ့အထိ ဘာလို့များ ခလုတ်တိုက်မိစေရတာလည်းဆိုတာ ကျွန်မသိချင်လာတယ်။ သိချင်နေစိတ်က ဆိုင်အ၀မှာ အသင့်ရှိနေတဲ့ ၀န်ထမ်းမိန်းကလေးကို ဒီနေရာမှာ ဘာလို့ ခလုတ်တိုက်မိရသလဲလို့ ချက်ချင်း သွားမေးမိစေတယ်။ သူမဖြေတာက “ ခလုတ်တိုက်မိစေတဲ့ ဒီအုတ်လှေကားထစ်က ကျန်လှေကားထစ်တွေထက် မဆိုသလောက် နည်းနည်းလေးမြင့်နေတယ်လို့ လူကြီးတွေ ပြောတာပဲ၊ ဒီအထစ်ရောက်ရင် မကြာခဏ ခလုတ်တိုက်တတ်လို့ စာတမ်းကပ်ထားရတာ ” လို့ အဖြေပေးရှာပါတယ်။ အဲ့ဒီ ခလုတ်တိုက်မိစေတဲ့ လှေကားထစ်က သာမန်မျက်စိနဲ့ ကြည့်ရင် တခြားအထစ်တွေလိုပဲ တကယ့်ကို အကောင်းပကတိ ပုံမှန်ပါဘဲ။ ဘာမှကို အပို မထူးခြားပါဘူး။ ဒါပေမယ့် သတိပေးစာတမ်း ကပ်ယူရတဲ့အထိ လူတွေကို ခလုတ်တိုက်မိစေခဲ့တာ။ ခလုတ်ကန်သင်းတွေက မမြင်သာဘဲ သာမန်ပုံစံနဲ့ လူတွေကို မျက်စိလှည့်စားပြီး အလစ်ချောင်းနေတတ်တယ်။ ခလုတ်မထိအောင် စေတနာထား၊ ကြိုတင် သတိပေးထားတာမျိုး ရှိပေမယ့် တစ်ချက်ကလေး သတိလွတ်သွားလိုက်တာနဲ့ တိုက်မိလျက်သား ဖြစ်နေတတ်တယ်။ ———->>o<<———- ဘ၀မှာ အကြိမ်ကြိမ်အခါခါ ခလုတ်တိုက်မိခဲ့ကြတယ်။ ခလုတ်ကန်သင်းနဲ့ တူသော အရာတွေနဲ့လည်း မလွဲမသွေ ကြုံတွေ့ခဲ့ကြရတယ်။ အဲ့ဒီခလုတ်ကန်သင်းတွေကပဲ ဒဏ်ရာအနာတရတွေသာမက အတွေ့အကြုံတွေပါ ရခဲ့ကြတယ်။ အဲ့ဒီအတွေ့အကြုံတွေကနေ တဆင့် ရှောင်ရန် ဆောင်ရန် နည်းလမ်းတွေကို ကျွန်မတို့ သင်ယူခွင့် ရခဲ့ကြတယ်။ ကျွန်မတို့ ရပ်တည်နေထိုင်ချိန်တိုင်း တချိန်ချိန်မှာ ခလုတ်တွေ တိုက်ဖြစ်နေကြဦးမှာပါဘဲ။ ကိုယ်တိုင်ခလုတ်မဖြစ်စေဖို့နဲ့ လျှောက်နေရတဲ့ ဘ၀ခရီး လမ်းအသွယ်သွယ်မှာ ခလုတ်မထိ ဆူးမငြိတွယ်စေဖို့ကတော့ ကျွန်မတို့ကိုယ်တိုင် ဆင်ခြင်တုံတရားလေးနဲ့ သေချာဂရုစိုက်မှ ဖြစ်မှာနော်။
Image Source: Google Image
ဆန္ဒနဲ့ဘ၀တစ်ထပ်ထဲကျကြပါစေရှင်။
**မြသွေးနီ**
ခလုတ်တိုက်မိတဲ့ အကြောင်းပြောပြချင်တယ်။ ကျွန်မတို့ရဲ့ ခြေထောက်တွေက သွားရင်းလာရင်းနဲ့ တိုက်မိတတ်တဲ့ ခလုတ်တွေ အကြောင်း ပြောပြချင်တာပါ။
———->>o<<———- ကျွန်မတို့တွေ ဘယ်လိုအချိန်မျိုးမှာ၊ ဘယ်လိုပုံစံတွေနဲ့ ခလုတ်တိုက်မိတတ်ကြသလဲဆိုတာ ကျွန်မရဲ့ ကိုယ်တွေ့နဲ့ နှိုင်းယှဉ်ပြီး စဉ်းစားကြည့်နေမိတယ်။ အလျှင်စလိုနိုင်တဲ့ အချိန်မျိုးမှာ ခလုတ်တိုက်မိတတ်တယ်။ ကျွန်မဆို အမြဲစိတ်မြန်၊ လက်မြန်ရှိသူလို့ ပြောလို့ရတယ်။ ဘယ်အလုပ်မဆို အမြဲ သွက်သွက်လက်လက် မြန်မြန်ဆန်ဆန် လုပ်တတ်တယ်။ တုန့်နှေးတုန့်နှေး လုပ်နေသူတွေဆို အားမလို အားမရစိတ် အမြဲဖြစ်မိတယ်။ အလုပ်သုံးမျိုးလောက်ကို တစ်ချိန်ထဲ၊ တစ်ပြိုင်ထဲ အမြန်ပြီးချင်နေသူ။ ဒါကြောင့် ကျွန်မအမြဲတမ်း အလျှင်လိုနေတတ်တယ်။ စိတ်မြန်လက်မြန်နဲ့ အမြဲအလျှင်လိုနေတတ်တာကြောင့် လမ်းသွားရင် ခလုတ် ခဏခဏတိုက်မိတယ်။ ခလုတ်တိုက်လို့ ခြေသည်းခွံ နှစ်ခါကျွတ်ဘူးတယ်။ ကျွန်မစီးတဲ့ ဖိနပ်ထိပ်လေးတွေဆို ခလုတ်တိုက်မိတဲ့ ဒဏ်နဲ့ ဆေးသားလေးတွေ အနည်းနဲ့အများ ကွာနေတတ်တယ်။ ဒါလည်း ကျွန်မ ခလုတ်တိုက်မိဆဲပါဘဲ။ အလျှင်စလိုနိုင်တဲ့ စိတ်တွေက မကြာခဏရှိနေတတ်တယ်။ ဒါပေမယ့် ဒါကို လျှော့ချမိဖို့ မစဉ်းစားမိဘူး။ ဆန္ဒတွေနဲ့ အစောတလျှင် ရှိနေတတ်တာက တခါတခါမှာ ဂရုမမူမိဘဲ ခလုတ်တိုက်မိစေတတ်ပါတယ်။ အာရုံတစ်နေရာထဲမှာ စူးစိုက်ဝင်စားနေရာကနေ နောက်တစ်နေရာကို အာရုံက ရုတ်ချည်း ဗြုန်းဆို ကူးပြောင်းလုပ်ဆောင်မိတဲ့ အချိန်မျိုး ခလုတ်တိုက်မိတတ်တယ်။ တစ်ခါက ကျွန်မစိတ်ပါလက်ပါနဲ့ မီးဖိုချောင်ထဲ ဟင်းချက်ဖို့အတွက် ကြက်သွန်ဖြူ၊နီ စုံစီနဖာတင်ထားတဲ့ စားပွဲပုလေးပေါ်မှာ ကြက်သွန်နီတွေ အခိုးမွှန်မွှန်နဲ့၊ မျက်ရည်တရွှဲရွှဲနဲ့ လှီးနေတုန်း ဗြုန်းဆို မီးစောင့်တက်လာပြီး မီးအားမြှင့်စက်က စီစီလောင်လောင် ထအော်ပါလေရော။ ဘာပြောကောင်းမလဲ “ ၀ုန်းခနဲ “ ထပြီး မီးစက်ဆီအပြေး စားပွဲပုလေးကို ရုတ်တရက်အထ ဒူးခေါင်းနဲ့ခလုတ်တိုက်၊ စားပွဲပေါ်က စုံစီနဖာတွေ ကြမ်းပြင်ပေါ် အကုန်မှောက်ကုန်တော့တာပါဘဲ။ လှီးထားသမျှတွေရော၊ ဆီသတ်ဖို့ တင်ထားတဲ့ ဆီအိုးပါ မှောက်ကျသွားတာမို့ တကယ့်မျက်ရည် အစစ်တွေတောင်မှ ၀ဲသွားရခဲ့ဘူးတယ်။ တစ်နေရာရာမှာ အာရုံဝင်စား တွယ်ငြိနေမိချိန် ရုတ်တရက် အငိုက်ဖမ်းဝင်လာတတ်တဲ့ မမျှော်မှန်းနိုင်တဲ့ ခလုတ်တွေ တိုက်မိတတ်တယ်။ နောက်တစ်ခါ ပုံမှန်သွားနေကျ လမ်းကို သွားနေလျှက်ကပဲ ကိုယ်တိုင် နမော်နမဲ့နဲ့ သတိမမူလို့ ခလုတ်တိုက်မိတတ်ကြတယ်။ ကျွန်မရဲ့ အိမ်ခန်းက တတိယထပ်မှာ။ လှေခါးနှစ်ဆစ်ချိုး တက်ရပြီး လှေခါးထစ် စုစုပေါင်းမှ အထစ်နှစ်ဆယ်ကျော်လောက်ရှိတယ်။ ဒီလှေခါးထစ်တွေကို ဒီအိမ်မှာ နေခဲ့တဲ့ သက်တမ်းတလျှောက် ကြေကြေညက်ညက် ရင်းနှီးနေခဲ့တာမှ ညဘက် မီးပျက်လို့ အလင်းရောင် မရှိချိန်တောင်မှ မျက်စိမှိတ် အဆင်းအတက်လုပ်ဦး လုံးဝမှကို မလွဲမချော်စေခဲ့ရအောင် တက်နိုင်၊ ဆင်းနိုင်ခဲ့တာပါ။ ဒါပေမယ့် တစ်နေ့ညနေခင်းမှာ ငှါးဖတ်ထားတဲ့ စာအုပ်လေး ပြန်အပ်ဖို့ လှေကားအတိုင်း ဆင်းလာရင်းကနေ စိတ်ထဲ ရွှင်မြူးသလိုလိုဖြစ်လာတာမို့ လူရှင်းနေတဲ့လှေကားပေါ်ကပြေးတယ်လို့လည်း မပြောသာ၊ခုန်ပေါက်ဆင်းတယ်လို့လည်းမဆိုသာတဲ့ ပုံစံမျိုးနဲ့ ခေါင်းလေးတမော့မော့နဲ့ သီချင်းလေးညည်းလို့ ခပ်ကြွကြွလေး ဆင်းလာမိတယ်။ အောက်ရောက်ဖို့ လှေကားငါးထစ်လောက်အလိုမှာ ရုတ်တရက် ကျွန်မခြေထောက်က ပျော့အိအိနဲ့ တစ်စုံတစ်ခုကို ခလုတ်တိုက် နင်းမိပြီး လှေကားအောက်အထစ်အထိ ဒလိမ့်ခေါက်ကွေး ပြုတ်ကျပါရော။
ခလုတ်တိုက်မိတဲ့အရာကို ကမမ်းကတမ်း လှမ်းကြည့်လိုက်တော့ ကြောင်လေးတစ်ကောင်၊ တက်နင်းမိတဲ့အရှိန်နဲ့ ညှောင်ခနဲအော်ပြီး လန့်ဖြတ်ကာ တစ်ချိုးထဲ ထွက်ပြေးပါလေရော။ ကြောင်တစ်ကောင်လုံး ထိုင်နေတာကို မမြင်ဘဲ ခလုတ်တိုက်မိတဲ့အထိ နမော်နမဲ့နိုင်မိတာလေ။ အမှုမဲ့ အမှတ်မဲ့ နေထိုင်ဖြတ်သန်းလာတဲ့ ဘ၀တစ်လျှောက်မှာ မတိုက်သင့်ပဲနဲ့ တိုက်မိခဲ့တဲ့ခလုတ်တွေကြောင့် တစ်ပါးသူကို ဘယ်နှစ်ကြိမ် နာကျင်စေခဲ့မိပြီလဲ။ တစ်ခါတစ်လေ ခလုတ်တိုက်ခံရမယ့် အရာက အလစ်ချောင်းနေတတ်ပြန်တယ်။ အတိုက်ခံစေချင်တဲ့ ခလုတ်လို့များတောင် ပြောရမလားမသိ။ ကျွန်မအထက်တန်းကျောင်းတက်နေတုန်းက မနက် ကျောင်းသွားရင် အိမ်နဲ့ သိပ်မဝေးတဲ့ ကျောင်းကို ပလက်ဖောင်းပေါ်ကနေ လမ်းလျှောက်သွားေ လ့ ရှိပါတယ်။ အဲ့ဒီလိုသွားတိုင်း အလစ်ချောင်းပြီး ခလုတ်တိုက်ဖို့ စောင့်နေတတ်တဲ့ နေရာတစ်ခု ပလက်ဖောင်းမှာ ရှိနေပါတယ်။ အဲ့ဒါက အရင်က ကားမှတ်တိုင်နံပတ်ပြား ဆိုက်ထူထားတဲ့ ဆိုင်းဘုတ်တိုင်တစ်ခုရဲ့ နေရာလို့ ထင်မိပါရဲ့။ အခုတော့ ဆိုင်းဘုတ်ရော၊ ဆိုင်းဘုတ်တိုင်ရော မရှိတော့ပါဘူး။ ဒါပေမယ့်သူ့ကို စိုက်ထားတုန်းက ဖို့ထားတဲ့ တစ်လက်မအမြင့်သာသာ တစ်ပေ ပတ်လည် အင်္ဂတေနေရာ မို့မို့လေးနဲ့ ဆိုင်းဘုတ်သံတိုင်လေးရဲ့ အငုတ်လေးတော့ ကျန်နေသေးတယ်။ အမှတ်တမဲ့ဆို မြေညီပြင်ထက်သာသာလေး မို့နေတာလေးက သိတောင် မသိသာပါဘူး။ ကျောင်းသား၊ ကျောင်းသူအသွားများတဲ့ နေရာဆိုတော့ ဒီခလုတ်ကို တစ်ယောက်မဟုတ် တစ်ယောက် တိုက်မိပြီး ဟက်ထိုးဟပ်ထိုး ဖြစ်ရတာပါဘဲ။ ကျွန်မတောင် ကျောင်းတက်နေတဲ့ သက်တမ်းတစ်လျှောက် သိသိကြီးနဲ့ လေး၊ ငါးခါထက်မနည်း ၀င်တိုက်မိသေးတာ။ ဒီခလုတ်တိုက်မိတတ်တဲ့ နေရာလေးရဲ့ ပတ်ဝန်းကျင်မှာ အပင်တွေ၊ ပါတ်ဝန်းကျင်တွေ၊ ခလုတ်တိုက်သူတွေသာ ပြောင်းလဲသွားပေမယ့် ဒီနေရာလေးက ကျွန်မအခု အသက်အရွယ်ထိ ရောက်လာတာတောင် ဟိုးတုန်းကအတိုင်း မပြောင်းမလဲ ရှိနေဆဲပါဘဲ။ ထင်ထင်ရှားရှားနဲ့ ဒါခလုတ်ကန်သင်းပဲလို့ သိလျှက်နဲ့လည်း ကျွန်မတို့ ဒီခလုတ်ကို မဖယ်ရှားမိခဲ့ကြဘူး။ မတိုက်မိဖို့၊ ရှောင်ကွင်းသွားဖို့ပဲ အာရုံရှိကြတယ်။ ကျွန်မတို့ ကိုယ်တိုင်က တစ်ခါတစ်ရံမှာ ခလုတ်ကန်သင်းတွေကို ဖယ်ရှားဖြစ်ဖို့ မေ့လျှော့နေမိပြီး ထပ်မံ ခလုတ်တိုက်မိခြင်းတွေနဲ့ အသားတကျ ရှိနေတတ်ပြန်တယ်။ ထူးထူးဆန်းဆန်းခလုတ်တိုက်မိတဲ့ နေရာတစ်ခုအကြောင်း ပြောပြဦးမယ်။ အလုပ်ပိတ်ရက်တွေမှာ စာအုပ်ဆိုင်တွေကို ကျွန်မ၀င်မွှေနေကြ။ အဲ့ဒီနေ့က ၀င်မွှေဖို့ ရွေးချယ်ဖြစ်တဲ့ စာအုပ်ဆိုင်က ကျွန်မ မကြာခဏရောက်နေကျ ပန်းဆိုးတန်းက ဆိုင်ကြီးတစ်ဆိုင်ပါ။ အဲ့ဒီ စာအုပ်ဆိုင်ကြီးရဲ့ အထဲကို ရောက်ဖို့ ခပ်ကျဉ်းကျဉ်း အုတ်လှေကားထစ် အနည်းငယ်ကို ကျော်ဖြတ်ရတယ်။ စာအုပ်ဆိုင်လေး အထဲကို လှေကားထစ်တွေအတိုင်း တက်လာရင်း လှေကားခြောက်ထစ်လောက်လည်း ရောက်ရော ခလုတ်တိုက်မိပြီး ဟပ်ထိုးမှောက်လျက် လဲကျပါလေရော။ ရှက်ရှက်နဲ့ ဒူးလေးပွတ်၊ လူးလဲအထမှာ ခလုပ်တိုက်မိတဲ့ လှေကားထစ်နေရာမှာ သတိပေး စာတမ်းလေးတစ်ခု ကပ်ထားတာ တွေ့လိုက်ရတယ်။ ဆိုင်ကိုလာသမျှ လူတွေမြင်သာအောင် ကပ်ထားတာပါ။ ဒါပေမယ့် ကျွန်မ သာမန်ကာ လျှံကာဘဲ ဖတ်လိုက်မိတယ်။ ဆိုင်ထဲရောက်သွားချိန် တစ်ခဏ ကိုယ်စိတ်ဝင်စားတဲ့ စာအုပ်တွေလည်း တွေ့ရော ခလုတ်တိုက်မိသူတို့ရဲ့ ထုံးစံအတိုင်း ခလုတ်တိုက်မိခဲ့တာကို အမှတ်တောင် မရမိတော့ပါဘူး။ တစ်ခါတစ်ရံ ဘ၀မှာ နာကျင်မှုမျိုးနဲ့ ကြုံတွေ့ရတိုင်း၊ နာကျင်ခြင်းရဲ့ ဇစ်မြစ်ကို မရှာဖွေမိတော့ဘဲ အသေးအမွှားပဲဆိုပြီး လျစ်လျူရှုထားမိတတ်တယ်။ ဒဏ်ရာအသေးအမွှားလေးတွေက ကြာလာတော့ စုပေါင်းပြီး အပွေး တက်လာတော့မှ နာကျင်လာတာကို ဂရုပြုမိကြတယ်။ အဲ့ဒီ စာအုပ်ဆိုင်ကို နောက်တစ်ကြိမ် ထပ်ရောက်တော့မှ ဒီသတိပေးစာတမ်းလေးကို ကျွန်မ တခုတ်တရ သတိပြုမိသွားရတယ်။ ဒီတစ်ခါက ကျွန်မသူငယ်ချင်းနဲ့အတူ အဖော်အဖြစ်နဲ့ ခဏလိုက်သွားစဉ်မှာပါ။ စာအုပ်ဆိုင်ကို ရည်ရွယ်ပြီး လာတာမဟုတ်ပဲ ဆိုင်ရှေ့ကနေ အဖြတ် သူငယ်ချင်းက “ လမ်းကြုံလို့ မှာထားတဲ့ စာအုပ်ရပြီလား ၀င်မေးချင်တယ်၊ နင်..ဒီကပဲ စောင့်နေ ” ဆိုတာနဲ့ ကျွန်မက ဆိုင်ထဲ ၀င်လိုက်မသွားဖြစ်တော့ပဲ အောက်က ပလက်ဖောင်းမှာပဲ စောင့်နေဖြစ်ခဲ့ပါတယ်။ အဲ့ဒီမှာ ကျွန်မမျက်စိရှေ့က ၀င်သွားတဲ့ သူငယ်ချင်းတစ်ယောက် အုတ်လှေကားတိုလေးရဲ့ တစ်ဝက်လောက်လည်း ရောက်ရော ခလုတ်တိုက်ပြီး ဟပ်ထိုးမှောက်လျှက် လဲပါလေရော။ အဲ့သည်မှာမှ လှေကားမှာ ကပ်ထားတဲ့ စာတမ်းကို ကျွန်မ စတင်သတိပြုမိတာ။ စာတမ်းက “ သတိ ! ခလုတ်တိုက်တတ်သည် ” တဲ့။ အဲ့ဒီနေရာက ပထမတစ်ခါ ကျွန်မခလုပ်တိုက် လဲကျခဲ့ဘူးတဲ့ နေရာ၊ သတိပေးစာတမ်းကပ်ထားတဲ့ လှေကားထစ်နေရာတည့်တည့်။ ဒါနဲ့ ဒီနေရာက ခလုတ်မတိုက်မိစေဖို့ သတိပေးစာတမ်းတောင် ကပ်ထားရတဲ့အထိ ဘာလို့များ ခလုတ်တိုက်မိစေရတာလည်းဆိုတာ ကျွန်မသိချင်လာတယ်။ သိချင်နေစိတ်က ဆိုင်အ၀မှာ အသင့်ရှိနေတဲ့ ၀န်ထမ်းမိန်းကလေးကို ဒီနေရာမှာ ဘာလို့ ခလုတ်တိုက်မိရသလဲလို့ ချက်ချင်း သွားမေးမိစေတယ်။ သူမဖြေတာက “ ခလုတ်တိုက်မိစေတဲ့ ဒီအုတ်လှေကားထစ်က ကျန်လှေကားထစ်တွေထက် မဆိုသလောက် နည်းနည်းလေးမြင့်နေတယ်လို့ လူကြီးတွေ ပြောတာပဲ၊ ဒီအထစ်ရောက်ရင် မကြာခဏ ခလုတ်တိုက်တတ်လို့ စာတမ်းကပ်ထားရတာ ” လို့ အဖြေပေးရှာပါတယ်။ အဲ့ဒီ ခလုတ်တိုက်မိစေတဲ့ လှေကားထစ်က သာမန်မျက်စိနဲ့ ကြည့်ရင် တခြားအထစ်တွေလိုပဲ တကယ့်ကို အကောင်းပကတိ ပုံမှန်ပါဘဲ။ ဘာမှကို အပို မထူးခြားပါဘူး။ ဒါပေမယ့် သတိပေးစာတမ်း ကပ်ယူရတဲ့အထိ လူတွေကို ခလုတ်တိုက်မိစေခဲ့တာ။ ခလုတ်ကန်သင်းတွေက မမြင်သာဘဲ သာမန်ပုံစံနဲ့ လူတွေကို မျက်စိလှည့်စားပြီး အလစ်ချောင်းနေတတ်တယ်။ ခလုတ်မထိအောင် စေတနာထား၊ ကြိုတင် သတိပေးထားတာမျိုး ရှိပေမယ့် တစ်ချက်ကလေး သတိလွတ်သွားလိုက်တာနဲ့ တိုက်မိလျက်သား ဖြစ်နေတတ်တယ်။ ———->>o<<———- ဘ၀မှာ အကြိမ်ကြိမ်အခါခါ ခလုတ်တိုက်မိခဲ့ကြတယ်။ ခလုတ်ကန်သင်းနဲ့ တူသော အရာတွေနဲ့လည်း မလွဲမသွေ ကြုံတွေ့ခဲ့ကြရတယ်။ အဲ့ဒီခလုတ်ကန်သင်းတွေကပဲ ဒဏ်ရာအနာတရတွေသာမက အတွေ့အကြုံတွေပါ ရခဲ့ကြတယ်။ အဲ့ဒီအတွေ့အကြုံတွေကနေ တဆင့် ရှောင်ရန် ဆောင်ရန် နည်းလမ်းတွေကို ကျွန်မတို့ သင်ယူခွင့် ရခဲ့ကြတယ်။ ကျွန်မတို့ ရပ်တည်နေထိုင်ချိန်တိုင်း တချိန်ချိန်မှာ ခလုတ်တွေ တိုက်ဖြစ်နေကြဦးမှာပါဘဲ။ ကိုယ်တိုင်ခလုတ်မဖြစ်စေဖို့နဲ့ လျှောက်နေရတဲ့ ဘ၀ခရီး လမ်းအသွယ်သွယ်မှာ ခလုတ်မထိ ဆူးမငြိတွယ်စေဖို့ကတော့ ကျွန်မတို့ကိုယ်တိုင် ဆင်ခြင်တုံတရားလေးနဲ့ သေချာဂရုစိုက်မှ ဖြစ်မှာနော်။
Image Source: Google Image
ဆန္ဒနဲ့ဘ၀တစ်ထပ်ထဲကျကြပါစေရှင်။
**မြသွေးနီ**
No comments:
Post a Comment